الحلقة #38 من رواية #زمنٌ_أعوج
( وعسـى أن تكـرهو شيئــاً وهـو خيـرٌ لكــم ... مريحـة هي هـذه آلآيـة .. تلهمنـآ آلصبـر على آلمحـن حتـى فـي أشدهـآ )
بعد مرور شهر تقريبااً
في دار سندس اخت سراج كانت مقعمزة تقرأ
طقطق عليها الباب
سندس : مني ؟
- اني سراج
سندس : خش ^_^
سراج فتح الباب : شن جوك ؟
سندس : تمام وانت شن اخباارك ؟
سراج : كويس
بعد صمت ساد
سندس : فيك حاااجة خيرك انت ؟
سراج ابتسم : مش اني اللي فيا حاجة في غيري
بنقولك ماحسيتيش ان في موضوع انتي ناسيتيه ؟
سندس بصدمة : اي موضووع ؟
سراج : صاار اي موضوع موضوع منييير اللي شادها وراي غير محترم وضعي الفترة اللي فاتت ماكانش يبي يكلمني
سندس : اهاا بابا وماما وانت موافقين
تتوقع اني نرفض
سراج بضحكة : على خااطر احني موااافقييين بسس ؟
سندس : سراااااااااااااااج
سراج ضحك : هههههههه يعني موااافقة ؟
سندس : ايه
سراج : خلاص يبي عرسه بعد شهر مع ولاد عممه الاتنين
- وانت ماتبيش عرسك معاهمم ؟
سراج شاف لسبأ بشبحات واحد حاااير مصدوووووم مش عارف شن يدييير : مش وقته نخطب اللي نبيها محترم حزنها
سبأ بجدية : ماتندريش يمكن هدا الموضوع يطلعها من الحزن اللي هي فيييه
سراج ابتسم : وانتي شن عرفكككك ؟
سبأ ابتسمت بارتبااك : عرفت وخلاص ومادخلكش كيف عرفت
سراج باصراار : سبأ من غير سخاافة
قطع عليهم الكلام موبايل سبأ
سبأ شافت الاسم وابتسمت : عمرها طويييييل
سبأ : هلللااا
منار بصوت مبحوح : اهلين
سبأ : خيره صوتك ؟
منار : تعبانة شوية بنقولك سندس بحداك ؟
سبأ : لحظة
واعطت الموبايل لسندس : منار تبيك
سندس : اهلين
منار : اهلين بيك كيف حالك ؟
سندس : تمام منار شن فيك ؟
منار : سلامتك مزكومة شوية بس
سندس : متأكدة ؟
منار : ايه سندس بنقولك تعرفي رقم وفاء ؟ اللي تقرب لريان صاحبتي الله يرحمها تقرأ معاك هي في الكلية
سندس باستغراب : لالا بس نقدر نجيبه من وحدة من البنات
منار : ياريت في اقرب وقتتت لكن ماتخلي حد يعرف ان اني اللي نبيه اوكي ؟
سندس : ان شاء الله
منار : اوكي شكراً
سكرت منها
وقعدت تفكر هل اللي باديره صح او لا لكن خلاص قررت واخدت مدكرة وقعدت تكتب فيها كل حاجة باديرها وتكتب جنبها التاريخ والوقت على خاطر تخلي صاحباتها يقروها بعد ماتكمل من المهمة
وصل خبر موافقة سندس على منير اللي كاان بيطير من الفرررحه وخلاص العرس بعد شهرر
**
عهد باستغراب : منار حبيبتي شن صايرلك ضاعفة هلبة ومولية صفرة وارهاق تحت عيونك
منار : لالا ارهاق مع الايام يمشي
امها : لازم انتي تمشي للمستشفى ونعرف شن صايرلك ساد ان معدتك توجع فيك في الفترة الاخيرة لازم نطمنوا ونتأكدوا تعبك يخووف
منار : مافيش دااعي
معاذ : نوضي البسي مافيش سبل
منار قعدت تشوف لمحمد تبيه ينقدها اشرلها انه مع معاذ : ماتحوليش نبو نطمنوا عليك امك معاها حقق
شافت لرواد وابرار والباقي
رواد : ماتحوليييش لو ماتبيش تمشي معاهم اني نرفعك بروووحي
أبرار : واني معاااهم
استسلمت وناضت لبست ومشو للمستشفى ودارولها كشف وتحاليل وبعد يومين تطلع النتيجة
**
في حوش سراج
ام سراج : نبي نفرح بيك مع سندس انت مش ناقصاتك حاااجة
سراج بضيق : مش توا يا امي بالله عليك
بو سراج : امك معاها حق انت مش ناقصاتك حاجة كان في بالك وحدة قوللها وتخطبهالك وكان هدا خليها ادورلك
سراج قرر وخايف ان منار ترفضه صاحبتها ماليهاش هلبة متوفية لكن اصرار امه خلاه يقول : منار ولو ماوافقتش مش حنتزوج
جميله ام سراج : لاش مش حتواااافق مش حتلقى زيك وبدت تزغرط
ماصدقت ام سراج ان ولدها وافق ناضت بتتصل بامنة ام منار بتقوللها تبي منار لسرااج
ردت ابرار عالتلفون : الو
ام سراج : اهلين
مني معاي ؟
ابرار : ابرار
جميلة : اهلين يابنتي اني خالتك جميلة
كيف حالك ؟
ابرار : بخير ياخالتي وانتي كيف حالك
جميلة : تمام بخير امك جنبك ؟
كانت كيف خاشة منار وكلهم من المستشفى
ابرار : لحظة
مدت التلفون لامها
**
ام منار سكرت وهي فرحاااانة
منار كانت هي في دارها تكمل بقيت تخطيطاتها
لين طق الباب وكانت امها
امنة خشت قعمزت بحدة بنتها : شن عندك شن تكتبي ؟
منار بارتباك : لا شيء
خيرك تو كيف خليتك ؟
امنة بابتسامة : مشاء الله انتي كبرتي و:..
منار : ماما مانبيش نتزوج تواا
امنة باستغراب : لاش ؟
منار : مانبيش نعرف مني ولا شيء مش مستعدة تو اني
امنة ضحكت : هههههههههه اعرفي من هو الاول وصلي واستخيري وبعدين ردي
منار : ومن تعيس الحظظ ؟
امنة : سراااج اللي تبرعلك بالدم ولد خالتك جميلة
منار قعدت تشوف لامها : منييي ؟
امنة : سرااااج لازم تفكرريي
وناضت امها ومخلية منار تفكرر
وهي قااااعدة مصدوووووومة فرحااااااااااااااااااااانة ولي لحظة تدكرت ريان ووصية ريان اللي مزال ما دارتهاااش وخطتتتتهااا وريااان ليها شهر ميتة وهي كيييييييف تفرح وصاحبتها ميتة ليها شهر ،ولكن فكرتتت ان توافق والعرس تأجلله شوية على الاقل لما تكمل وصية ريان
آلدنيآ حكآية آحدآثهآ آغرب من آلخيآل تتحدث على آلبقآء ولآ شيء فيهآ يدوم !! ~~
يتبع ~
YOU ARE READING
رواية #زمن_اعوج
General Fictionرواية بي اللهجة الليبية رواية اجتماعية منقولة للكاتبة ارجوان من الروايات القديمة الممتعة
