انتقام المهيب ( مكتمله)

بارت ٦

بارت ٦
ميلار سمعت صوت من غرفه مهيب
ويردد بصوت خافت............
فتحت الباب وباوعت لكيت مهيب نايم وعركان  ودا يصيح
لااا تقتلوهم درر لااااا لااااا
بقيت واكفه بمكاني خايفه و ماادري شنو اسوي
صوت صياحه كأنو دا يتألم بشكل مو طبيعي
وكلماته يضل يعيد بيهن
تقربت علي وكفت يم راسه مديت ايدي
حتى اكعده
وهو فزز بسرعه ابتعدت عنه
مهيب:(وهو ياخذ نفس) اااانتي شدا تسوين هنا
ميلار:مووو موو سمعت صوتك و واجيت
مهيب:براااا
ميلار:هااا
مهيب:كتلج برااااا
ميلار:مو صوجك صوجي اني ردت اساعدك
مهيب:اموووت ولا اخذ مساعده  منج
ميلار: واموت و لا احاول بعد اساعدك طلعت و فتحت  الباب  ور كضت على غرفتي سمعته يكول
مهيب:سدي الباب يا غضب الله
ميلار:فتت الغرفه  و قفلت الباب لا يجي فرحت لان شويه ضوجته يستاهل
حاولت انام بس ماراح منضره من يصيح و ينادي
اهله من بالي شنوو يصير لو صح اهلي قتلو اهله
كلت بنفسي لاا ميلار مستحيل نفضت هاي الأفكار من بالي ونمت.
ثاني يوم
مهيب:هله جواد شلونك
جواد:هله بأبو الاشهب
مهيب:شصار على همام وكرار
جواد:كلشي جاهز راح ينقلون ممنوعات اليوم بليل
و رجالنه منتشرين بكل مكان واكو كامرات ترصد كلشي
يعني نهايتهم اليوم راح يخسرون كلشي و تتشوه سمعتهم وبعدها بالسجن انت تكدر تسوي بيهم كلشي
مهيب:عاشت ايدك ياخوي
جواد:بس عندي سؤال من زمان اريد أسلك
مهيب:شنو
جواد: احمد ليش عاف شغله ويا إخوته
مهيب:هذا الشي الي اني مو فاهمه
خلال فترة مراقبتي اله شغله كله قانوني وما كدرت الكه لزمه علي
عكس إخوته بس هذا ما يلغي انو هو مجرم
جواد: بس ياخوي أريدك تتأكد منه مااريد تسوي شي
تتندم علي
مهيب:مااعرف بعد مااكدر افكر حاس نفسي
ضالم ومضلوم بنفس الوقت
جواد:شراح تسوي بخصوص ميلار
مهيب:راح نسافر اليوم اكيد بعد العمليه
هاي راح يعرفون
انو اني ورا كلشي لان اني الوحيد الي اعرف بكل تحركاتهم بس حتى لو عرفو راح يكون بعد فوات الاوان
و أحمد مادام ميلار بأيدي سهله شغلته بس اتأكد من شغله
جواد :ماشي ياخوي موفق
مهيب:جواد ياخوي مااوصيك كون حذر بكلشي
جواد:ان شاءالله
مهيب:الله وياك

ميلار:كعدت الصبح و كمت فتحت الباب
وشفت مهيب بالصاله كاعد عل قنفه ومدنك راسه
شكله يخوف ماحجيت شي رحت غسلت
و ردت ارجع للغرفه
مهيب:ميلار تعاي
ميلار: (متت شكله مبين كاعد على اعصابه و اذا احجي شي ينفجر بوجهي) هاا
مهيب :اليوم العصر مسافرين جهزي نفسج
ميلار: واني شكو مااريد اروح وياك
مهيب:واني ماجاي اخذ رأيج  تروحين وياي سواء برضاج او غصب عنج
ميلار:واذا ما رحت شراح تسوي
مهيب:(اخذ موبايله واتصل على واحد) شلونك علي
علي:نعم ابو الاشهب الحمدالله
مهيب:شلون احمد وعائلته
علي:كلشي تمام بس ننتضر أوامر منك
مهيب: تمام
سد الخط
مهيب:كلمه مني اهلج يصيرون يم ابو لهب
ميرال:مهيب حرام عليك لا تسوي بيه هيج انحرمت من اهلك لا تحرمني من اهلي
مهيب:لعد حضري نفسج وانتي ساكته
ميلار:زين بس اريد اشوف اهلي لآخر مره
والله بعد مااطلب منك كلشي و شتريد انفذ وصوتي بعد ما تسمعه الله عليك
مهيب:ماشي بس اذا سويتي شي ما تلومين اله نفسج
ميلار :لا لاا ماسوي شي
مهيب:أهلج جانو يخابروني ويسألون عليج
يعني ما يعرفون بكلشي روحي جهزي نفسج
هسه قبل لا نسافر نروح عليهم
ميلار:شكرا شكرا
جهزت نفسي ولبست بنطرون ابيض  وقميص للركبه لون وردي نسقت ويا جنطه وحذاء لون اوف وايت
اجه مهيب(بقه صافن عليهه)
ميلار:طالعه أخبل موو
مهيب:لاا يله امشي
ميلار:(شكد غثيث)
طلعنه و ركبنه بسيارته مضلله ورحنه لأهلي
اول ماشفت باب بيتنه احس روحي ردتلي وكف السياره بعيد عن البيت شويه
مهيب:سلمي عليهم وتعاي لا تطولين
ميلار:تمام
نزلت و رحت  لبيتنه دكيت الباب واحس كلبي
يدك بسرعه وفتحلي الباب مهيمن
مهيمن:(حضني) ميلار يا روح اخوج مشتاكلج مووت
ميلار:ياروحي والله هم مشتاكتلك
مهيمن:فوتي فوتي خل نحجي جوه
ماما تعاي شوفي منو اجه
ماما:منوو
ميلار ياروح امج انتي
ميلار:ركضت على ماما حضنته
وكامت تبووس بيهه بوجهي بأيدي وحارت شنو تسوي
ماما:مشتاكتلك يارويحتي
ميلار:ياروحي يا أمي والله ميته عليكم
ماما:ليش مااجاوبين على مو بايلج  اكثر من مره خابرت على مهيب و أسأل عنج مشغوله
هيج يايمه ازوجتي ونسيتينه
ميلار:(بحسره) يا عمري والله ما نسيتكم بسسس
ماما:بس شنو اكو شي صاير بينج وبين مهيب
ميلار:لا ماما كلشي ما صاير اصلا هو حيل زين وياي
بس تعرفين مسؤليات جديده وما كدرت احجي وياج
ماما:ابنيتي لا تسوين بيه هيج والله كلبي نار عليج
لو برساله بس طمنيني عليج
ميلار: ان شاءالله
_وين بابا
ماما:جوا يله كومي سلمي علي. ليش مهيب مااجه وياج
ميلار:راح نسافر العصر و مشغول دا يجهز
ماما:راح تسافرون اليوم!!!!!!
ميلار:ايي. لا تضوجين حبيبتي مهيب ما يعوفني وداير باله علي واني اخباركم بين فترا وفترا
ماما:ما دامج مرتاحه ويا هايهي أهمشي راحتج
_دخلت للاستقبال بابا جان كاعد يباوع اخبار
_هلوووو مبين ما مشتاكلي
بابا:بنيتي ميلار ياروح ابوج تعاي (حضني) شلون ما مشتاكلج ياروحي
ميلار:شلون صحتك حبيبي
بابا :زين اذا انتي زينه
ميلار:الحمدالله اني كلش زينه
بابا:صدك  شلون مهيب وياج خوما يزعلج
ميلار:(بيني وبين نفسي ليش هو بشر) لا ابد كلش زين
كعدت بنصهم وبابا حاضني ومهيمن لازم ايدي
وماما حايره شسويلي
ماما:وجهج صاير اصفر راح اسويلج عصير برتقال
راحت للمطبخ
ميلار:مهيمن اريد احجي ويا بابا بموضوع عادي
مهيمن:من هسه بدت خصوصيات بينكم يابه راح اكوم
ميلار:شكرا حبيبي محح راح مهيمن
بابا:خوما اكو شي بنيتي شكو
ميلار:لا بابا ماكو شي بس اريد أسألك بخصوص
اهل مهيب
بابا:شبيهم اهله مو  متوفين حسب مااعرف بحادث
ميلار: يعني ماتعرف شي
بابا:احسج دا تحققين وياي
ميلار:لا بس اريد اعرف شنو صار قبل ٢٠ سنه
اهنا حسيت بابا انصدم ووجه صار اصفر.
سمعت الجرس دك
ميلار:بابا شبيك ليش انصدمت انت مالك دخل بقتل اهل مهيب مو
انفتح الباب ودخل مهيب
مهيب:السلام عليكم
_اباوع على بابا بس صافن على مهيب وما ردله السلام
مهيب:ميلار طولت جوه و رحت عليها حتى أخذها
دكيت الجرس امها فتحتلي الباب دخلت للاستقبال سلمت واستغربت من ابوها يباوعلي بطريقه غريبه
مهيب:ميلار يله ماضل وقت امشي وياي
ميلار:تمام كمت وبابا بقه مجلب بيدي
ميلار:شكو بابا شبيك
بابا: لا تروحين.
ميلار:لييش بابا شبيك
بابا يباوع المهيب وكله عائلتك ماتو بجريمه قتل
مهيب انصدم  و الشرار كام يطاير من وجه
_ميلار كومي بسرعه
بابا: لا متروح وياك
مهيب سحب ايدي وجرني بسرعه
وبابا يركض ورى لا ما تأخذها
واني عيوني تجري دموع  واحاول اووخر ايده مني مهيب عوفني مهييييب ماريد اروح عوفني
وهو ولا عبالك يسمع شفت بابا يركض ورانا
مهيب الله عليك بس اشوف بابا مهيييب
ماما مصدومه ماتعرف شنو صاير بس تركض ورا بابا
دخلني مهيب السياره وركب هو وساق بسرعه جنونيه
بعدنا عن البيت كلش هواي وهو مستمر بالسرعه مالته
كل شويه تجي سياره واكول راح نندعم
بقيت الطريق كله ارجف ماادري شراح يسوي بيه
مهيب:شكتلج مو كتلجججج لااااتتغابين وهو يضرب عل استيرن شكتلج كووووولي
ميلار:ووو والله ماسويت شي
مهيب:شنووو عيدي ماااسويتي شي اني اعلمج  صبريلي والله اطلعلج وجهي الثاني
ماسويتي شي مو والله اله اجنزج اتجنز بسيطه
ميلار:كمت ارجف من الخوف ماادري هيج راح يصير
ميلار:والله بس ردت اعرف شنو دخل بابا بقتل اهلك
مهيب:هسه اذا اموتج احد يكلي ليش لج خبله انتي
احد كلج تدخلي شننووو انتي شنوو فهميني
_بقيت ساكته كلشي ماحجيت
الطريق كلش طويل وهو مستمر بسرعته
ميلار:بس على كيفك راح تدعمنه خفف السرعه
مهيب:اشش ماريد اسمع صوتج بلكي ميتين وخلصان من حياتي بقيت الطريق ساكته ماحجيت شي لحد الساعه ب ٩ شفت لافته
البصره ترحب بكم عرفت صرنه بالبصره اشجابنه هنا ماادري

اهل ميلار

مهيمن:جنت بغرفتي سمعت ابوي ينادي الميلار
وامي تركض ورا ماما شكو
ماما:ماادري ماادري
مهيمن:باوعت مهيب اخذ ميلار وراح بالسياره
شكوو ابوي شصار طلع عمي همام على صوت ابوي
همام:شبيكم خير
مهيمن:لا تدخل انت ماكو شي كومت ابوي بس فهمني شصاير ابوي كام على عمي همام
ابوي:اسمع والله اذا صار ابنتي شي بسببكم
ماتلومون اله نفسكم
همام:هاي شبيك واني شلي دخل ابنتك
ابوي:اذا تأذت شعره من شعر ميلار بسبب جريمتكم الي قبل ٢٠سنه والله ما تلومون اله نفسكم بالشي الي راح اسوي
همام: هيييي شبيك يا جريمه دا تحجي عنه و شذكرك هسه 
ابوي:عائله مهيب هي نفس العائله الي قتلتوهه
همام:شنوووو شدا احجي انت
ابوي:قسم بالله اذا صار ابنتي شي نهايتكم على أيدي
وقد  اعذر من انذر
مهيمن فات ابوي للبيت ورحنه ورا
مهيمن: يابه شتحجي انت يعني مهيب اخذ
ميلار حتى ينتقم شدا يصير
ابوي:اييي كافييي جيبلي حباية راس راح انجلط
اني السبب ماجان لازم اسكت عل موضوع وهسه بنتي الي راح تدفع ثمن غلطي لااا ياربي
ماما:على كيفك وفهمنه شدا يصير

ميلار :وصلنه لمكان مثل القريه وزرع بكل مكان وبيوت قليله بي
دك موبايل المهيب وجاوب
مهيب:هاا جواد شصار
جواد:مهيب الي صار كارثه كل الخطه فشلت
مهيب:شنو صار بالضبط
جواد:الاتفاق الي صار ويانه كنسلووو و مودين شاحناتهم من غير طريق و صارت مداهمه وهوايه من جماعتنه تصاوبووو وحاليا راح ننسحب
و راح نرجع اكيد اكو احد وره كل هالشي وبلغهم انو انت الي تريد تنتقم منهم
مهيب: واني اعرف بسبب منو صار هلشي
ميلار:سمعت حجيهم واني ميته بدمي ومن حجه جملته الاخيره باوعلي بنضره حسيته يريد يشرب من دمي
سد الخط و كالي سهله وصلنه البيت ونزل هو
من السياره
واجه على بابي فتحه و جرني بكل قوته من السياره
وكعت ورجع جرني حسيت ايدي انخلعت........

الكاتبه / رفقه الفهد

ياحلوين الي يتابع القصه خل يصوت علئ علامه النجمه علمود عدد أكبر يشوفه