Kyamii: Hi guys! If you would be kind enough to check out my new story, She's A Takashi. Just click the external link! Arigato! Anyway, here's SRG Royal 25! Happy reading!
Royal 25
"Welcome to the Royal Swan Lake Tournament!"
Mahigit isang oras na ang nakakaraan matapos pasimulan ni Monokuma-bear ang Royal Swan Lake tournament. Maraming prinsesa na ang nagpakitang gilas sa pagsayaw. At habang tumatagal, naglalabasan na ang mga performance na siguradong hinding-hindi makakalimutan ng mga manonood.
Hindi mapakali si Astro. Sa bawat performance na natatapos, lalong lumalakas ang kabog sa dibdib niya. Kinakabahan siya para sa kapatid. Hindi lingid sa kaalaman ng binata na mas pinagbutihan ng mga prinsesa ngayon ang kanilang pagsayaw kaysa sa mga nakaraang tournament. Sino nga ba naman ang hindi? Isang oportunidad ang kumpetisyon na ito para sa mga prinsesang naghahanap ng kanilang mga prinsipe, lalo na at maraming hari at prinsipe ang dumayo sa Core City mula sa iba't ibang dako ng Stella World para lang masaksihan ang Stella Royal Games.
At ngayong ikaapat na araw na ng Games, binuksan ito sa pamamagitan ng Royal Swan Lake Tournament. Hindi na nagtataka pa si Astro kung ipinapakita na ng mga prinsesa ang kaya nilang gawin. Pagkakataon na nila ito para magpa-impress at maka-agaw ng atensyon ng mga prinsipe, lalo na iyong kilalang-kilala at nanggaling sa makapangyarihang angkan.
Kaya naman walang duda na nangunguna sa listahan ng mga prinsesa ngayon si Prince Ice, ang crowned prince ng Arcturus Empire. Bukod sa maimpluwensya ang pamilyang Arcturus, taglay ni Prince Ice ang mga katangian ng isang perpektong prinsipe.
Umayos ng upo si Astro at pasimpleng sinilip si Ice Arcturus. Tahimik lang itong nanonood sa palabas. Blanko ang emosyon nito. Hindi mabasa ni Astro kung interesado ba ito sa isa sa mga prinsesang natapos na sa pagper-perform. Tinatantiya niya kung nagsisinungaling ba ito o kung totoo ang mga katagang binitawan nito sa kanya kanina.
I was on my way to the watch tower for a better view when Ice called out. Bigla akong nagtaka. Ano naman ang kailangan niya sa'kin? Hindi naman kami magkaibigan para mag-usap ng normal sa labas. Pero baka tungkol ito sa dinner na magaganap mamaya bilang selebrasyon na inihanda para kay Meteor.
Tumigil ako sa paglalakad para harapin siya, "May kailangan ka ba?"
He cleared his voice and gave me a straight face. "I just want you to know you don't have to worry about today's event..
".. I already set my eyes on your sister."
Muling bumalik sa realidad si Astro nang makarinig siya ng malakas na hiyawan. Kakatapos lang ng huling mananayaw at ngayon, umakyat na si Monokuma-bear sa platform para ipakilala ang susunod na magtatanghal. Sinilip niya ang mag-partners na naglalakad paakyat sa built-in stage na nasa gitna ng arena. Kaya pala ganoon na lang kalakas ang sigawan. Lumabas na ang isa sa pinakahinihintay nila.
"Now, to perform her own composition of a classic melody, let's welcome your reigning Royal Swan Queen and Vega Empire's pride, Crowned Princess Aurora dela Vega!"
Nagsimula nang tumunog ang orchestra. Nanahimik ang mga manonood. They are carefully watching Aurora's every move and it was flawless. Hindi nila mapigilang humanga sa prinsesa. Napaka-precise ng bawat galaw nito. Ang ganda ng porma ng kanyang kamay at paa sa bawat step na kanyang ginagawa. Parang kasing-gaan lang siya ng hangin, sapagkat hindi makikitaan ng kahit anong hirap na ekspresyon ang partner niya sa bawat pagbuhat sa kanya.
