رواية #زمن_اعوج

الجزء الحادي والعشرين

الحلقة #22 من رواية #زمنٌ_أعوج
ان الحب لا يتقن التفكير والأخطر انه لا يملك ذاكرة انه لا يستفيد من حماقاته السابقة ولا من تلك الخيبات الصغيرة التى صنعت يوما جرحه الكبير
محمد خلاص قرر ينسى مروة ويمسحها من حياته زي ما مسحاتها يمكن سنة و معاها شهور كفيلين بأن يخلوه يتخذ القرار هدا كآن صعب عليه ولكن وقوف اخته جنبه سهل عليه وقرر يبدأ بالحلال من البداية ويبدأ حياة جديدة ...
في الجامعة
مؤيد : صباح الخير يا شينة
منوش : صبح ياااربي شن جيبك تواا ؟
مؤيد : وين صاحباتك سيبوك ههههههههه
منار : مزال ماجوش وانت ما عندكش نية تتشمت -_-
مؤيد : ههههههههههههههه ما بعد الي بيااخدكك
منار : ايييييييه نوريه النجوم في عز الظهر
مؤيد : ربي يصبره اشبح من دااعي علييه
ريان جت : انت ما تقوليش شن وظيفتك في الجاامعة ؟
مؤيد : صبح صبحي الاول
منار : ههههههههههههههههه صح
مؤيد : مافيش عدل 2 على 1
رنوش : جيب وااحد من الشارع باش يولي في عدل ^_^
مؤيد : وين الدبلة
منار شبحت ليدها : ايه رنووش حق
ريان : O_o قاري علية الفاتحة وانى ما نندرييش مثلاً ؟
مؤيد : دسي لسانك
ريان : فسخت خلااااص
منار : احلفي
ريان : والله خلاص نفجرت وصار الي صاار
مؤيد : شن المخلوقة اهيا فسخت وفرحانة وتضحك
ريان تشبحله وتضحك : نضحك على قهرتي
مؤيد : سخفتيني تو بنفكر فيك
منار : وين تلقى زيها
مؤيد : كم تبي فلوس يا دلالتنا ^_^
حتى اني سمعت تجيبي في عرايس
منار : يااااااااباااااارد
ريان : هياااا نخشوا للمحاضرة
مؤيد وصلهم ومشي ...
كملوا المحاضرة كلمها معاذ
منار : الو
معاذ : اطلعيلي في الواجها اني
منار : اوكي
سكرت ومشت هي وريان
لقت محمد في سيارة ومعاذ في سيارة ❤️
ريان : من السيارة الي تشبحيلها
منار : معاذ
ريان : الله واخيراً شفته هههههههه
منار : هاذي اخرتها تبي تكبدي على حد متزوج
ريان : مصح وجهك بري ملحييي
مشت لمعاذ وفاتت محمد لان تعرف السيارة الي فيها معاذ ليها هي
سلمت على معاذ واعطاها تسوق وهو قعمز جنبها وشكراته ديما ما يقصرش عليهم في شيء لو طلبوا
روحت منار غيرت حوايجها ولعبت على ميس شوية وهدرزت على ميسون ومشت للمدرسة
**
في المدرسةة
منوش أعطت الحصة الأولى للفصل ورن الجرس وما انتبهتش وقاعدة متعمقة تشرح
طقطق الباب ونفتح
سراج : قاعدة ما كملتيش أبلة منار حصتي
الطلبة استغربوا شن حصته وين ابله بسمه !!!
والكل ما يعرفش ان سراج هادي مدرسته
منار : اها خلاص غدوة تو نكملكم
سراج خش : لا عادي كملي تو نستناك
منار : لالا
سراج : والله
الفصل : كملي يا ابلة
منار ماتعرفش تشرح وحد معاها من غير الطلبة وفي نفس الوقت ما قدرتش تلزة قدام الفصل فقعدت تشرح وسراج سارح في عيونها وكيف تشرح
عينيكِ راحـة تشبه الوردة البيضاء تبوح بصدق فهي لآ تشبـه تلك الحدـة المنطلقة من حديثك القاسي فـ عينيكِ أصدق الحديث…!
كملت منار وأاعتذرت من سراج على الوقت الي أخذاته منه ..قدامهم رسميات هههههههههههههه
سراج عرفهم على نفسه بان هو بيقريهم في الحاسوب وان شاء الله يفهموا منه زي منار وكانت حصة هدرزة ...
**
في المروآح
منآر : شن رايكم نروح بيكم اني اليوم ونبي نحكي معاكم موضووع
سراج سمعهم : من ورانا -_-
منار : موضوع عائلي انت شن ليك علاقة
سراج : هم ولو من العيلة واني لا الي تعرفيني قبلهم
البنات ضحكوا على سراج
منار : هيااا
شهد : به اوكي
منار : به تم في شن تستنوا ؟
عهد : نستنوا في خوك
منار : مافيش داعي
سراج : اماله بتروحي بيهم على رجليك
منار : هههههههههه عندك مااانع ?
سراج : ايييه
منار : تي شرولي سيارة قولوا مبروووك
شهد وعهد : الف الففف مبرووك
سراج : مبرووك نبي زردة راه :D
منار : واني نبي هدية :P
سراج : حاااضر
المهم تبيديها بالهني
منار : مشكور
هيا بنات نطلعوا
طلعوا لقت منار مؤيد قدام المدرسة
مؤيد : مبرووك يا شينة عالسيااارة
فرحتلك معاش بتتشحوري
سراج الوحيد كان زعلان على خاطر معاش بيقعمز مع منار زي قبل معاش بيشوفلها زي قبل معاش يحكيلها على كل شيء صار معاه ومعاش هي بتحكيله على كل روتينها الممل وهدا كله سراج مابينش لمنار بس حب يفرح لفرحها
سرآج طلع سلم على مؤيد لآن منآر معرفتهم على بعض قبل هكي ...
ركبوا البنات للسيارة ومعاهم منار
شهد : شن هو الموضوع منووش ؟
منار : تعرفوا محمد خوي ولاه ?
عهد : ايه خيره ?
منآر : قرر يبي يخطب
وآني قتله عليكم
وهو قالي باهي
وطبعاً هو مايعرفش يفرق مابيناتكم
فدار حادي بادي وطلع عهد ^_*
وني نبي رقم أمكم بآش ماما تكلمها
عهد تحشمت :
منار : قبلها ناخذ رايك في الموضوع عهد قولي ايه او لا توا باش نخلي امي تكلم امكم وبعدين قرار اهلك بروحه ؟
عهد : والله شن بنقولك عادي تفضلوا في اي وقت وهذا رقم ماما ******
كتبت منار الرقم وقالت : ما يصير الا الخير
شهد : ربي يتمملك على خير وخيتي
وصلتهم منار وروحت ..
**
في الحوش
منار : وين ميسون وميس مخليه مكانها
آمنة : مشت لحوش بوها
منار : اهااا
به هاك كلمي ام البنت وخودي موعد منها وقوليلها ان عندك بنتك تخدم في المدرسة الي تقرأ فيها عهد ^_^
آمنة : به
اتصلت امنة بيها وعرفتها على نفسها وقلتلها ان نبو نشوفوا عهد لي ولدي وهو مكمل قرايته ويخدم وحوشه مزال شوية ويكمله وياريت لو في نصيب تردي علية وتحددي موعد ..
أم عهد نبيلة حكت الموضوع لراجلها في البداية عارض قال تكمل الجامعة الاول بس بعدين نبيلة قنعاته قتله ماتوقفش على نصيبها وحنخلي شرطي الوحيد أن يخلوا عهد تكمل قرآيتها ... وبعدين خلي ناخدوا رايها _-_
اخدوا الموافقة من عهد
آم عهد كلمت أم محمد وأعطتها موعد الخمييس باش يجووهم
**
الكل يستنى في الخميس والكل يستعدوا للخميس والخميس كان بطيء بالنسبة لعهد ...
وجى الخميس المرتقب بعد أسبوع من الروتين
بو عهد سأل على محمد وعرف عليه شبه كل شيء وكانت سمعة كويسة وسيرته طيبة
منار خذت اذن من المدرسة واما شهد وعهد غابوا ..
جت ساعة 4:30
منآر : محمد هيا أحني وآتيين
محمد : وين ميسون ؟
منار : بتحط ميس في حوش بوها وبتلحقنا نتلاقوا في الطريق معاها
أبرار : دقيقة نسيت فوني فوق لحظة بس
أمنة : هيا نتأخروا عالناس
محمد : باهي اني في السيارة لحقوني
أبرار جابت فونها ونزلت وركبوا في السيارة
خطموا على محل وشروا شكلاطة ومن محل الورد خدو بوكي الورد  وتلاقوا مع ميسون ووصلوا للحوش ..
**
طقطق طقطق
فتحت أم عهد الباب ودخلتهم في الصلون ..
تعرفوا على بعض وطلعوا يعرفوا المرحوم ( رمضان بو محمد ) صاحب راجل خالت عهد .. وهكي تعرفوا العيلة
وجت عهد سلمت عليهم وقعمزت معاهم 10 دقايق وناضت ...
واتفقوا ومزال على الفضانية بس وروحوا أهل محمد ^_^
**
في السيارة
آمنة : مشآء آلله عليهآ البنت عجبتني وباينة عاقلة ورزينة مش زي جيلها ...
أبرار : ايييييه مش زي جيلها لقتيني نريش في شعري ونقطع اني -_-
محمد : من أولها بتغيري #_#
أبرار : لالا عادي بس ماما تناشب
منوووش : كان شفتوهم مع بعض وهم توأم ..
أمنة : ايه من الاصول تطلع البنت الي يبي يشوفوها بس ..
محمد : خلي الاحد نبي نشوفها منار انتي استنيني الاحد قوليلها تطلعلي نشوفها بس
منار : مش شفتهاا ؟
محمد : ماكنتش مركز عليهاا
وين نندري انكم بتخطبوهاالي *_*
منار : به يعني بنتشحووور تواا #_#
**
في حوش عهد
عهد : امي شن رايك ؟
خالتها : تم الموضوع طلع بو محمد صاحب اسماعيل .. الله يرحمه ان شاء الله يطلع زي بوه
شهد : جت منار ?
عهد : اييه
امها : اييه مشاء الله عليها
جى بوهم ..
الاب : اها شن صار
الام : العيلة كويسة والفضنية عليك انت حدد موعد مدام عرفت الولد كويس ..
الأب : خليها الخميس الي بعده مابين لقطت العيلة وقلتلهم #_#
**
**
جى الأحد وسراج فرح إن منار حتتأخر وهدرز عليها وجي محمد وطلعتله عهد وشافوا بعض من بعيد .. وروحت منار
عندما نراجع حياتنا نجد أن أجمل ما حدث لنا كان مصادفة وأن الخيبات الكبرى تأتي دوماً على سجاد فاخر فرشناه لاستقبال السعادة
يتبع ~