انتقام المهيب ( مكتمله)

بارت ١١

بارت ١١
ميلار :مهيب كومم مهيب
فقد الوعي
مهيب امانه كوم مهيب تسمعني ماكو ما يجاوب
اجه جواد شافه بسرعه خله ايده على كتفه
و شاله اني سندته من الجها الثانيه واخذنا البيت جان قديم مثل الخرابه منكدر ناخذه لمكان اخر لان حالته ماتسمح  خلا جواد بالكاع واني شفت الجرح مالته
كلش عميق لازم يتنضف ويتخيط
ميلار:جواد جيبلي من اي صيدليه ابره وخيط وشاش وتعقيم
جواد:تعرفين
ميلار:اي بس بسرعه
جواد:ماشي هسه اجي  مااطول
بقيت كاعده يم مهيب وهو ينزف دم هوايه
جان مهيب مخلي لفاف على ركبته أخذته
وشديت بي رجلا
ميلار:مهيب تسمعني بقيت احرك بي شويه حس عليه
_اني وين شدا يصير
ميلار:واخيرا كعدت بعدنا بالمزعه
_ج جواد ز زين
_اي لا تخاف علي راح يدور صيدليه حتى نعالج جرحك
بقه ساكت بس وجها محتقن من الألم 
_تحمل شويه وضل مفتح عيونك لا تنام
هز براسه بمعنى اي
شويه واجه جواد كعد يم راسه
_ها ياخوي بيه ولا بيك
_خوما تأذيت
_لا كلشي مابيه مثل الحصان
كمت اضحك على سالفته
وهو يحاول يحاجي مهيب حتى ما ينام
واني بديت اشتغل بالجرح اني قبل شايفه شلون
ينضفون الجرح ويخيطو وجربت بس على جروح زغيره
بديت انضف بالجرح وايدي ترجف والحمدالله الطلقه بس جارحته وطالعه
اباوع على مهيب
كلما ابدي انضف بالجرح يعصر عيونه ويكز على سنونه
بعدها بديت اخيط بي وهو كاتم نفسه
_مهيب تحمل شويه ماكو لا مخدر ولا شي
حتى اقلل الوجع تحملني شويه
هزلي براسه واشرلي بمعنى عادي كملي
خيطت الجرح ولفيته بشاش
وهو غمض عينه ونام
أشرت الجواد بمعنى كوم
بعدنا مسافه عن مهيب كتله
_جيبلي علاج و كتبتله الي أريده بورقه
راح جواد وبقيت اني. وباوعت على جرحي الي
اصلا نسيته عقمته ولفيته بشاش
ميته تعب بس اريد انام جنت كاعده وسانده
ضهري عل حايط بس غمضت عيني ونمت
ماادري شلون خلص هذا اليوم المتعب
حسيته أطول يوم بحياتي
ثاني يوم كعدت لكيت نفسي مغطايه بستره
مهيب باوعت بالمكان ماكو احد كمت برا
لكيت مهيب وجواد دا يحجون سوه
شافني مهيب و كالي تعاي
رحت يمهم كتلهم صباح الخير
مهيب:صباح النور
جواد:هلا بمرت اخوي تفضلي اهنا
كعدت يمهم وضلو يحجون على الي
صار البارحه
مهيب:هاي ثاني مره تفشل خطتي  ماادري شلون اخلص منهم
جواد:مهما عاش الظالم بالاخير ينكشف
بس ثاني مره لا تجازف هيج مجازفه
على شعره جان كتلوك
مهيب:صح جان أبالي غير شي
بس صار العكس لازم نسوي شي مدروس اكثر
المره الجايه
جواد:الله كريم
مهيب:لازم الكه دليل ضدهم بس
المشكله دا يمحون كل الادله
ميلار:صرخت بصوت عالي ياااااااا
مهيب:و ثول شبيج انكرصتي
ميلار:عندي والله عندي
مهيب:شنو العندج
ميلار: اصبر. جنت لابسه قمصله دورت بالجيوب وطلعت الموبايل  حاولت افتحه مخلص شحن
مهيب:يولي شبيج لا تخبليني
ميلار:على كيفك هسه تعرف بس اريد شاحنه
جواد:اشغلج السياره واشحني
ميلار:ركضت عل سياره وجواد شغلها وخليت الموبايل عل شحن
ومهيب يباوعلي واشرلي بمعنى خبله شبيج
واني مبتسمه واباعله
رجع جواد كعد يم مهيب واني انتضرت الموبايل
شحن شويه وفتحته رحت على التسجيل الصوتي
ولكيت التسجيل موجود رحت اركض على مهيب
كتله اسمع اخذ مهيب الموبايل وسمع التسجيل
وجان بي كل كلام همام وكرار الي عساس عمامي
و جان بي اعترافهم وهمه الي كتلو اهل مهيب
باوعلي مهيب و الابتسامه شاكه حلكه
_ميلار انت ِ شنو شهل التفكير
يول فديت ذكائج
يا طلقتي الروسيه
جواد:هوب هوب شبيك اني كاعد
مهيب حس على نفسه وكاله
انجب
مهيب:بس شلون مين جتج الفكره
ميلار:شعبالك ما صرت دكتوره عبث
بقا يضحك ويعيد بالتسجيل ويباوعلي
مهيب :بهذا التسجيل نكدر ننهيهم
جواد:ايي عندي صديقي محامي
أكدر اتواصل ويا واشوف شنو يصير
مهيب:اي ان شاءالله نهايتهم قربت
كله بفضلج ميلار
ميلار:اكتفيت بالابتسامه
جواد:اني اكوم وانتو ابقو وحدكم
مهيب: انجب واكعد
بقيت اضحك عليهم  يتناكرون جواد يندسه
بسالفه ومهيب يغلط علي
جواد:لا صدك هل مره اروح اجيب ريوك نتريك
لان ميت جوع من البارحه ما ماكل
حتى نبدي شغل ويا المحامي
تريدون اجيبلكم شي وياي
مهيب:سلامتك ميلار محتاجه شي
ميلار:لا تسلم
جواد :ماشي
راح جواد وبقيت كاعده اني ومهيب
مهيب:عندي سؤال
ميلار:ايي اسأل
مهيب:همه عمامج شلون كدرتي تطلعين
مستمسك ضدهم ما تخافين تتأذين
اذا عرفو
ميلار:اني كل حياتي امشي ويا الحق
وماارضه واحد ينضلم ابد
ولو عندي اي طريقه اساعد
المضلوم اساعده لَو على حساب
عائلتي كل هل شي تعلمته من بابا
مهيب:لا تنسين احتمال جبير ابوج مشترك
بالجريمه بس انتي مستحيل تكدرين تأذي
ميلار:كتلك قبل وارجع اعيده بابا مستحيل
يأذي بشر وان جان عكس هل شي
فألي تصرف غير وياهم
مهيب:تمام نشوف شراح يصير
ميلار :بس مهيب إياك ثم إياك
تأذي بابا وانت ماعندك دليل سمعتني
مهيب:ميلار اني مو مجرم حتى اقتل
شخص بريئ
ميلار:كم شخص قاتل بحياتك
مهيب:امم خليني افكر
ميلار:عزااا يعني هوايه
مهيب :مبتسم لاااا تقريبا ٤٠ واحد
ميلار:جذذذب عزااا وتكول اني مو مجرم
مهيب:هاي شبيج يولي اشاقه ٣ بس
ميلار:وليش قتلتهم
مهيب:واحد من جنت بعمر ١٥ سنه جنت
كاعد أبيت وحدي و فات حتى يبوك من البيت
وشافني وراد يضربني بالسجينه 
ركضت حتى انهزم من البيت بس لزمني وجان اكو
بلوكه بالكاع ضربته قوي بيها ومات
ميلار :بصدمه وشصار بعدها انسجنت
مهيب:لاااا لان دفاعا عن النفس مو متعمد
ميلار:اي والاثنين الباقين
مهيب:هاي قبل خمس سنوات
جنت راجع للبيت والدنيا ضلمه
وجانو اثنين يريدون يتعرضون لبنيه
و اخذو جزاءهم
ميلار:عزااااا انت طلعت مثل بطل
الأفلام
مهيب:دكومي كومي كافي سوالف
ميلار:ديله كمت
رحت معبسه و شويه واجه
جواد و نادوني حته اتريك.........

الكاتبه / رفقه الفهد

حبايب لاتنسون التصوووووووويت عل بارتات