اسمع صوت الهوسات رجت البيت رج وبعده بده صوت النسوان يرتفع بدن هنه يهوسن الاصوت بدت تقترب واني حيل بعد.مابقه بيه كعدت علسرير النفس كوه اجره جسمي يتراعد لزمت بيد.مرام فدوه الحكيلي شحاسوي هسه اني عليه العاده شلون اوصله الفكره هيه سمعت ولطمت عله وجهه فلك فلكني ولج غير تكولين تحجين هسه تتخزين بين الناس وهوه هم ردت فعلهه خرعتني ردتهه تفيدني زيدته الخوف اكل من كلبي
شوفي خيه انتي كلي لرجلج هوه يحلهه لا تستحين لو تخافين منه والله الشيخ جسار ماكو مثل كلبه واني جني مادري شيكلج بس لاتعارضينه هوه اعرف باهله وعاداتهم شكلج كليله تم ولاتشلعين كلبه حته لا يشلع كلبج
هزيت راسي بالقبول ساكته صار الصوت يقترب اكثر وياهه دكات كلبي تعله اكثر احس النبض بكل شراييني يضرب وصل الصوت يم الباب مرام نزلت البركع عله وجهي ولبس عباا عله راسهه
انفتحت الباب دخل بكل رزانه وشموخ منزل عيونه ميباوع للنسوان وهنه دخلن افواج يهوسن وبيبيته متوسطتهن
توه الله التفت وطاني ميته والجليل احياني
وهذا اول فرح شفنا بدنيانه بت الشيخ لبن الشيخ جبناهه
وهوه يهز راسه متشكر خال ايده عله صدره ممنونيه ويبتسم بوقار
لحد ماطردتهن بيبيتهن سلمت مرام وتباركتله وهوه يرد عليهه مدنك ويحجي برهاوه اجت تطلع كمشت بيدهه باوعتلي بنضرات مطمنه وراحت
بيبته وهيه تبوسه بجتفه وتحجي وتبجي وتمسح بشيلته
بالمبارك يمه عساهه زواج الدهر وتفرح بضنااهه هيج الاه طاني عمر وشفتك بثوب العرس يرادلهه شكران ولك يمه عمن عيوني وانه مناطره يعيونك يفرحن بعد حزنك وهل شفت الفرحه بعويناتك يمن فدوه اغدي لطولك 0
باسهه براسه الله يطول بعمرج ويخليج خيمه فوك روسنه وتشوفين جهالنه وتربنهن عله يدج
يااا اجل هيج الله ويطني عمر اشوف فريخاتك يلعبون حدري يرادلهه بخت
الله يطول عمرج حجيه
ولك يمه عينك علفرخه بهداي ويااهه رويحتهه رجيجه ماتحمل شكه
هههههه حجيه اجل انه ماعولت خلصت من الكاسر تطلعيلي انتي منهو الكالكم انه ثور وسدج امين احطهه بعيوني لاتخافين
جا اخض راحت بعد امك وانتي يمه بسج خوف وصير مره معدله هذا زلمتج بعد ماكو مستحه بينكم باستني وراحت
سد الباب اندار وكال السلام عليكم
يمه لو خوف الدنيه كلهه صار بيه شاكله وشلون يقتنع مو متعمده بده يتقدم ويه كل خطوه يخطيهه روحي تنسحل اكثر اديه ماكد اصيطر عله اهتزازهن افرك بيهن لحد موجعني وجسمي خدران مابيه اتحرك من الخوف رگبتي نكسرت كد ما دنكت صرت خضره كد ماكطعت النفس من صار حذائته كدامي
ČTEŠ
وعد الصبا ( تحت سماء الكواسر )
ChickLitذكريات مبعثره تعصف في ارض الصحراء القاحله وتحرك تلك الاغصان المتناثره على جذوع الاشجار ليمتطي شيخ من السلاله النبيله ضهر جواده الادهم ويعدو في عمق الرمال المتناثره لتطير ورقه نحو الشرق وتصل بيت فتاة تناثر شعرها النحاسي على وجنتيها الورديتان لتتا...
