(The golden duckling is angry with me)
!UNICODE!
"မင်း!!မင်း!!ရူးသွားပြီလား!!"
နီရဲစိုလဲ့နေသော နှုတ်ခမ်းလေးအား Rickyက ချက်ချင်းပင် လက်ခုံဖြင့် ဖိကာပစ် လိုက်သည်။
Ji Woong သူလဲ ဘာလို့နမ်းချင်လာမှန်း စဉ်းစားလို့မရတော့ဘူး။သူသိတာ အဲ့နှုတ်ခမ်းတွေ သူ့ရှေ့မှာ မြင်နေရတာကိုက ထောက်ချောက်ကြီးတစ်ခုလိုမျိုးဘဲ.....။ဒါပင်မဲ့ သူကိုယ်တိုင်ကိုက အဲ့ထောက်ချောက်ထဲကို ခုန်ချချင်နေမိတာ!
"အဲ့တာ ဟို....မင်း...မင်းက မုန်းဖို့ကောင်းအောင် လုပ်နေတာကိုး!"
Ji Woong နှုတ်ကထွက်သွားသည့်ထိုစကားကြောင့် Ricky မျက်ရည်များချက်ချင်းဝဲတက်လာခဲ့သည်။
သူလျှာကိုက်၍သာ သေလိုက်ချင်တယ်။သူကိုယ်တိုင်တောင်ဘာတွေပြောလိုက်မိမှန်းမသိတော့ဘူး......
"မင်းမုန်းတာထက် ငါမင်းကို ၁၀ဆ ပိုမုန်းတယ်!! မင်းမှတ်ထား!!!"
ထို့နောက် သူပြေးထွက်လာခဲ့သည်။
ဘာလို့များ သူကရှောင်ပြေးတဲ့လူဖြစ်နေခဲ့ရတာလဲ....။Kim Ji Woong က အကြောင်းပြချက်မဲ့စွာ သူ့ကိုမုန်းသည်။ပြဿနာတွေတစ်ခုမဟုတ် ဖန်တီးသည်။
သူအရာအားလုံးကို ခွင့်လွှတ်သည်းခံခဲ့၏။
ဒီတစ်ခေါက် လွန်သည်။Kim Ji Woong က လက်သင့်ခံနိုင်စရာတောင်မရှိတဲ့ စည်းတစ်ခုကို ကျော်ခဲ့သည်။
"ဘယ်သွားမလို့လဲ!!!! မင်းကိုလိုက်ပို့ဖို့ ငါ့အဖေမှာထားတယ်!!!!"
အခန်းအပြင်သို့ရောက်သွားသော ပုံရိပ်လေးကို Ji Woong လှမ်းကြည့်ကာ အော်ပြောလိုက်သည်။
"မင်းအဖေကိုပဲသွားလိုက်ပို့!! ငါနဲ့လာမပတ်သက်နဲ့!!"
ပုံရိပ်ငယ်ဟာ ပျောက်ကွယ်သွားသော်လည်း ပြေးထွက်သွားသော ခြေသံတွေဟာ အခုထိ
ကြားနေရဆဲ......
အမှန်တော့ သူဒီလိုပြောချင်ခဲ့တာမဟုတ်မှန်း ရှင်းပြချင်ပါသည်။သို့သော် ရွှေဘဲပေါက်လေးက နှုတ်သီးတစ်ချွန်ချွန်ဖြင့် သူ့ကို အတည်ကြီးစိတ်ဆိုးသွားခဲ့ပြီ။ ။
&
တနင်္လာနေ့ကျောင်းတက်ရက်မှာ လူတိုင်းက တက်ကြွလန်းဆန်းခြင်းမရှိကြ။Kim Ji Woong ကျောင်းကိုပြန်တက်တော့ ဆိုးဖော်မိုက်ဖက် ငရဲလားမဲ့သူငယ်ချင်းလေးတွေက မသေသေးဘူးလားစကား'စ'ကာ သူ့အား သတင်းမေးရှာပါသည်။
YOU ARE READING
Fallin'Harder
Fanfiction• Ricky fell first but Ji fell harder • Kim Ji Woong+Ricky Shen //WoongRi// written by blue_berryke
