قرائه ممتعه
.
.
.
رزان .دخل راجح وضعه مو تمام ملابسه مخربطه سزيت نفسي نايمه شارده منه نام خال ايده عله عيونه من طرف الثاني للجربايه زحفت للطرف مالتي مقلصه جسمي مسوه شي ولاتحرك جان حيل تعبان وصوت نفسه عالي مرن ايام اجازه طويله عليه بس مسوه شي يزعجني او ياذيني ولو حته بكلمه لم ملابسه وتجهز يطلع من الغرفه وكف يم الباب التفتلي عيونه ماليهن الندم وحجه
راجح .انه رايح لمهمه حيل خطره ان رديت بعون الله نفتح صفحه جديده وبعد مالي شغل باهلج اودع كل سنين الانتقام والحقد الماليهه صدري وان مارديت حالليني بس عله العيشتج بيه الشهرين الفاتن انه وصيت جسار بيج واهو مايكصر بعون الله ماكدر اردج لهلج اخاف يذبحونج .
سحب نفس وكمل
شنهو البكلبج سولفيه لربج لو تدعين عليه وتخلصين مني لو تدعيلي اردلج واعوضج عن كل دمعه طاحت من عيونج
انه اخوتي كبرو وكلمن عده شغله الحمد لله وجودي ماله فايده بعد الهم
اخذ نفس شك كلبه
في مان الله
طلع شايل جنطته عله جتفه وعيوني اتابع بقايه ضله كعدت بالكاع ابجي ماكدر ارجع مثل قبل ماعندي اهلي واستند عليهم يذبحوني بس ارجع وين اروح لو عفته وين اولي كلشي ماريد منه بس يعوفني بحالي و يخليني يم اهله هنيا حيل حبابين بجيت لحد ماضاق صدري مر شهر عله التحاقه وهوه ماكوو ولا اكو خبر عنه اخوته توتروو حيل ويدكون ميحصلو جسار اسمع صوته وهوه يصيح بعالي صوته من يخابر ويوجه الولدد الوداهم يدورون عليه انقطع اخر امل برجعته بعد مجابو خبر السريه البقيادته كلهه ابادوهه وكعت مصدومه ممصدكه حبه بكلبي نبض من جديد مارته يمووت ردته يتغير دعيت عليه وكتلك يارب لاتستجاب ساعه عصبيه ويعوف اهله اني شنوو حالي من بعده اخاف اهلي يطالبون بيه بحجه ميصير تكعد ويه غربه اذا مذبحوني يعيشووني بكابووس ماصحه منه الا واني بالكبر لو بالمصح
كابوس مر علينه البنات موتن نفسهن واني تاله زلغت وجهه كد ملطمت عليه تخربطت عقيل ضربهه موهدئات وبقت هذا وضعهه اما اني فعشت بصدمه بس دموعي ينزلن ماكو رد فعل عقلي وكف واني اردد.كله مني اني السبب ريم معافتني بقت يمي اسبووع كاامل المضيف يغص ويبلع شيوخ وعسكر يواسونه .
...............................
ريم . طلعت شارده منهم واني اسمعه يوصيه بزوجته معقوله راجح يسوي هشكل مر يوم لليل دخل جسار سويت نفسي اقره محجه ولا باوعلي سبح وطلع شكيت من هدوئه ملمحني من جنت يمهم
تمدد عله فراشه خال ايده عله عيونه كل اعتقادي نام تقدمت يمه راسي يم وجهه اشوفه نام لو لا اريد تاكد شافني لو لا ضليت اللوب ممعقوله ميرزلني الا اذا مشافني فزيت مبتعده عنه من اجاني صوته
شلون بويه اليووم ماتخلينه ننخمد
هاا لا العفوو ردت اشوفك كاعد لو لا حته اسويلك جاي
رفع ايده من عيونه وكعد ثاني المخده جوه رجله اشرلي بايده تعالي اكلج شسوين
تقدمت مرتبكه كمش اذني وجراهه كمت اصيح متوجعه
YOU ARE READING
وعد الصبا ( تحت سماء الكواسر )
ChickLitذكريات مبعثره تعصف في ارض الصحراء القاحله وتحرك تلك الاغصان المتناثره على جذوع الاشجار ليمتطي شيخ من السلاله النبيله ضهر جواده الادهم ويعدو في عمق الرمال المتناثره لتطير ورقه نحو الشرق وتصل بيت فتاة تناثر شعرها النحاسي على وجنتيها الورديتان لتتا...
