TRICK ✔

13ခု

13ခု
Uni

Casinoရုံထဲဝင်လိုက်တာနဲ့ဆူညံနေတဲ့အသံမျိုးစုံကနားစည်ကိုလာရိုက်ခတ်သည်။အောက်ထပ်မှာကတော့သာမန်ဝိုင်းတွေရှိပြီးအပေါ်ထပ်မှာတော့သီးသန့်ဝိုင်းတွေရှိသည်။Casinoရုံတွေကသူလက်အောက်မှာရှိပြီးဒီနေရာမှာအရောင်းအဝယ်လဲလုပ်တယ်။

ဝမ်ရိပေါ်ကအပေါ်ထပ်ကိုတက်သွားပြီးအနောက်ဘက်အခန်းတွေဆီလျောက်သွားတယ်။လမ်းတစ်လျောက်နီယွန်မီးရောင်စုံကထိန်လင်းနေသည်။တဖြည်းဖြည်းမီးရောင်တွေမှိန်လာတဲ့နေရာကိုရောက်လာပြီးအခန်းတစ်ခန်းရှေ့ရောက်တော့လူနှစ်ယောက်ကဝမ်ရိပေါ်ကိုအရိုအသေပေးသည်။

"မင်းတို့ဒီမှာနေခဲ့"

ပါလာတဲ့ကိုယ်ရံတော်တွေကိုပြောပြီးတော့အခန်းထဲဝင်လာလိုက်သည်။အခန်းဆိုပေမဲ့အိမ်တစ်လုံးနီးပါးကျယ်ဝန်းပြီးဂိုဒေါင်လိုပုံစံဖြစ်သည်။ထိုင်ခုံပေါ်တွေကြမ်းပေါ်တွေမှာပျင်းတွဲစွာထိုင်နေတဲ့ယောကျာ်းလေး မိန်းကလေးအများကြီးကသူတို့လက်ထဲကတစ်စုံတစ်ရာကိုပြင်းပြင်းထန်ထန်ရူရှိုက်နေကြတယ်။

တစ်ချို့ကသာယာနေပြီးတစ်ချို့ကတော့အရူးတစ်ယောက်လိုအငမ်းမရဖြစ်နေကြသည်။အငွေ့တွေကထောင်းထနေပြီးအသက်ရူရပါကြပ်သည်။ဒါကနိဗ္ဗာန်ပဲ..

"ကျွန်တော့်မှာကုန်နေပြီးနဲနဲလေးဖြစ်ဖြစ်ပေးပါ...တောင်းပန်ပါတယ်"

"သွားစမ်း...မင်းပိုက်ဆံမရှိပဲရမယ်မထင်နဲ့ဒါတွေကစျေးမြင့်တယ်ကွ.သွား..သွားဝေးဝေးသွား!!"

လူငယ်လေးတစ်ယောက်ကဒူးမထောက်ရုံတမယ်တောင်းဆိုနေတာကိုဒီကတာဝန်ရှိသူတစ်ယောက်ကအော်ဟစ်နေလေသည်။လူငယ်လေးပုံစံကပိန်ချုံးနေပြီးလုံးဝမူးယစ်သားကောင်ဖြစ်နေလေပြီး။အရိုးပေါ်အရေတင်​နဲ့ရုပ်တောင်မပီချင်တော့..

ထိုလူငယ်လေးကသူများတွေကိုအားကျစွာနှင့်ငေးကြည့်နေသည်။နှာခေါင်းကိုလက်ညိုးနဲ့ခဏခဏပွတ်သပ်နေပြီးသူ့မျက်လုံးတွေကဟိုဟိုဒီဒီလျင်မြန်စွာပြေးလွှားနေတယ်။ဝမ်ရိပေါ်ကစီးကရက်တစ်လိပ်ထုတ်ပြီးထိုလူငယ်လေးအနားသွားသည်။