وعد الصبا ( تحت سماء الكواسر )

البارت 3

اباوع لوجهه مصدومه مثل الدك وتد بكلبي وحته النفس انكطع مني لابيه احجي الاحسه ولابيه ابجي الدني وكفت عندي يعني شنو صارت صدوك حاعوفهم واروح لناس لا اعرفهم ولاهمه من نفس بيئتنه ولا طبايعنه شديصير احس دخت وعيوني غوشن يمكن حلم وحاكعد منه اباوع لوجه بابه المخطوف لونه وعيونه حمر وهوه ديباوعلي يشوف ردت فعلي كمت ماكدر اركز الصوت شار طنين باذني ماسمع شديكولون اركعت باماعون الفاكهه مابيه افتح عيوني بس اسمع كلشي هوسه واصوات خرعتم عليه علي شالني للسياره وامي لفتني بسالهه بعد ماصاح عليهه بابه بعدهه محسيت بشي كعدت مخروعن وين اني لكيت نفي بفراشي وهذي غرفتي ذبيت نفسي براحع علفراش يمه الحمد لله حلم حلم يارب دخيلك من احلامي هليام موزينه خل اكلهم ينطون صدقه عني لاصير بيه شي اسم الله عليه بعدني بعز شبابي دخلت امي بدون مدك الباب شافتني واجت ركض شبكتني وضلت تبجي

يوم بنيتي حبيبتي شلون صرتي والنبي رجليه مشالني من شفتج مبيج شي لتخافين الدكتور كال هبوط من الحراره وجنتي تاكلين حلا فهبط عدج الضغط بس اراحي حبيبتي اني صوجي خليتج تشتغلين هواي اليوم

تتلمس بوجهي وتحجي سالته بوجهه باهت يوم يعني مجان حلم باوعتلي مخطوف لونهه

اذا متردين مايصير هوه موغصب وابوج اكيد .ميجبرج عله شي مترديه لتخافين خل يجي يشوفج وانتي كليله مقتنعت ممعقوله رجال بشهامته السولفو عنهه يقبلهه عله نفسه ياخذ بنيه مرايته حته كدام الناس محد يخلف بوعد للثاني شكلي يعني

ماعرف جبرت نفس اصدك الحجي لان مابيه افكر شلون حاعوف اهلي اريد اي شي يوقفني عن التفكير حته لو مومقنع المهم ارتاح شوي. كتلهه تمام عافتني تجيبلي ريوك اني عركانه ملابسي منكعه دخلت اسبح وطلعت الريوك اجه لعندي اليوم مدلله متعيط بيه جوري خانم تريكت ونزلت صينيتي محد موجود دورت ماكو سمعت صوت من غرفت امي رحت اسمعهه تحجي

جلال فدوه ليش ميجون مو كلت تشوفه اذا مقتنعت ينتهي كولشي شدتحجي فدوه فهمني

كمشهه من اديهه وكعداهه علسرير يحاجيهه بلطف خايف عليهه
اسمعيني ابوي فدوه اغديلك الزلمه يكول انه ماريد شكل انه ماخذهه عله صيت ابوهه وجدهه واتشرف تصيرون خوال لولدي يبت الناس الزلمه شراي

شدتحجي هيه مو غصب بتك اذا متقتنع بيه والله اموت نفسي وماخليهه تطلع منا مو برضاتهه هوه لعب هذا زواج ليش مراضي تفهمني مو شلعته لكلبي والنبي

وحك علي داحي الباب فاهم ولج انتي العليتي كلبي بتي اني اقنعهه واني مقتنع بنصيبهه والله مالكه احسن منه ادب واخلاق وجاه وعزوه وشاريهه وماكو احسن من هيج

متكدر تتوالم ويه حياتهم اني احبك وكتلت نفسي عليك وعاندت اهلي وجيت وياك ومكدرت اتحمل عيشتكم لو محبك صبر عليه وصرت مرهم لجراحي ولحد هسه اشوفهه صعبه شلون هيه لاتريد الولد ولا عيشتهم شلون تخلصهه فدوه ابوي ايدك الكه حل وطلعنه من هلمشكله