وعد الصبا ( تحت سماء الكواسر )

30

قرائه ممتعه ,&لتنسون التصويت بين الفقرات
.
.
.
.

رحنه تغدينه يم عمو ابو داغر الاجواء جانت حلوه لليل رجعنه جسار كال باجر من الفجر اطلع

وين حتروح

عدي شغل بالبر تجار جايين ياخضون نوك وامر للمعمل ومناك اطلع للمدينه

شكد تبقه

عد ربج علتساهيل ضلت

دخل غسل وطلع متوضي مسح عله رجليه وكام متوجه لمصلايته بعد.ملبس دشداشته . فتحت الهيتر اخذت ملابسي دخلت سبحت ولبست لفيت راسي بالمنشفه غسلت اسناني تذكرت كم مره اريد اساله عله داغر تصير شغله وانسه
مديت راسي من الحام كاعد يسبح اجيت اتمشه وافرش حجيت والفرشه بحلكي

اكولك جسار اريد اسالك

رفع راسه متبسم
روحي بويه خضي حلكج وحدري لاتحجين وحلگج مدلغم امشي

افتشلت رحت غسلت رجعت كاعده مقابيله هوه عله كده علمصلياا بس متربع والسبحه بايده

انته متفرش ليش ولا مره شفتك

جنت افرج بس سمعت ماهو زين بالاخص المعجون بيه كيمياووي وانه الوش اضر روحي بروحي هذا السواك النبي موصي فيه كل مايصيرلي فراغ افرك بيه سنوني واتيمضمض بكرنفل يشل كل الاتهاب ويصح البدن

بالله خل اشووف اسنانك

كمت اريد اشوفهن لزم ايدي وكعداني

وخري بويه تسودنتي عليه

لا عليك الله والنبي اعرف غير امي دكتوره اسنان

زحفت باتجاهه هوه كاعد متربع وكفت عله ركبي مدنكه افتح بحلكه مديت راسي اباوع لاسنانه واحد واحد واحجي هو مرخي جسمه مسبل عيونه يتابع حركاتي بكل هدواء

عين النبي عليك يجنن ولا سن مسووس

ماده راسه مندمجه اباوع خاله ايد عله خده وايد لازمه فكه من ذقنه لحيته بززتني ضربت عله سنه باصبعي

عااج عاااج

عض اصبعي متجاهل صرخاتي مقبل يعوفه

ااااي عوفي والله توجع مو شقه اااي لتضغط والنبي حتكطم اصبعي شبيج

فتح اسنانه مبتسم حررت اصبعي اهفي عليه
باوعتله بعيون دمعانه ليييش

انتي التحارشتي انه ازلمه عله مصلايتي اذكر ربي يوم الجيتي وحطيتي راسج بحلگي شبعدلج

اوووي عود اريد اسويلك فحص مجاني احسن تروح دكتور وتخسر

رفع ايده ياشر السبحه بايده
مشكوره بويه يكثر خيرج دكومي مني لا ارتكب فيج جريمه بهليل

حته نسيتني شنو جيت اسالك
اي تذكرت رجعت زحفت باتجاهه تعرف انو داغر عنده حبيبيه

عكد.حاجبه من وين تعرفين