" အနည်းဆုံးတော့ အာရာ့အကြောင်း ကျွန်တော့်ကို ကြိုပြောပြထားသင့်တယ် ။ သူဘယ်အချိန်မှာ ဘယ်လို ဖြစ်သွားမလဲ ဆိုတာ ဘယ်သူ သိနိုင်လဲ ။ မမလည်း မသိဘူး ၊ ကျွန်တော်လည်း မသိဘူး ။ သူ အခု ယူဂျင်းကို ပါတီတွေ ခေါ်သွားပြီး မူးအောင်တိုက်လိုက်တာကိုရော သူ ဘယ်လိုစိတ်နဲ့ လုပ်လိုက်တာလဲ ၊ အကယ်၍ ကျွန်တော်သာ လိုက်မသွားရင် ယူဂျင်းဘယ်လို ဖြစ်နေမလဲ "
မမနှင့်သူဟာ အခုလို ပြောချင်တိုင်း ပြောနိုင်သော ဆက်ဆံရေးမျိုးမဟုတ်သည်ကိုလည်း ဂယူ သိပါသည် ။ တော်ရုံတန်ရုံ သူ့အပေါ် အမှားလုပ်လျှင်တောင် အကျယ်တဝင့် မှတ်ထားလေ့မရှိသော ဂယူ့ အနေနှင့်လည်း မိန်းကလေးတစ်ယောက်အပေါ် ၊ ကိုယ့်ထက် လူကြီးတစ်ယောက်အပေါ် ဒေါသထွက်မိခြင်းဟာ သည်တစ်ခါ ပထမဆုံးဖြစ်သည် ။
သူ့တိုက်ခန်းကို ဝင်ဝင်ချင်း ရေချိုးခန်းထဲ တန်းနေအောင် ပြေးဝင်သွားသော ကောင်လေး၏ အပေါ်အင်္ကျီ student coat ကလေးမှာ ကြမ်းပြင်ပေါ် ပုံလျက်သားပင် ။ ဖုန်းပြောနေရင်း ကောက်ယူကာ အင်္ကျီကို ခါလိုက်ရင်း စိတ်ပြန်လျှော့ရချေသည် ။
" အိုး .. နေပါအုံး ။ မောင်က D.I.D အကြောင်း ဘာသိလို့ ဒီလောက် sensitive ဖြစ်သွားရတာလဲ ။ အာရာက နေမကောင်းတဲ့သူပါ .. အခုလည်းပဲ ဟန်ယူဂျင်း ဆိုတဲ့ကလေးကို အန္တရာယ် မပြုခဲ့ဘူးမဟုတ်လား ။ ဒါပေမဲ့ ဒီနေ့ အာရာ့ လုပ်ရပ်အတွက် တို့ကပဲ တောင်းပန်တယ် ၊ ဟုတ်ပြီလား "
" ကျွန်တော့် ဘက်ကလည်း ရိုင်းသလို ဖြစ်သွားရင် ဆောရီး လို့ပြောချင်တယ် ။ အာရာ့ကို မကောင်းတဲ့သူတစ်ယောက်လို ပြောနေတာမျိုးလည်း မဟုတ်ပါဘူး "
ဖုန်းတစ်ဖက်က မမသည်လည်း အာရာ့ကြောင့် မျက်နှာပူနေပုံရ၍ ဘာမှ ထပ်မပြောလာခဲ့ပါ ။ အစ်မတစ်ယောက်အနေနှင့် တာဝန်ယူ တောင်းပန်ထားပြီးသော သူမ အပေါ် ဂယူ ဘာမှ ထပ်ပြောချင်စိတ်မရှိတော့ပေ ။ နောက်ပြီး အာရာက မမနှင့် ရာနှုန်းပြည့်သက်ဆိုင်နေခြင်းမျိုးလည်း မဟုတ်လေတော့ သူမ အမှားလို့လည်း လွယ်လွယ်ခေါင်းစဉ်တပ်လို့မှမရပါဘဲလေ ။
YOU ARE READING
My Blue : 규진
Fanfiction김규빈 한유진 Arranged by Dalkomham_shots Start : 9/3/2023 Published date : 12/3/2023 End : 30/7/2023 ( 12:10 a.m. ) Credit to the original fansite master nim of Yujin on the cover photo.