بسم الله الرحمن الرحيم
اللهم صلي وسلم وبارك على سيدنا محمد وعلى آله وأصحابه أجمعين
اذكروني في دُعاءكُم حُبًّا فضلًا لا تغفَلُوا عَنّي
سَلُوا اللَّه أن يُيَسِّرَ أمرِي، وَيكشِفَ هَمِّي، ويقرّ عَيْني ،وعسىٰ دعوَة أحدكم تُبدِّل حالي فيرضىٰ اللَّهُ عَنّي ويُرضي قلبي ..
لَا رَدَّ اللَّهُ لَنَا ولكُم دُعَاء، ولا خَيَّبَ لنَا رَجَاء
ولكم المثل بما فاضت به أنفسَكم لى
آمِين♡
__________________________________
فى صباح يوم جديد
_ اتفضلي يا هانم.. الباشا مستنيكى جوه
تقدمت للداخل بخطوات واثقه ثم جلست على الكرسي أمام مكتب الظابط فهتف الأخر / انا أسف يا هانم على استدعائك هنا بس ده إجراء حكومى ولابد من توقيعك
هتفت فرح قائلة / حصل خير.. ممكن أتطلع على المحضر تانى قبل ما أمضى
هتف الظابط قائلاً / أكيد يا فندم
ثم أخرج ملف من الدرج أمامه وفتح مجلده ثم وضعه أمامها قائلاً / اتفضلي يا فندم
أمسكت فرح الأوراق وأخذت تقرأها كلمه تلو الأخرى حتى انتهت ثم أمسكت القلم ووقعت فى احدى الخانات ثم أعطت الملف للظابط مره أخرى
فهتف هو بدوره قائلاً / زى ما حضرتك طلبتى هيقعد فى الحجز لحد بكره وهنفرج عنه وبعدها هيتم تنفيذ الخطه التانيه
هتفت فرح قائلة / تمام
رد الظابط قائلاً / تؤمرى بحاجه تانيه يا فندم
هتفت قائلة وهى تنهض من مكانها / حالياً لأ..( نظرت له وهى تمسك حقيبتها قائلة) بس ياريت دى تكون أخر مره أشوف فيها عسكرى قدام بيتى
رد قائلاً / أكيد يا فندم مش هتتكرر
_ أتمنى ذلك..
ثم خرجت مغلقه الباب خلفها وهى تمشى فى الرواق وعلى وجهها علامات الانتصار.. ترى ما سيكون رد فعل جدها على خطتها والقنبله التى ستفجرها فى وجههم
هتف المحامى قائلاً / كده أنا برئتك يا فوزى من التهم، دلوقتى قدامك حلين اتنين ملهومش تالت.. يا اما ترجع للزعيم تانى والى أكيد هيقتلك على الخساير الى سببتها ليه ده عوضا عن الصفقه الى لسه مخدش تمنها منك.. يا اما ( صمت قليلاً ينظر اليه)
هتف فوزى قائلاً / يا اما اى ؟؟
_ يا اما ترجع لأبوك ولبلدك وتستغل الوضع ده لصالحك وإن بنت أخوك رافعه عليك قواضى توصلك لحبل المشنقه وكلهم زوووور وساعتها عمران يقف فى صفك
هتف فوزى بسخريه / انت عتحلم أنى لو رجعت البلد أبوى عيخلص عليا ويقتولنى
_ علشان موضوع بيعة بناتك
نظر له فوزى شرزاً فأكمل المحامى بخبث / لو على الموضوع ده فانت عملت كده علشان اتورطت فى صفقة شغل واكتشفت انها صفقة مخدرات دخلت بضاعتك علشان يورطوا اسم العيله و صورتها وانت اضطريت تجوز بناتك مش تبيعهم علشان شرف العيله واسم أبوك وان عيال أخوك هما الى فهموا غلط وحصل الى حصل
أنت تقرأ
أجنية بقلب صعيدي
ChickLitكُلٌ منا له ماضي، ولا حاضر بدون ماضي، و بدونهما فلا يوجد الإنسان، أحياناً كثيرة يكون الماضي مؤلم، و أوقاتاً قد يكون مُفرِح، ان كان الماضي مؤلم فلابد من المواجهه، إن لم تواجه ستظل مدي حياتك هارباً من واقع يطاردك وكأنك مجرمٌ يريد القبض عليه، صحيح أنه...
