بارت ٥
ميلار:ركضت حتى اطلع فتحت باب المطبخ وركضت عل باب الخارجي فتحته ومااحس
اله واني اسحبت بقوه باوعت مهيب لزمني من ايدي وجرني
واني احاول أفلت ايدي
بس ماكو فايده هو أضخم مني
مهيب:حيوانه اني اعلمج كتلج لا تذاكين علي
جريته وهي تحاول تفلت ايده دفعته للبيت وقفلت الباب
انتي خبله لو شنو
ميلار:والله محد خبل غيرك ولي اريد اروح
مهيب:اللهم طولج ياروح لج انتي كل عقلج تنهزمين بهل سهوله
بابا ارجالي كلهم برا واكو كامرات بكل مكان
فاكعدي وانتي ساكته
ميلار:الله ياخذك يا حقير
مهيب:اي ياخذني بس مو قبل ماأخذ ثاري هل مره اعديه الج بس ثاني مره ما تلومين اله نفسج روحي للغرفه وانتي ساكته
ميلار:رحت للغرفه و نار بكلبي ابد ما توقعته هيج
و شلون اذا سواها و اذه اهلي والله اكتله
وما عندي موبايل حتى احجي وياهم بقيت افكر بطريقه بس ماكو محاصرني من كل الجهات
بعد ما اتحمل ألم راسي من التفكير و بعدني لابسه البدله رحت للكنتور اخذت ملابس وفتت سبحت
حتى شويه اصحصح طلعت ولفيت شعري بدون لا انشفه و حاولت انام ماكدرت شفت الساعه ب٢ كمت فتحت الباب على كيفي شفت واحد دا يصلي
معقوله هذا المجرم يصلي شفته كام ويمسح بعيونه عبالك جان يبجي اندار وشافني كليلي شعندج واكفه يمج
ميلار:بكيفي. انت واحد مثلك ليش يصلي حتى ما تنقبل صلاتك؟
مهيب:وانتِ شكو مو انتي الي تحددين تتقبل لو لا
يله ولي ماريد اشوف وجهج
ميلار:سديت الباب بكل قوتي ورجعت حاولت انام
لحد ٥ يله نمت
كعدت الصبح على صوت الباب فات مهيب جابلي اكل
ميلار:شنو هذا
مهيب:يعني شتشوفين اكل
ميلار:مااريد شي منك
مهيب:راح اخلي هنا واذا مااكلتي ماتضرين غير نفسج
ميلار:كل الدا تسوي راح تتعاقب علي صدكني وراح
تندم
مهيب:خلصتي يله اكلي
ميلار:شنو الغايه انو تزوجتني وتكدر تكتلهم بسهوله
مهيب:مااريدهم يموتون بهل بساطه اريدهم يتعبون اريدهم يتمنون الموت وما يلكونه تكدرين تكولين
انتي رهينه يمي وتزوجتج لان ماراح يكدرون
يشتكون وشنو راح يكولون زوجها خطفها
ميلار: اسمع والله و وووالله اهلي مستحيل يأذون
احد صدكني مستحيل يقتلون
مهيب:ماكو فايده من كلامج محد يكول على
عائلته مجرمين
ميلار:ولك انت شنو من بشر انت مريض نفسي
لازم تتعالج انت مو انسان عاقل ابد وعقلك دا يوهمك بأشياء مالها وجود. اني كلت هيج ومااحس اله براشدي طيرلي وجهي وكعت عل كاع وخشمي كامت تنزف. مادا استوعب من الصدمه
مهيب:قسم بالله هذا الكلام إذا عدتي مره ثانيه
ادفنج وانتِ عايشه سمعتينييي لو لاااا نفس مااريد اسمع منج بعد
عوده للماضي
مهيب :بعد ما توفوو اهلي و مر علي اسوء يوم بحياتي صار بيه حاله نفسيه
شهر كامل اني مااحجي شي
و منضرهم وهمه مقتولين
وكلهم دم ومنضر اختي در
وهي تريدني اساعده وانقتلت
كدام عيني ما يروح من بالي.
خالتي الوحيده الي جانت وياي
و حاولت تطلعني من الي اني بي
بعد ما مر شهر واني ماكو تحسن بحالتي
اخذتني على دكتور نفسي
ونوعا ما كدرت اطلع شويه من حالتي
وكمت اتفاعل وياهم بس اغلب الوقت احب
اكوون وحدي بعد ما شويه تحسنت كمت اطلع ورجعت للمدرسه
وبيوم جنت راجع من المدرسه سمعت زوج خالتي (جاسم) وخالتي يحجون
جاسم:اكلج هذا ابن اختج الي بي حاله نفسيه تريدين
يبقى ويانه تعرفين حالتنه على كدنه
وجهالج كوه مدبرين عيشتهم
تجيبيلي هذا وياهم يعني عل قليله
خل يشتغل يطلع مصروفه بس كاعد
واحنه نخدم بي
والله اذا ما شفتيلج حل ويا اطلكج وحيري بنفسج وبجهالج
خالتي:حرام عليك تشوف حالته شلون خاف ربك
مهيب:خالي صح كلامك انتو مو ملزومين تصرفون عليه
واني من باجر راح اطلع اشتغل
خالتي:لا ابني. جاسم مو قصده
مهيب:لا عادي خاله اني مفكر بهاي الشغله اصلا
ومن بعده بديت اشتغل بأي شغله احيانا بالتقاطعات وأحيانا بالمحلات اساعدهم بترتيب الغلاض و ماخليت شغله مااشتغلت بيهه
عمامي شالو ايدهم مني وكلمن يكول مااكدر اتحمل مسؤوليته
و زوج خالتي ابد ما يطيقني
و صار يمد ايده علي و كلماارجع ما جايب فلوس
جان يضربني
بهاي الفتره رحت للشرطه وحاولت اخذ حق اهلي
بس كالو ماكو دليل وسدو القضيه ولا كأنو شي
صاير كرهت حياتي وحاولت انتحر
اكثر من مره بس يوكف بوجهي حق اهلي ومحد راح ياخذ حقهم غيري
وقررت ما ابقى تحت رحمه
زوج خالتي و رحت على عمامي و طالبتهم بورث ابوي الي اكلو حقه وتقاسمو بيناتهم وهددتهم انو ارفع قضيه
عليهم و هنا أنطوني ورث ابوي
الي هو قطعت ارض و حصه بالعماره مالتهم
وابوي جان عندا بيت ملك الي همه توفو بي
ماكدرت ارجع بي
طبعا ماانطوني كل حقه
بس جانو الفلوس كافيات بالنسبه الي بعت قطعت الأرض
واشتريت بيت زغير و عشت وحدي و جانت خالتي الوحيده الي تجي تزورني
بين فترا وفترا
عشت الوحده و الضياع بهاي الايام
واغلب وقتي ساكت
جنت اروح للمدرسه بس ماعندي اي تصدقاء
والكل يتجنبي يكولولي بيك حاله نفسيه
وجنت بعد المدرسه اشتغل و يه ابو
محل اساعده بغراضه او اروح عماله وهيج كضيت طفولتي ومراهقتي
جنت كل يوم اتمنى الموت
و ألوم بنفسي لان ما كدرت انقذهم
وجنت جبان عل قليله اموت وياهم
ولا ابقه عايش وحدي
كبرت ودخلت قسم أدارت أعمال
ورحت خارج العراق كملت الدراسه
والصديق الوحيد هو جواد الي عرف قصتي وجان مثل الأخ
جواد :انت بطل لان عشت وكملت حياتك واعتمد على نفسك بعد كل الي صار
مهيب :جواد كلكم تعتقدون انو اني عايش بعد كل الي صار بس بالواقع روحي ماتت بذيج اللحضه وذاك اليوم
الي دا تشوفه مجرد جسد بدون روح
كلبي ملجوم و داخلي مدمر.
اتمنى أكدر اطلع من هذا العالم حتى ارتاح
محد يعرف شنو دا اعيش وشنو الصراع الي بداخلي
جواد :مااكدر اكول غير الله يكون بعونك ياخوي
ومن هذاك الوقت صار اعز شخص علي
نرجع للواقع
ميلار:باوعت الكاع كله صارت دم و كوه جريت نفسي
وكمت غسلت بعد مابيه طاقه لكل شي
رجعت غطيت راسي بالبطانية واذكر البارحه شكد جنت فرحانه واليوم وضعي شلون
يوم واحد كفيل انو يكلب حياتي
ويدمره تماما كارهه روحي والضعف الي
اني بي و كرهت مهيب من كل كلبي و كل لحظه
حسيت انو هو الشخص الصح الي راح ينور حياتي
سمعت صوت اذان الظهر وتذكرت انو ما صليت من البارحه
كمت توضيت صليت وماما علمتني على دعاء
اكوله من اكون مهمومه
(يا فارج الهمّ، ويا كاشف الغمّ، فرّج همي ويسر أمري، وارحم ضعفي، وقلّة حيلتي، وارزقني من حيث لا أحتسب يارب العالمين، يا ودود يا كريم، يا جبار السماوات والأرض، يا هادي القلوب اهدي قلبي، يا مغيث أغثني، يا مغيث أغثني، يا مغيث أغثني.)
وسبحت و قريت قرآن احس نفسي هوايه ارتاحيت
بقيت طول اليوم كاعده بغرفتي
ومااكلت اي شي والاكل الي جابه بارد ما ينأكل
بليل بعد مااتحمل الجوع فتحت باب الغرفه
وطلعت للمطبخ ماكو احد والبيت كلش أظلم
فتحت باب الثلاجه مابيها شي سمعت حركه وراي فزيت شهكت وبسرعه كلت سلاما قولا من ربٍ رحيم منووووووو
مهيب: شمطلعج هسه ؟
ميلار:اخذ نفس واحجي هذا انت
لا تخاف ماانهزم
مهيب :لان ما تكدرين
ميلار:كافي مهيب ماعندي طاقه احجي
مهيب:اني راح اروح لغرفتي اكو اكل عل كاونتر اذا تردين
ميلار:راح واني ميته جوع كعدت اكل لحد ما شبعت
كمت غسلت ولميت الاكل باوعت المطبخ كلش حلو بس يرادله تلميع مسحت الكاونتر وغسلت الكاع واكو اشياء جايبه مخليه عل كاونتر رتبتهن
ورحت لغرفتي قبل لا ادخل الغرفتي اكو صوت جاي من
الغرفه الي نايم بيهه مهيب
تقربت اسمعه يصيح بصوت خافت
ويردد بأسم ما مفهوم.......
ESTÁ A LER
انتقام المهيب ( مكتمله)
Mistério / Suspenseمشهد دخلني مهيب السياره وركب هو وساق بسرعه جنونيه بعدنا عن البيت كلش هواي وهو مستمر بالسرعه مالته كل شويه تجي سياره واكول راح نندعم مشهد راح للمطبخ واني افتر بالبيت فجأه سمعته يكول مهيب:ها جواد خلي أرجالك ينتشرون يراقبولي بيت أحمد(ابو ميلار) . وك...
