بسم الله الرحمن الرحيم
اللهم صلي وسلم وبارك على سيدنا محمد وعلى آله وصحبه وسلم تسليما كثيرا طيبا مباركا فيه
________________________________
لسه فيكي حيل تعافري ؟
لسه واخدة العِند غية ؟
رغم إن الكل سابك
لسه صالبة الطول قوية !!
الحديد من الدق لانَ
وإنتي أبدًا لمّ تليني
شايلة فوق حِمل الجبال
وماشية بالله تستعيني
وإن وقعتي تقومي أقوى
وتنفُضي تراب الوجع
إنتي سِت صحيح لكنك
تغلبي مليون جدع.
__________________________________
يجريان فى طرقات المستشفى حتى وصلوا للطابق المتواجده به وجدا أخيه وأبيه وجده وأبناء عمه يقفون أمام باب احدى الغرف فهتف بخوف / فرح مالها فيها اى
هتف توفيق قائلاً / لسه جوه والدكتور مخرجش
وقفوا ثوانٍ حتى خرج الطبيب وهو يغلق الباب فهتف سيف بخوف / خير يا دكتور الجرح عميق
هتف الدكتور بهدوء / متقلقوش الجرح مش عميق و خيطناه.. ان شاءالله مع الأدويه و التغير المستمر يلتئم و يتحسن.. أهم حاجه ميبقاش فى حركه كتير علشان الجرح ميفتحش وخلال عشرين يوم مع الراحه ان شاءالله نفك الخياطه... حمدلله على سلامتها... تقدروا تدخلولها
ثم تركهم وذهب بينما دخل الجميع للداخل فجرى عليها اخوتها وهتف زين بخوف / فرح.. حصلك اى و جرح اى الى دكتور بيتكلم عنه
أكمل يزد / وجالك منين الجرح ده، كنتي بتعملي ايه
ردت قائلة / كنت نايمه
نظروا لبعضهم باستغراب فهتف زين / كنتى نايمه؟؟!!!
أعتدلت فى جلستها تسند جسدها لظهر السرير فهتف سيف بخوف / متتحركيش.. الدكتور قال الحركه غلط عليكى
ابتسمت فرح قائلة / سيف يا حبيبي قولتلك انا كويسه وحتى مكانش مستاهله انى أجى المستشفى
هتف سيف قائلاً / كنتى عيزانى أعمل اى وانا شايفك غرقانه فى دمك قدامى و السكين مغروز فى جسمك
هتف زين و يزد بصوت واحد بخضه / سكيـــــــــــــــن
هتف عمران قائلاً / من وين يابتى جالك السكين
هتفت فرح قائلة / زى ما قولتلك يا جدى أنا كنت نايمه.. بس صاحيه ومغمضه عنيا وفجأة حسيت بخطوات فى الغرفه و شويه ظل حد وقف قدامى ونفس بينهج بغضب.. فضلت مغمضه عينى لحد ما سمعت صوت فوزى بيقولى / أنى عارف انك صاحيه يابت سليم
ثم قصت لهم كل شيء حدث معها حتى انتهت فهتف زين بغضب / احنا مش هنقعد دقيقة كمان هنا
ردت فرح / هنمشي الصبح يا زين.. الطياره هتجيلنا الساعه 7
هتف بغضب / ولا سبعه ولا سته احنا هنسافر دلوقتي.. انا هكلم الطيار.. استحاله نقعد ثانيه فى المكان ده.. واعرفى اننا مش هنرجع هنا تانى بقا.. كفايه الى حصلك اووى.. انتى كان عندك حق، مكانش ينفعش نرجع للناس دى أبداً
هتف توفيق بحده / زيــــــــن الناس الى بتقول عليهم دول أهلك وهنفضل أهلك مهما حصل
رد بغضب وحِده / أهلى.. أهلى الى عايزين يقتلوا أختى
قاطعه توفيق بحده / متجمعش يا زين
أنت تقرأ
أجنية بقلب صعيدي
ChickLitكُلٌ منا له ماضي، ولا حاضر بدون ماضي، و بدونهما فلا يوجد الإنسان، أحياناً كثيرة يكون الماضي مؤلم، و أوقاتاً قد يكون مُفرِح، ان كان الماضي مؤلم فلابد من المواجهه، إن لم تواجه ستظل مدي حياتك هارباً من واقع يطاردك وكأنك مجرمٌ يريد القبض عليه، صحيح أنه...
