وعد الصبا ( تحت سماء الكواسر )

البارت 1

للتنويه
جميع اسماء العشائر من الخيال

حبيباتي البدايه تحسوهه بارده شوي صح حقكم بس الاحداث تبدي بعدين
.
.
قرائه ممتعه

الكامره تتجه نحو بيت شيد قبل سنين قليله ببناينه الحديت وتصميمه الذي يوحي بذكاء مهندسه ندخل لصالته الواسعه الذي ترتمي فيه فتاة ذات الشعر البرتقالي عله ارائكهه المريحه وترفع قديها الصغيرتان عله الاخرا وتتكلم بصوت اشبه بالصراخ
ريم
شفتي يوم شفتي هذا عود اخوي ابن امي وابوي هشكل يسوي لعد.ماعتب علغيب درت وجهي بغضب واني نافخه وجهي وامي تحجي بصوت ناصي نصي صوتج يولو ليسمع اخوج شيكول عليج نافسهتهم ماسكت ماسكت ولا انصي صوتي بت الفكر صارت تحجي بالماركات والنبي بس انتي خربتيهه علينه وطلعتي عينهه جانت البنطرون متعرف تلبسه امي تاشر عله حلكهه وتحجي اشششش اسكتي عيب امي هذي انتي بت الاصول هشكل يطلع منج لعد شخليتي للناس رفعت حاجبي ودرتي وجهي شمرت شعري الوره ضهر معاجبني ضعفهه او الاحرا طيبتهه الزايده الي الهمج يفهموهه ضعف وخلت الميسوه يتكبر علينه التفت المصدر صوت الي اعشق حشرجته والحروف الي تطلع من ثغره واشوفه داخل بطوله الفارع المهيب حامل عله اكتافه عباته الوارثهه من ابو وعله وجهه ابتسامه وقار وعيونه المبينه بيهه تجاعيد الزمن بشكل يوحي لمدا حكمته وهوه يكول منو مزعل ريم كلبي ترد امي
انته بعد بعد.كبر براسهه اخاف جان ناقصه شوي بعد.خبلهه علينه يردهه بابه وهوه يلاطفه وابتسامه خفيفه مرسومه عله محياه
افا و تغارين من بنيتج جا هوه الكمر شيسوه بلايه شمس تضويه ويكرصهه من خده بلطف دارت خجلت ودنكت راسهه خدوده حمر عبالك بت العشرين رحت حشكت روحي بصف ابوي واني اكله لا خطيه خجلت غزالتك شلت ايده وخليته وره ضهر شبكتي لصدر رفعت راسي قريب اذنه كتله خل احرك كلب غزالتك قهقق بضحكه عاليه رافع راسه لفوك فرك عيونه دمعن من اىضحك نزل ايده فرك شعري ولج

متصيرلج جاره الا ماكتيلي شنو المضوجج الا انعل والديه لابو منين ماطلع صاحت ماما بصوت ناصي

حجييييي شكلنه وضيقت عينهه الخضره هههههههههههه ضحك وندار عليه وبعده يمسح عله شعري

خليهه تدلل علي جاشعدي غيرهه هلوحيده وطلبتهه طلبه من ابو فاضل وماقصر
شبكته ربي لايحرمني منك ولا تدمع عيمي عليك كال ام السانين ماتنكدرين شوي ونسمع طكت كعب ينزل من الدرج نزلت الكريهه تعوج بحلهه وتحجي وهيه دتكعد هلو عمو شلونك حبيبي هلو عمه شلونج ردت امي هلو يوم كول الهله بيج وبابه كال هله يابه شلون سفرتكم خو ماتعبتو ردت تتنعوص مصطنع ميلوكلهه والله ياعمو تمنيناكم ويانه تخبل السفره ابو ايهومي مخله شي بنفسي رديتهه بخبث الله يخلي اخوي الج ولا يحرمج منه يارب ويسفرج بعد لدول مشايفتهه بحياتج امي خزرتني وهيه عوجت حلكهه مزعوجه معاجبهه كملت وكتلهه اااا صحيح حبيبتي مشكوره علهديه ابو ايهومي كال الحبس ذوقج كولش حبيته طب خوي وسمع هيه عيونهه جدحت نار خل وكامت تركع برجلهه الكاع وعلي كعد مستحي حمحم وسلم كام يحجي ويه ابوي تاكد اني سمعت قصه المحبس ومحجه امي جرتني كالت يامحبس جايبلجيه مكلتي اوي مامه شبيج نسيت عتتني كالت بصوت ناصي احجي اف سمعت جنتج المصون جايبه محبس لاختهه ولامهه وابنج مشتريلي واحد فهيه اخذته لاختهه الثانيه بحجت تزعل اذا ماتذكهه من دونهن وابج مقبل بالبدايه وهيه قنعته فحبيت اخبلهه شوي كرصتني وانتي شعليج ناقصج ذهب مو عندج متلتل اوي مامه شبيج يعني هيه حلال تجيب لاهلهه من فلوس اخوي واني حرام مميته علمحبس بس جشعهه موتنب لو بيدهه تاخذ كول العدنه وتنطيه لاهلهه معليج انتي امي هيه وزوجهه انتي شكو زوجهه قابل ليش تدخلين درت وجهي معاجبني هذا اخوي الجبير العاقل فرته مره وغيرته عله اهله تعشينه وكلمن راح الغرفوه والططوه منزلت ابد عساج لا نزلتي صعدت انام عله نص الدر نزل علي مبتسم بوجهه البشوش اجيت اتخطا واصعد.كمشني من ايد كال ليش الحلو زعلان لا ابد مزعلانه علويش ازعل اممم مد ابده بجيبه وطلع علبه كال هذي هديتج كتله محاج انته واهلي هديتي يكفيني وجدكم يمي منو مثلي بنيه مدلله هجي من اخوتهه تستاهلين يا اميره البناة كم ريمه عدنه افتحي هديتج بعد اخوج ولا عبالج فد يوم احد ياثر عليه وتقل معزتج عدي لا بالله انتي ويه النفس تمشين فتحتهه بيهن محبس يجنن بشكل جنح فراشهه دمعت عيني باوعتله الله لا يحرمني منكم شبكته باساني بجبيني يالله روحي نامي ابوي لاتبردين ركضت لغرفتي ونمت مرتاحه اخوي ميتغير عليه مرت الايام عادي بين المدرسه والبيت والبلعطل سفرات سرعيه عدهم اشغال ميكدرون يعوفوهه فد يوم كاعده اتريك علميز ورافعه رجل وخالتهه علكرسي ومانا تسوي غدا دخل مرتضى حجه بستعجال يوم وين الحجي ديسبح جوه خو ماكو شي يوم مجاوب امي راح ركض اني حجيت والاكل بحلي شنو السالفه جوري خانم ماتعودتي عله خبصه العوالي لو بعدج بمود الطبقه المخمليه ههههههههه خزرتني ودارت وجهه متقبل واحد يجيب طاري اهلهه المخمليين هههه شوي واجه بابه يعدل ببعكاله ويلف الشطفه فوك العكال مستعجل ومخبوص وجهه مخطوف ومرتضى ورا يمشي باستعجال ويحجي حجي اذبح لو ميضلون حضر بويه حضر وهسه جيب كهوتك وحضر جاياتك صار يابه امي مدري شصار بيهه لونهه نخطف عبالك جابولله خبر وفاة شخص سالت شكو يوم مادري يوم مادري لسالين وجه ابوج ميبش بخير الله يستر صار العصر والناس ملتمه بمضيفنه عمامي ولدهم واخواني ومحد ردلنه خبر وامي ضلت تلوب تكول كلبهه لاجمهه شوي ودخل بابه وجهه اسود وملامحه باهته اخوتي ورا يمشون امي تلكتهم ابو علي خو ماكو شي محد.حجه شي بابا كال تعبان اريد انام لحد يكعدني امي لحكته للغرفه كالتله افركلك ضهرك علي صعد لغرفته ومرتضه طلع مبقه بقه بس امير هذا صديقي كمزت عليه شكو ليش وجوهكم مطعوجه عركه جديده كال ياريت لعد شاكو عليك النبي كلي كدماكو شي ولي مني ابوج ميقبا عافني وطلع وهنايه اشتغل المحقق كونان عندي لازم اعرف شاكو خو ماضل اطرش بالزفه وصار الليل وكولشي معرفت ادور عن خيط يوصلني لراس السالفه ماكو امي طلعت من ابوي مخطوف لونهه وبس تصفن اساله تكول ماكو شي محد تعشه شوي واجو عمامي تلاثتهم ودخل الاستقبال عله بابه واخوتي سدو الباب ونسوانهم الحيايه شكد اكرهن مينطاقن نوب اخوات يكرهن امي لان ابوي مقبل ياخذ اختهن الرابغه يردن يسيطرن على العائله مرت علي كعدت يم امهه يتبسبسن مدري بشنو حجت مرت عمي الوسطان اي ام علي انتي راضيه بالحجي السمعتي درت مامه بابتسامه مخطوفه وهيه تصب الجاي الحجي والشور يم الشيخ شوي واصواتهم تعالت منسمع بس صياح .