بقيت وحدي والخوف اخذت كلبي والرجفه شكلت باطرافي افرك ايد بايد لحد مصار نار اشتعلن جمر سمعت صوت الرياجيل يقترب يم الباب لو طبتت من الخوف وبطني مغصتني كلبي اسمع دكاته بحنجرتي دخل ميزت صوت ابوي وعلي وهوه عرفته من العطر الخاله نفس العطر المله الاستقبال بجيته السابقه عطر رجالي قوي وياا سيد ورجال معرفته كعدو وسلمو ورددو صيغه العقد.وجهولي سوال هل قبلتي لو حته النفس قطعته اريد اتنفس ماكو اريد اخذ نفس هواي رددو الصيغه ومكدرت اجااوب لساني نعكد لحد مال الشيخ كال هذي موده جديده ما يجاوبن الا يشلعن كلوبنه لحد منتبه علي واجع يمي دنك ورفع عن وجهي يشوفني نصدم من شاف وجهي محتقن ونخبص كلهم هبط الضغط عدهه وعاط بيهم يجيبوب عصير ومي وجهاز الضغط الضيوف انخبصو امير اجه جايب الجهار وكعد يمي يشربني المي بالكو اشربه اختنكت كعد علي يقيس الضغط لكاا هابط اربعه اباوعلهم طلعو بالباب وهوه واكف يم الباب داخل الغرفه داير وجهه يهز برجله خلف امير ركض جابلي بطل لبن عليه ملح وشربونياا كوه وره ربع ساعه رجعت لوعيي غطوني وكفو يمي امير وعلي كل واحد من جهه حسيت نفسي محميه منهم كعدو وتحمدولي على السلامه وسالو عن السبب كلهم علي بسبب التوتر وقله اكل عاد السيد صيغه العقد ورددت ورااا وصل الدوره اله ردد وره السيد بصوته الخشن بيه بحه رجوليه وعالي قشعر بدني من صوته الكل بارك وطلع الشيخ وصلو الولد وسمعت صوت هلاهل عالي رج البيت رج
بابه حجه وكله بعد.طلعت من عباتي ودخلت جوه عباتك وحمايتك وادريك زلمه معدل ومابيك عيب لو اعرف عنك غير الاعرفه تحلم تشوف ضلهه وهاي كدام الشيخ اذ فد يوم بتي اجتني تعبانه لو شاكيه اخذهه وماردهه وانه اوله برباهه
عله بختك يبوك حنه ماخذين بنيه اصول نحطهه بعيونه وماتفرگ عن بنواتنه شي الا بالله اعز وحنه ما نلاكي مثل شرواكم اجل شتعرف عنه تعالي يبوج خلني اتشاوف لوجهج تقرب مني ورفع عن وجهي خلاه عله شعري منزعه كوله عاينيلي يبعد جدج مكدرت اباوعله مستحيه والخوف ماخذني بابه رفغ راسي وكال هذا جدج بعد لاتستحين منه رفعت راسي رجال الكبر ناحت بوجهه تضاريسه طويل نوعا ما جسمه نحيل من الكبر لابس شطفته وعكاله وبشته عله جتوفه حيل مرتب ونضيف وتفوح منه ريحه العنبر باوعلي وكام يصلي علنبي ويمح بجمالي ومبين متعجب بيه رمقت الواكف وراا بنضره خاطفه ورجعت نزلت راسي جان مدنك اطول من الحضور كولهم
سبحان ربي الصورج وابدع بتصويرج الهم صلي عله محمد والله بيت محمد محروسه يبوج من كل عين نكسه دنسج وتاذيج التفت لبابه كله مره خصتك انخلي الويلاد واحد يشوف الاخر ويتحجون دغايغ حنه ماعدنه زلم تروح وترد عله بنوات العالم مثل الحضر حنه نملج عكب اسبوع ناخضهه لدارهه
بابا جاوب اي ليش لا من حكه بعد صارت حلاله اخذ راحتك وليدي شويه وتجيهه امه تاخذهه يم النسوان
ŞİMDİ OKUDUĞUN
وعد الصبا ( تحت سماء الكواسر )
Genç Kız Edebiyatıذكريات مبعثره تعصف في ارض الصحراء القاحله وتحرك تلك الاغصان المتناثره على جذوع الاشجار ليمتطي شيخ من السلاله النبيله ضهر جواده الادهم ويعدو في عمق الرمال المتناثره لتطير ورقه نحو الشرق وتصل بيت فتاة تناثر شعرها النحاسي على وجنتيها الورديتان لتتا...
