.قرائه ممتعه جميلاتي
لتنسون التعليق بين الفقرات كولش اتونس من اقراهن
.
.
كعدنه يم بيبي الخاله الفوطتهه عله وجهه وتنعي نعويهه تفت الحجر
امي بقت يمي تهتم بيه بيه لابيهه تعوفني وتروح وكلبهه يمي ولا بيه تبقه فكرهه يم بيتهه كلمن همه فوك راسه قلوبنه تنزف والسنتنه تلهج بالدعاء
اسبوع مر جحيم وقبط شهرين عله روحتهم وتلث اشهر عله فقدان راجح ملتمين الولد يم بيلي يهدون بيهه ويطمنونه عله جدو الراقد بالمستشفه وبس حامد وياا ممنوع اكثر يبقون حته بيت ابو راجح اجوو البنات منتهيات دك تليفون ضياء كام فاز عله طوله ركض والولد وراا ركضوو انخطفت اللوانه خووف مفهمنه شنو
صار صوت عاالي وصيااح وبعدني اصوات رمي فزينه كلنه طالعين وكفنه بنص الكراج ننتصر الجاي
بشر لو جنازه كلبي ماضل بي حيل يدك رجليه كوه حاملاتني واني تصبر بيه اباوع اللوجوهه مخطوفه زران ترجف حته شفته زركه طبكت سياره بصف بابنه واصوات علت اكثر انفتح الباب ودخل جسار بطول الحبه ابتسامتن عله وجهه ملابسه متربه راسه ملاف عليه شي راجح ابدلته العسكريه متروسه دم وتراب منتجي عله داغر الملفوف راسه بشاش ابيض وعقيل مصبوبه ايده وشايلهه برباط لركبته محد.بيهم زين كلهم متاذين بس ابتسامتهم هيه الطمنتنه راضين بكلشي بس كون يرجعون اتقدمته بيبي تهوس بشيلتهه فرحانه برجوعهم
توه الله التفت وطاني ميته والجليل احياني
الطر عركتكم ريحه باروود بثوبيه
وتصيح بصوت مبحوح
مشكور ياابو فاااضل ماكصر من اغديلك سبع فدوات
ودخلوو الولد يهوسون ويااهه واحنه دموعنه تشولف معانت الايام الفاتت وكفو يضحكون وممصدكين رجوع اخوتهم من المووت تاله ركضت لاخوانهه تبجي من كلبهه وهمه يسكتون بيه اتقدم جسار باس بيبي وبوس البنات وخاله وتقدم الي سلم عله مامه الساندتني دنك باسني من راسي وبتعد يسالم الباقين فرحانين برجوعهم دخلنه كلنه لبيتنه بغرفت جدوو ملكوه التفت جسار يسال
وين ابوووي يمه
بيبي بجت وخلت فوطتته عله عيونه تخبل هوه والا تاخذوني الاه بهل الليل رادو بس يكلوله بدل ملابسك وروح مقبل طلعوو الولد وياا كلهم بقينه منتضرين رجعوهم لثاني يوم ويه الفجر رجعوو جايبين جدو حالته موشي بس احسن بس يباوع بعيونه التجر دموع الفرح ويبتسم مابيه حيل يحجي اهلي صلوو وطلعو شكد لزم بيهم جسار مقبلو الكل اتجه لبيته تعبان يطلب الراحه بفراش دافي شاردين من البرد القارص
واكفه باب الغرفه محتاره شاكله من اخلي عيوني بعيونه اعاتبه لحد ميبرد كلبي عله حركت كلبي دخلت جسمي يرعش ممتد علفراش مبين سابح بس شافني وكف فتح ايده اشرلي تعالي ركضت لحضنه ضامني لكلبه ااه ياريحت الفقدتهه
عيوني الحجن شنو عشته بذيج الاياام يريد يسكتني واني ازيد.
YOU ARE READING
وعد الصبا ( تحت سماء الكواسر )
ChickLitذكريات مبعثره تعصف في ارض الصحراء القاحله وتحرك تلك الاغصان المتناثره على جذوع الاشجار ليمتطي شيخ من السلاله النبيله ضهر جواده الادهم ويعدو في عمق الرمال المتناثره لتطير ورقه نحو الشرق وتصل بيت فتاة تناثر شعرها النحاسي على وجنتيها الورديتان لتتا...
