.
بابا باوع لامي وكال ام علي اخذي بنيتج وروحو ارتاحو امي رفضت بس بابه خزرهه هيه انتثلت لامره كامت مكسوره وكمتني وياهه نخط اذيال الخيبه ولاول مره امي اسويهه سدت الباب وبقت شويه وكفت وره الباب تسمع بابه كال
تفضل استاذ احجي شعدك بساع
بدء مرتضى كال قبل فتره اجتني بنيه بالجامعه عرفت كرابتي واجت تبجي وتستغيث فدوه ساعدني بعلمهه خبرتي بالحاسبات ابن عمك يريد يفضحني سولفتلي السالفه مختصرهه هوه يلعب بنات العالم وياخذ صورهن وتعالي خابريني وريحيني بالتليفون لاشهرج
بابه نزع عكاله مغضب عاكد الحاجي كال كمل نشوف شنو تاليهه اني دخلت حسابه وسحبت كل معلوماته وهكرت جهازه نمسحن بيانات البنات كلهن بعد فتره صارت مشادات بيني وبينه من اجه خطب ريم كتله خياسك عندي واذا معفت موضوع الخطبه اشهرك نكر بالبدايه من شوفته دليل كام يعت بحجيه وهاي قبل قبل وتركتهه وان الله يحب الساترين واني ابن عمك راقبته شهر شفته ستعدل عفت سالفته ونسيتهه بس ذيل الجلب ماينعدى اطوني مهله يومين واجيبلكم خياسه اني متاكد بعده بسوالفه صفك بابه ايد بايد وكال
لا حول الله وصلو وليداتنه هل مواصيل واحنه ياغفلين الكم الله ونتباهه بيهم جدام الوادم والحده اليحاجيكم نتكابح وياا
حجه علي مو كل اصابيعك سووه من الزغر نعرف احمد سرسري وعده سوالف وكلتو يكبر ويستعدل بعد مراعق وهلكبر وكبرن مكسراته
امير والحل شنو هسه فرضا طلع ماعده شي شلون تخلصون منه واذا طلع عده سوالف شتكولون لعمامكم ابنكم كواد مانطي اختنه
بابه كام وكال هذول اخوتي ماكد اتخارب وياهم من وره واحد سرسري ماعده ذره حيه احله بالتفاهم احسن ويادار مادخلج شر ندار لجه الباب منطيهم ضره وانته شتكدر تحصل اخبار كلي والله يسهل احنه دخلنه المطبخ وهوه طلع صاعد الغرفته امي باوعتلي روحي نامي وارتاحي وانسي الحجي لحكت بابه لغرفته صفنت وين حصير بعد شهلبهذه اعرف نسوان عمامي مطايقاتني لان مدلله اكثر من بناتهن ليش ماحجت ويه ابنه وزوجهه يوكف هلمزله صعدت الدرج رايحه لغرفتي اسمع صوت مرت علي تحجي صوته شبهه عالي والدنيه ليل الصوت يوصل لفت انتباهي اسمي بالحوار رحت اشوف الخبر
انتي ليش مجلبه بيهه ختولي شايله خشمهه وعبالك بس هيه ابوهه شيخ اخنه هم بنات شيوخ ماسوينه سوايتهه مدري شكالت امهه هيه ضحكت
اي واالله خوش فكره طلعي دلال ابوهه من خشمهه وخن اشوف امهه ادكتوره شلون تصير حالتهه الا هوه احميد شعاجبه منهه شعفتهه البرتقاليه المكفشه اندري يربي حض الكحاب كاعد الوادم التكاتل عليهه
مكدرت اكمل كميه القرف التحجيه تريد اذلني ام الوصخ هيه وامهه استغفر الله دخل لفراشي بجيت بجي لحد محسيت روحي حتطلع ويه النشغه تذكرت امي جانت تكول الواحد يبجي عله تربه الله يسمعه ويجبر بخاطره واذا بجه عله مخدتهه قرينه اليشبكه ويواسيه وهذا موزين كمت سحلت نفسي توضيت صليت ركعتين بلكوه والشهكه بكلبي سجدت سجده الشكر بجيت بجي الفاقده اعزاز كتله يارب ماحجي تعرف البيه وانته اقرب للبشر من وريده وتعرف نيتهم الي اريدك تساعدني ولا تخليني بدين المايخافن الله وابعدني عنهم نشغت لحد منمت عتربه حلمت دنيه ليل ضلمه واحد من بعيد يقترب مثل الخيال انطاني ايده عود يكومني من الرمل الكاعده بيه اني خفت ماعرفه شلون الزم ايده شوي اجت جمل زغير يركض بتجاهي اجه يدوس فوكي سحبني الضل وخلاني وراكعدت مخروعه وصدري مخنوك استغفر الله شهلكابوس نزلت مالكيت احد الكل طالع امي تسوي غده بصمت النهار كئيب لحد العصر دخل بابه وياي خطار
ВИ ЧИТАЄТЕ
وعد الصبا ( تحت سماء الكواسر )
Жіночі романиذكريات مبعثره تعصف في ارض الصحراء القاحله وتحرك تلك الاغصان المتناثره على جذوع الاشجار ليمتطي شيخ من السلاله النبيله ضهر جواده الادهم ويعدو في عمق الرمال المتناثره لتطير ورقه نحو الشرق وتصل بيت فتاة تناثر شعرها النحاسي على وجنتيها الورديتان لتتا...
