طفرت يمه وكفت لازمه طرف ردنه
فدوه حباب حبااب بس اشوفهن والله امنيتي اشوف جمال بالحقيقه
اهو لعب يابويه ردي نامي مانج حملهن
لا فدوه حباب حباب بس هذي المره والله
زفر نفس قوي جنه بده يعصب
تزهبي بساع والبسي عباا رااس
اي حاضر لبست صايتي وفوكاهه عباا راس انطتنيااه فاتن وطلعت وراا لكينه بيبي وخاله كاعدات
بيبي .ياااع تبين تحدرين معانه
اي ريبي فدوه لعلين صوتج كوه قبل جسار يجيبني وياا
اجل لفي ويهج لا يلجحج وحيد وينكلب زلمتج علبنه طنطل بهل غبشه
خليت الشال عله وجهي بس عيوني طالعات مثلهم وطلعنه من باب الترك نتمشه لسيتج الشفته هذيج المره جسار التفت يباوع لرجلي عاكد حاجبه رفع راسه معصب جاي يحجي شي شاف منضري صفن بوجهي وتفاحه ادم تحركت
ياااع شبلاك يمع دمشنه لا يطر الفجر خلنه نكمل شقلنه گبل الصلاة
اتقدم يمي وهمس انه جم مره گايلج الحجل ذبيه هسه لو وحد هيس حسه برجلج هاااا
يحجي عصبي بس لازم نفسه كوه
ولك يمه كلهه الوادم مهوده ياهو اليسمع دنش خلنه نصل
مشه متوتر كل ساع يندار لجهتي واني اختل وره بيبي لحد منفذ صبره وغاط بصوت ناصي كاز عله اسنانه
حدري يمي انزعي هذا البرجلج صوته ذبحني يرن براسي
نزعته خايف اخذه وخلاه بجيبه حسيت ملامحه ارتاحت هلكد قالقه خلخالي والله منبين صوته بس مدري شبيه
وصلنه دنيه ضلمه وجسار يضويلنه جانن اكو تلث حضاير دخلنه باول وحده جانت للجمال بس الريحه لاتطااق تذبح هستوني دخلت فرحانه اكو جمال صغيرونات كوه لزمت نفسي ماتقيئه اريد اشوف هذن الصغار بيبي وخاله راحن يحلبن كل وحده نزعت عباته ولفوهه عله خصرهه وكعدن يحلبن اني لزمتهن فرحانه وممصدكه شكد حلواات بعد مكدرت اسيطر معتي كلبت طلعت ركض اذب من راسي طلعت روحي جسار ورايه طاعج وجهه
انه شگلت تفضل يالله هااج بويه اغسلي ويهج وتعاي حدري هني شمي هواا
وكفت بعيد شوي عن الحضيره اشم هوه واهفي عله وجهي الجوو حلو الفجر مو حار بس لابسه هواي اني طگكت وهوه واكف يمي عصبي يتلفتت منا ومنا عبالك بايكله بوكه شفنه مرت عمه جايبهه ابنهه متجهه لحضيره وره بيتهم مثلنه بس بعيده شوي عنه هوه وكف كدامي سد الطريق عليه مكمت اشوف رفع ايده يسلم عليهم يمكن شوي وبتعد مني كال تعاي مشيت وراا وهوه يشرحلي عله المكان
دحجي هذا المچان للابل بيهن لنحضرهن نصدرهن للسعوديه وفيهن لمحرم الوادم تشريهن لاجل المواكب وفيهن حنه نذبحن بمحرم وفيهن الاسله نكبرهن وبعدهه نعزلهن كل وحده لصوب
وهذي حضيره الجاموس نحلبهن وعدنه معمل صغير للروبه نوزع لجم محل موش چثير وهذي حضيره الغنم هم نبيع فيهن للاضاحي ولمحرم
YOU ARE READING
وعد الصبا ( تحت سماء الكواسر )
ChickLitذكريات مبعثره تعصف في ارض الصحراء القاحله وتحرك تلك الاغصان المتناثره على جذوع الاشجار ليمتطي شيخ من السلاله النبيله ضهر جواده الادهم ويعدو في عمق الرمال المتناثره لتطير ورقه نحو الشرق وتصل بيت فتاة تناثر شعرها النحاسي على وجنتيها الورديتان لتتا...
