وعد الصبا ( تحت سماء الكواسر )

البارت 15

دخلت الضحكه شاكه حلكي بعد مافتح امير الباب شالني وفر بيه واني اضحك ناسيه العالم بصوت عالي متناسيه وجوده ورانه لحد محمحم بصوت عالي نزلني امير معتذر منه
جان واكف يكلب السبحه بيده معاجبه من حجه وياا امير ابتسم مجامله نزعت عباتي واكفه استمع لحجيهم

احم السلام عليكم

وعليكم السلام اعذرني خويه مانتبهتلك فرحان بشوفه سنفورتنه

لا ولا يهمك بس كون تسد الباب گبل لا تشيل اخيتك

خجل امير وهله بيه يدخل لجوه

لا والله ماني فاضي عدي شغل هناا حيل مستعجل خلني اروح وكسب ثوابي

شنو تروح مو عيب وقت غده وفايتتكم الصلاه والله ماتطلع غداك مصبوب افا عليك هذا انته المعزب

انه جاي اجربكم ياخويه بس وحك الحسين مستعجل لشغلي لفوك راسي

اكلك ماتروح

صاح بصوت عالي
بوووويه يااابه وينك نسيبك مايرضه يدخل
ادخل خويه ادخل عمتك تزعل عليك من الصبح واكفه بالمطبخ تحضر

رحمه الله والديهه والله ياخويه عطلتني بس بعد شرد.اگلك ماكدر اردك

دخلنه وهوه يصيح يالله ياكريم وشايل بيده اكياس بيهن بطاله لبن جامد واجباان من اليسووه وتمر من اشجارهم ماتذكر شوكت جابهن

طلع بابه من الاستقبال يسلم عليه بكل حراره ودخل للستقبال شفته لو رجعتلي روحي شبگته كل كلبي اشم ريحته وهوه شابكني ويمسح عله راسي

ولج بويه بسج

مشتاقتلك بابه موووت مشتاقتلك مشتاقه انام بحضنه واسمع لسوالفك الحلووه
يوخر وجهي منه يبوسني من وجهي ويرجع يضمني لصدره ابتعدت منه اشوف جسار مركز ويانه ورافع تك حاجب معكود وممنتبه لامير الكاعد يحجي وباا طلعت مامه من باب المطبخ لابسه صايه تسلم وهيه تنزل طرف ردنهه ركضت عليهه اشبكهه وابجي نفس المشهد ويه بابه نعااد وخرتني ودخلت تسلم عله جسار
كام بكل احترام يسلم وخال ايده عله صدره

هله يوم شلونك صحتك الاهل شلونهم

وبيج اكثر الخمد لله بخير كلنه بخير ويسلمون عليج جثير السلام الحجيه تمشي وتوصي سلمونه عله ام علي بشريني بعافيتج خو ماتعبج الطريج بالرده والله ضل بالي يمكم يوم الرديتوو وحيدكم

لا يوم الحمد لله عدتت اخذ راحتك عيوني تصلي لو اصبلكم الغده

والله بعدنه مامصلين خل نذكر الله وملحكين

صلي مامه اخذ راحتك

دخلت للمطبخ ودخلت وراهه اكمز واشاقيهه

ولج يوم صايره حلوو حليانه بجال الشيخ جلال

ولج اثكلي يوم عيب من رجلج ليكوم يسمع وشنو اني محلووه