انتقام المهيب ( مكتمله)

بارت ١

قصه انتقام المهيب
بارت ١
قصتنه تبدي ويا بطلتنا ميلار بشرته حنطيه وشعر اسود وعيون عسليه وطول متوسط طموحه وتحب الحياه والضحك
بس بنفس الوقت قويه وما تسكت عل حق شخصيه قياديه بشكل
ميلار:اول يوم الي دوام بالمستشفى كمتدربه ومتحمسه كلش جهزت نفسي وركبت سيارتي ورحت للمستشفى وكملت يومي عادي بين المرضى لحد ما رجعت للبيت وقبل لاادخل البيت سمعت صوت عالي طالع من بيتنه ...
دخلت بسرعه واشوف عمي يرزل بابوي وامي لان مخليني اطلع وحدي بسيارتي و عرف انو اريد اسافر خارج العراق اكمل طب  لان همه ماعندهم بنيه تكمل دراسه بس اني أهلي ما رضو انو اترك لان يعرفوني كلش شاطره  ففتت وطنشت الوضع طبعا احنه علاقتنه بعمامي كلش موزينه من اني زغيره بابا ما يحجي وياهم مااعرف ليش ومن اسأله يتعصب و يكولي لا تفكرين بالموضوع
فمرت الايام وبعد ماأسئل وهمه ما نشوفهم بس بوقت المشاكل يجون واغلب الوقت بابا مايكعد وياهم واذا كعد وياهم وجها ثكيل
  المهم بقيت انتضر ماما بالمطبخ شوي وراحو واجت ماما كتله شصار
ماما :. ماكو شي بنيتي عمامج مثل كل مره يجون يحجون لحد ما يتعبون ويروحون وابوج مطنشهم كاللهم الله كريم وراحو بكل الاحوال  نخليج تكملين دراستج برا العراق لان اهم شي مستقبلج(للعلم اخو ميلار هم خارج العراق يدرس)
ميلار :شكرا يااحلى ام ماشي راح اروح ابدل اريد غدا ميته جوع
ماما : تدللين حبيبتي
وره كم يوم جنت بغرفتي وجتي ماما علي
ماما:ميلار ابوج يناديج موضوع مهم
ميلار : خوما اكو شي
ماما :انزلي وتعرفين.
ميلار،:نزلت لكيت عمامي  موجودين شكو
عمي همام :همزين شرفتي ست الحسن  شو انتي شفتي ابوج على كد ايدج وكمتي تلعبين بكيفج انوب كليه و هسه تريدين تسافرين
ميلار :باوع عمي هو انت لا داري علينه ولا خايف عليه صارلك سنين مافايتنه هسه جاي تتشرط علينه كول من الاخير شرايد هي حياتي وبكيفي وشنو اريد اسوي اسوي
عمي كرار:ميلار شو صايره صلفه وطولان السانج و تراددين اسمعي من الاخير اكو خوش رجال متقدملج واحنه وافقنه باعتبار بمثابت ابوج
لا تخزينه
ميلار :مو اعرف والله ما جايين لحالكم و صارلكم اسبوع بهذا الموضوع اني زواج ياعمي ياحبيبي
مااريد وتسلم على جهودك الفاضله وما قصرت
بس كول  من الاخير انو الولد يخدم مصالحكم وانت تريد تقوي علاقتك بي من خلالي ليش هل درامه ويوميه متعبين نفسكم وجايين
عمي همام:شو صايره ما تستحين وتحجين بصوت عالي بس هاي تربيت ابوج شتوقع منج
لا صداد ولا رداد
ميلار:اتوقع اني ماحجيت شي غلط وانتو تحاولون تدخلون بحياتي وتتحكمون بيه ماشي استودعناكم وصعدت الغرفتي

ماما :ميلار بنيتي ماجان لازم تحجين  هيج بالاخير يضلون عمامج
ميلار:ماما ياعمام تحجين عنهم و انتِ مصدكه همه يدورون مصلحتي والله هذا كله علمود يزوجوني لواحد وياهم حتى يطور شغلهم و حسبالهَم اني غشيمه مااعرف بسوالفهم
ماما:والله يا يمه ماادري بس انتي سوي الشي الي يريحج
ميلار:ان شاءالله يوم
بعد كم يوم صار موعد السفره وسافرت لكندا  استفادت هواي اشياء وتعلمت أمور هوايه بالطب
وكمت ادخل عمليات وياهم وشوي شوي حسيت نفسي تمكنت من مجالي و وجان اكثر تخصص عاجبني جراحه القلب كلش حبيته  وصار عندي هواي معارف هناك وتقوت لغتي بقيت سنتين وبعدها  صار موعد رجعتي..
رجعنا اني واخوي مهيمن واستقبلونا بابا وماما وخالتي رجاء بالمطار كلش اشتاقيتلهم وماما ماصدكت من شافتنه و بقينه ساعه متحاضنين رحنه لبيتنه وجان كلش هوسه خوالي و عماتي كلهم موجودين ماعدا عمامي فتت سلمت عليهم وكعدت يم بيبي سلمت عليهه وفتت سبحت و رجعت كعدت يمهم صبو الغدا والأجواء كلش حلوه ضحك و خالاتي ابد ماسكتو
خاله رجاء : مهيمن و ميلار شو صايرين تخبلون ماتاخذوني وياكم اذا رحتو انوب بلكي ارجع شباب
ميلار :خالتو انت ِ منو بحلاتج غير تخبلين
خاله رجاء :اضحكي علي غير كبرت وشيبت
مهيمن : لا خاله شنو اصلا اني اريد مرتي تشبهج وين اكو بجمالج😉(طبعا خاله رجاء عدها بنيه اسمه رونق تجنن وجان مهيمن حاط عينه عليهه قبل لا يسافر والضاهر بعده)
ميلار:باوعت على رونق وجها صاير طماطه كتله  ها مهيمن شنو تقصد بتشبه خاله رجاء
مهيمن:كام يكرص برجلي (بهمس) انجبي لا تفضحينه 
ميلار متت ضحك عليهم وكلهم يباوعولي محد مفتهم السالفه خلصنا اكل و اتجمعنا اني والبنات بغرفتي جبتلهم وياي شغلات كلش فرحو بيهه طبعا هديه رونق اختارها مهيمن كلاده على شكل فراشه لون ازرق وياها أسوار ومحبس يجنن انطيت الهديه الرونق
رونق:ميلار يايييي تخبل ذوقج يجنن
ميلار:حبيبتي ادللي
رونق :يلا بنات خلوو ميلار تنام امشو نكمل سوالفنه براا
ميلار: عاد والله ميته تعب اريد انام
طلعو البنات ودخلت بسبات عميق لحد المغرب كعدت نزلت جوى لكيتهم رايحين والبيت هدوء رحت على غرفت ماما لكيته دا تقرأ قرآن شافتني وكالتلي تعاي يوم كعدت يمهه حضنتني وكالتلي حبيبتي مشتاقتلج يا نضر عيني تعبتوني بروحتكم
ميلار :حبيبتي يوم هايهي بعد ماروح المكان ابقه يمج
حسيته مو مرتاحه تريد تكول شي يوم اكو شي احجيلي...