رواية #زمن_اعوج

الجزء السابع عشر

الحلقة #18 من رواية #زمنٌ_أعوج
لا تَكْسِر قَلْباً جاءَ إليكَ مُعْتَذِراً..فـ نَحْنُ إسلام والاعتِذار لـ شَخْصٍ ما لا يعني الخوف أو الضعف بل يعني حُبّاً واهتماماً شديداً..!
ربيع : أهلا صبآح الخير سرا
سراج : صباح النور ،شن الجو ؟
ربيع : كويس وانت ؟
سراج : تمام
ربيع : وين حسن ومنير ؟
سراج : مع ضياء في الطريق
ربيع : شن اقتنع ؟
سراج : ايه فاقله ضميرة. ونادم
ربيع : مسخفتني البنت
سراج : لكن حسيته ضياء حبها بجديات
ربيع : يدعي ان تسامحه الاول وبعدين ساهل
سراج : حق وكارهتني اني !!
ربيع : انت شفتهم البنات ؟
سراج : لالا ما شفتهمش
ربيع : به كيف نوصلوا فيهم ؟
سراج : تو نشوف منار نعرفهم
ربيع : اهو جو الولاد
وقفوا يستنوا في منار وصاحباتها بس منار خشت للمحاضره وماعدلتش لان مالقتش صاحباتها بره
في نص المحاضرة
منار : لولو سراج بره كيف نتصرفوا ؟
لولو : كيف رهف بتتقبل الصدمة ؟
منار : ربي يصبرها صعبه
لولو : تتم المحاضره نمشوا قدام وجههم
منار : وبعدين ؟
لولو : هما يوقفوا علينا ويبدو
منار : لولو خايفه
لولو : بشوية بشوية
منار : اول مابتشبح سراج بتسحابه ضياء
لولو : اكيد ولكن اكيد هم مجهزين خطه
منار : مش عارفه
قعدوا يتناقشوا يتناقشوا يتناقشوا تمت المحاضره
**
الولاد
سراج : اهم طلعوا هدوكاي الي مقعمزين عالطاولة
ربيع : ويييينهم ؟
اشرله سراج وشافهم
ربيع : حيييه اهيا شبحتها الصبح طاح منها موبايلها قمتهولها وكانت بروحها ومتفركسة
سراج : اما هي ؟
ربيع : الي لابسة جاكة جينز
سراج : منار هي هاذي الي بعتتلي عالياهو
منير : باهي هيااا
سراج : بسم الله الرحمن الرحيم
1 2 3 انطلقوا كلكم معاي
ضياء كان خايف باين عليه الرعشه
**
سراج : السلام عليكم
ريان ورهف نصدموا بس منار ولولو لا لانهم يعرفوا ...
_ آآه وعليكم آلسلآم
سرآج : ممكن نكلم رهف شوية بعد اذنكم !!!!
كان مش عارف من هي اصلا رهف
رهف وقفت : اهلين ضياء
سراج : ممكن عجنب نكلمك
البنات استغربوا والولاد معاه زي البوديقارد :D
رهف : تمام تعال نمشو غادي وآشرتله على مكان
سراج : اوكي شباب اقعدوا اهني
الشباب : تم
ربيع قعد يشوف لمنار وسرحان بس منار ماكانتش منتبها كل تفكيرها في رهف
رهف حاولت تشد في يد سراج الي تسحابه ضياء لغاية اللحظة هاذي
سراج بعد روحه شوية
وصلوا لوين ما بيحكوا
رهف : استحشتك ليش مسكر فونك شن صاير معاك احكيلي .. فرحانة انك جييت اليووم واخيراً شفتك
سراج : بنحكي معاك في موضوع واسمعيني للنهاية
رهف بخوف : قول تكلم
سراج قعد يشوفلها وسااكت
رهف : تكلم
سراج يشوفلها وساااكت
رهف : ضياء نحبك
سراج سااكت وماقدرش يتكلم
سراج : متأكدة تحبي ضياء ؟
رهف : ايه
سراج ماقدرش يتحمل وماعرفش يقوللها شدها من يدها وقلها تعالي معاي
رهف : لوين احني ما احكيناش شن هو الموضوع الي انت تبيني فيه ؟
وصلوا للولآد وآشر على ضيآء وقلهآ : هذا ضيآء واني سرآآج
رهف : هههههههههههههه كاميرا خفيه مثلا ؟
ضياء : رهف اسمعيني
رهف : من انت ؟
ضياء سكت
سراج : تكلم قوللها اني ماقدرتش نقوللها اعترفلها البنت مجنونة بيك قول كلمه
ضيآء حكي لرهف كل حآجه ورهف تبكي تبكي تبكي تبكي
والبنات مصدومات
رهف : اني شن ذنبي اني انسانة اني نحس ربي ما يسامحك ربي ياخذ فيك الحق حسبنا الله ونعمل وكيل
ضياء تعب من كلامها وحس انه يستاهله ماكانش يتوقع ردت فعلها هكي
مشي وخلآهم
رهف مسحت دموعها وشربت مية ووقفت عسراج
رهف : آنى آسفة وسمحني
ووقفت على صاحباتها وقلتلهم : اني آسفة وحقكم علية وآني مفروض سمعت كلامكم وكلام عقلي بس قلبي الي كان مسيطر ونسحاب نفسى عصح
منآر : رهف آنسي كل الي صار
لولو : ماتلوميش نفسك عادي
رهف : 4 شهور عايشه في وهم اني غبيه غبيه
ريان : واني اغبة منك رهو استغفري ربك وباهي تلي بان تو عحقيقته
رهف : باي تو بنروح
منار : انتي كويسه ؟
رهف : ايه مية مية
لولو : ماتروحيش تو
رهف : لالا باي
روحت رهف …
وريان روحت بعدها ..
جي سراج وقف عمنار ولولو بروحهم وقلهم : اني آسف مآكنتش نبي هذآ كله يصير
منآر : واني اسفة على قسوة كلامي وتجريحي
سراج : من حقك هاذي صاحبتك وكنتي لازم اديري هكي
لولو : مشكور وآن شاء الله يتم اليوم على خير
منار . نستئذنوكم احني آسفين مرة تانيه
سرآج : مافي شيء عادي .. اذنك معاك ،نتلاقوا العشيه
منار : استقلت انا
سراج : آنتي اما قدمتي استقالتك كنتي منزعجه مني وبعد ماعرفتي وتأكدتي إني مش انا فحترجعي طبيعي وماعطيتش الورقه لابلة لطفية
منار : يصير خير
روحت منار للحوش غيرت حوايجها وتغدت وقعمزت اتكت تتفرج عالتلفزيون ..
جتهآ مكآالمة
الرقم غرييب !!!!
منآر : السلام عليكم
هي : وعليكم السلام
منار معاي ؟
منار : ايه صح مني انتي
هي : اني رناد اخت رهف !!!!
هل إسآءة غيرنآ لنآ ،تترك لنآ جرحٌ عميق بدآخلنآ .. آو خذلآنهم يقتلنآ !!!!
يتبع ~