مهيب:رجعت للبيت بعدما عقدنه محكمه فرحان
لان راح ابدي بتنفيد خطتي واخيرا
و خابرت خالتي تودي الذهب والفلوس لأهل ميلار باجر
حتى يخلصون تجهيزهم بأسرع وقت
اتصل علي جواد
مهيب:هلا جواد
جواد:هلا والله مبروك يا عريس
مهيب :جواد هسه اجي اطيح حظك يا عريس
تعرف بس علمود اذل ابوها رافد
الحيوان و يكون عندي نقطة ضعفه
بين ما ألكه دليل وبعدين اطلكه
جواد:ديله عاد تورطت اباركلك
مهيب:ديله هسه شسويت عل شغله الي كلفتك بيه لكيت زلم ثقه
جواد :اي افا عليك كلهم جاهزين بس ينتضرون كلمه منك
مهيب:عفيه عليك
جواد:يله اروح اكمل الشغل الي كومته على راسي
مهيب:تسلم . ما ثق غير بيك ما يحتاج اوصيك
جواد:تدلل ابو الاشهب
مهيب:تسلم يالغالي.
ميلار :ثاني يوم كعدت لكيت خالة مهيب يمنه سلمت عليهه
وجانت جايبه الذهب وفلوس النيشان وكالت العرس نهايه الشهر ماكلت شي
كمت ضيفته وشويه وراحت
ثاني يوم رحنه للسوك وبقينه اربع ايام كله نحضر
خلصنا ملابس و العطورات وهل سوالف
اجه دور البدلات حرفيا قضيت هل ايام اروح للسوك ارجع ميته تعب انام وثاني يوم كذالك
متت تعب اختارينه البدلات
وبقه يومين للعرس.
احيانا يخابرني مهيب يسألني عل تحضيرات وشويه نحجي ويسده الصراحه مستغربه منه بس كلت اكيد هسه هم دا يجهز للعرس
ومخبوص صار يوم الحنه
رحنه للصالون وأخذت رونق وياي
وصلنه مهيمن متت ضحك علي بس يباوعله بالجامه واني اكله مهيمن وين صافن
، انتبه عل طريق، راح تدعمه يمعود
ماخليته ياخذ راحته وصلنه للصالون
اختاريت تسريحه بسيطه
وبدله جانت حمره ومنفوشه
تجنن وهم رونق وياي نصبت نفسه
وبدلته لون ازرق تموت عليه
خلصنه و خابرت مهيمن
اجه ياخذنه اني كعدت ليوره
لان البدله جبيره
وكلت لرونق تكعد ليكدام اول شي ماقبلت بس كتله الخاطري مااكدر اكعد ليكدام وبدلتي هيج
عاد وافقت مهيمن طاير من الفرح
عبالك هو العريس
وشغلنه اغاني والطريق كله يغنيله
واني اضحك عليهم
(نرجع بالأحداث شويه بهذا الشهر الي احضر بي للعرس
ماما حجت ويا خاله رجاء حتى نخطب رونق
وافقو بس اجلو ألموضوع بعد زواجي)
وصلنه البيت وهوسه وهلاهل ولكيت اقارب مهيب
كلهم موجودين سلمت عليهن كعدت عل كوشه ناديت ماما
ميلار:ماما شنو مهيب مايجي
ماما:لا يمه مسوين حنه شباب شلون يجي
ميلار:كلش ضجت بس كتله ماشي
البنات كومني اركص وخللي حنه والأجواء احلى ما يكون خلصنه الحنه واني ما بيه اشيل روحي من التعب
بس حزت بنفسي انو مااجه بس كلت اكيد ما كدر. صارت ساعه ١٢بدلت ونزلت يم خالات باتو يمنه
وتعشينه والكل راحو نامو رحت حاولت انام
بس ما كدرت
نزلت الساعه ب٢ جنت عطشانه
شفت ماما كاعده رحت عليها
_ هاا يوم شو بعدج ما نايمه
ماما :ها ميلار كاعده تعاي يمه
_كعدت يمها وهي كامت تمسح على راسي
_كبرتي يا بنيتي وصرتِ عروس
من جنتي صغيره واتخيل هذا اليوم
وشلون ازفج بيدي الشريك حياتج
اتمنى يكون مهيب كَد المسؤليه
وان شاءالله هو خوش ولد ويسعدج
بنيتي اريدج تديرين بالج على نفسج
واذا فد يوم تعاركتو او صار بينكم شي
حلو بالتفاهم وكلشي بهل حياه عباره
عن اخذ وعطاء اذا خطأتي فد يوم
مابيها شي تعتذرين و اذا خطأ بحقج
بس كوليلنا ما نعوفج ابد مهما تكونين بعيده
اي شي يصير وياج كليلي باعتبار صديقتج
مو امج وان شاءالله ايامج الجايه كلها
سعاده
ميلار:امين يارب لاتاكلين همي حبيبتي
ان شاءالله راح اعرف اتصرف
وهسه لازم تنامين باجر ورانه يوم طويل
ماشي بنيتي هم انتي نامي لاتضلين كاعده
ماشي يوم ان شاءالله
شربت مي وصعدت الغرفتي
اكو ضيق مو طبيعي عندي صليت ودعيت انو الجاي يكون حلو و يكون مهيب انسان زين مثل ما متوقعي
نمت تقربا ب٤
مهيب:بيوم الحنه بقيت كاعد وحدي وأصدقائي رادو يسوولي حنه ماقبلت ابد بس باركولي بالموبايل
اذكرت اهلي وشلون جنه عايشين حياتنه تخبل لحد ما بيون تغير كلشي وتحولت حياتي لجحيم و زاد
حقدي عليهم بهذا اليوم المفروض عائلتي وياي بس بسيطه اله اذوقكم من الكاس الي شربتوني منه.
BINABASA MO ANG
انتقام المهيب ( مكتمله)
Mystery / Thrillerمشهد دخلني مهيب السياره وركب هو وساق بسرعه جنونيه بعدنا عن البيت كلش هواي وهو مستمر بالسرعه مالته كل شويه تجي سياره واكول راح نندعم مشهد راح للمطبخ واني افتر بالبيت فجأه سمعته يكول مهيب:ها جواد خلي أرجالك ينتشرون يراقبولي بيت أحمد(ابو ميلار) . وك...
