وعد الصبا ( تحت سماء الكواسر )

27

.قرائه ممتعه غالياتي
.
..
.
.
.
.مو تصلي صلاة الليل ليش متكوم تصلي

صليت

شنو شبسرعه

صليت ركعتين بنيه اقامه الليل مابيه حيل لصلاة الكامله صار ثلث تيام واكف عله رجولي

عود.هذي جديده شلون يصير تقشمر عله ......اسغفر الله

هههههههه لاه لجن حنه نكول الذكرك ماحكرك
وتصليلج ركعتين لوجو الكريم اخير مما تنامين كلشي ماكوو بالگليل تحصلين اجر هلركعتين ويه الايام تصيرين ماتكدرين تنامين اذا ماتذكرين ربج

واجرهه نفس صلاة الليل

لاه طبعا بس احسن من ماكوش شي

احسك هوااي تعرف اشياء عن الدين

ههه ايه لزوم عد جدي الولد يو صار عمره 12يروح يم سيد يعلمو احكام دينو سنتين نضل يمه وراجح ماجان يود الروحه وجان ياكل جتل لين يزورك

ياااا خطيه ليش

هم جنه نكول ليش شنهو هذا التعصب لجن يوم كبرنه اوعينه عرفنه شنهو الغابه هساع حنه لو كعدنه بفصل يو طلابه نعرف نفضهه بالدين والاعراف نخايهه حجه عليهم انتم يو مومنين تمشون بكول الله يو نكول لا مايصرفلن الدين حته نتعامل وياكم مثل الطالع عن دينه هناا نكضهم ومايكدرون ايتحجوون شي وبحياتنه هم نطبقه باهل بيتنه وحلالنه وبكلشي يدخل الدين

اام اخر شي بقت بكلبي

كلش ولا يضل بكلبج شي تحجي شنهوو الماكلج كليبج

ههههه من تسرح لحيتك وشعرك مرات اشوفك ادمدم شتكوول تعويذه ههههه

ههههه لا اقره الفلق ودعاء اللهم سرح عني الهموم والغموم وضيق الصدور
لجل يرتاح كلبي وينجلي همي

يصير اني هم اكوله

ايه شكوش منهه للكل هاذ موش لواحد.دون واحد

اممممم حلو حبيت اذا عندي اي استفسار عن حكم اجي اسالك

ثنه المخده وخله ايده عليهه منتجي عله ايده ومد جسمه شمر الفروه عله اكتافي صار نص اله ونص الي بس هوه مغطي من بطنه لفخذه كدتي صارت يم بطنه غمز وكال حيل افهم بحكام النساء اي شي تبينه اسعلي
وابتسم

.بس احكام النسااء قابل اكو

هههههه لاه بس النساء هواي عدهه امور لازم لكل منهه حكم وحده موش مثل الزلمه

لا والله كتفت اديه سويت نفسي ضايجه برطمت

ضحك ولزم ايدي سحبني منهه نومني بصفه وغطاني بالفرووه هوه اعله مني مستند عله ايده مثل الصرت جواا رعش كلبي بس هوه وضعه طبيعي جان

تدري

شنهوو

اني احجي عليك تحاللني