بارت ٧
جرني للبيت دفعني جوه وقفل الباب
سحب احزامه واجه باتجاهي واني ابتعد
ميلار:مهيب و وووالله بعد مااعيده امانه لا تسوي
شي
مهيب:وثقت بيج مره وكسرتيني ضيعتي كل تعب
سنيني محد يخلصج من ايدي اليوم
ضربني بالحزام على خاصرتي صرخت بكل صوتي
ورجع ضربني على أيدي وعلى ظهري
وانوب تجي الضربه على رجلي واستمر بالضرب
واني اصرخ لحد ماحسيت جسمي خدر من الضرب
وتعبت من الصياح وصوتي بعد ما يطلع
وفقدت الوعي
مهيب:ضليت اضرب بيهه واني مااحس بنفسي
ضلت تتوسل بيه بس اني فقدت طلعت كل عصبيتي
بيهه لحد ما بعد مااسمع صوتهه صحيت على نفسي
ولكيته كلهه دم بس النار الي بكلبي ماخلتني
استخطيهه
طلعت من الغرفه رحت فوك السطح نار
مشتعله بداخلي ردت انتحر واخلص من عذابي رفعت
راسي للسماء يارب مكتوبلي اموت كل يوم
مكتوبلي اكون الخسران دائما
يارب مااتحمل بعد. اني الخسران بنهايه كل حرب
لييييييششش ليشش ياررررب
كل مااكول خلصت و راح ارتاح ارجع النقطه الصفر
ليششششش
بقيت كاعد و حاس نفسي ضايع
ما الي احد بهاي الدنيا لعد لشنو عايش
نزلت جوه وشفت حالة ميلار والحزام الي صاير كله دم
اخذت الحزام ورحت للغرفه ضليت اضرب بنفسي
حتى ارتاح من تأنيب الضمير لحد ماانكطع الحزام
بيدي جانت الساعه ب٣
ذبيت الحزام وخابرت على شخص اعرفه
_ابراهيم شلونك
_هله بيك خوما اكو شي مخابرني بهل وقت
_اريد تجيبلي دكتوره ضروري للبيت هسه
_ليش
_مرتي مريضه ياريت تستعجل
_ماشي انت ابيتك مو
_ايي
_نص ساعه واني يمك
بدلت القميص وانتضرتهم لحد تقريبا نص ساعه
واجو دخلت الدكتوره للغرفه وبقينه كاعدين اني
وإبراهيم بالاستقبال
تقريبا بعد ساعه ونص اجت الدكتوره
_شصاير وياها ليش هيج حالته تعرف لو تشتكي عليك
تنذب سجن عل أقل ١٠ سنوات لك البنيه شعره وتموت
الدم يجري من كل جزء بجسمه
_هسه شلون حالته
_يرادله عنايه حيل والأفضل تجيبه للمستشفى
حتى تكون تحت مراقبتنه
_الله كريم
_لو مهما يكون صاير بينكم ما يصير تسوي هيج وتمد ايدك على مره صدكني اذا صار وتكرر هل شي اني اشتكي عليك
_ما راح يتكرر هل شي
_ كتبتلك مسكنات ومرهم تدهنه عل جرح
_تمام شكرا
ابراهيم:دير بالك عل ابنيه
مهيب:ان شاءالله
راحو و رحت على غرفه ميلار ولكيته نايمه وكله شاش
رحت لغرفتي وبقيت اتكلب ماكدرت انام
ميلار:فتحت عيوني وجسمي كله يأذيني
وباوعت على جسمي كله مضمد واذكرت الي صار البارحه وشلون يضربني بدون رحمه
كمت حتى اروح للحمام وجسمي مااحس بي
كوه مشيت فتحت الباب ماكو احد رحت للحمام
غسلت و طلعت امشي ولازمه الحايط وصار بوجهي
مهيب ماحجيت شي رجعت الغرفه شويه واجه
جايب ريوكك
_تريكي حتى تاخذين علاج
_شيله مااريد
_جري عدل ولااتعبيني
_ليش حتى تكمل علي خاف ما متت البارحه
حتى تموتني اليوم
_اففف استغفرالله كعد مقابيلي و سوالي لفه
بعدت وجهي كتلك مااريد
_بس هاي يله اكلته ها ارتاحيت
سوالي وحده ثانيه هايهي مااريد
_بس هاي والله اكلته وانطاني علاج راح وبقيت اني
بالغرفه نار مشتعله بجسمي وحسيت نفسي
مصخنه
_الله ياخذك مهيب كله من. وراك
_بقيت افكر معقوله بابا اله ايد بقتل اهل مهيب
ليش انرعب لهل درجه من كتله واذا صح اله دخل شراح اسوي معقوله يطلع مجرم و مهيب على حق و شنو السبب ورا كل هل شي كطع تفكيري من دخل مهيب
وشايل بيده عصارات كلي
_ادهني ذولي على جروحج وطلع
_اخذتهم وبديت ادهن بس الألم مو طبيعي ماكملت
وعفتهن شويه ورجع دخل انوب
هاا كملتي دهنهم
_مالك دخل
_الواضح لا
_انت شلك دخل. وكعد
_انطيني رجلج
_كتلك وخر مااريد
_وتالي وياج لا تخليني استخدم طريقه ثانيه وياج
_سحب رجلي وبده يدهن بيهه وكامت توجعني ودفرته من الجربايه ووكع وكام يصيح وثول والله ثول وعمه شبيج جيبي رجلج خلي أكمله علمود اولي
وكل شويه اسحبه وهو يرجع يسحبه لحد ماكمل دهنهن
كلي ادهني ضهرج منه
_ماشي
_مو تغلسين يله هسه كومي
_ماشي اطلع هسه ادهنه
طلع ورحت دهنت ظهري ورجعت نمت من التعب
كعدت العصر ولكيت مخليلي غدا عل ميز
اكلت شويه ورجعته كمت فتحت الشباك هوى يرد
الروح واكو شط والمنطقه زراعيه كله خضار وماكو سياج
كلش حبيته بقيت ساعه بس اتأمل المكان شفت
طيور تفتر كلش حبيت اكعد برا
فتحت الباب وشفت مهيب بالصاله منطيني ظهره
عفته وطلعت برا افتريت ورحت يم الشط والمنطقه
مفتوحه وقليل اكو ناس بس المكان يرد الروح
كعدت على مسطبه وبقيت اتأمل المكان
والهوى البارد يضرب بوجهي كلش حبيت
لحد ما الدنيا صارت غروب فتت
اول ما فتحت الباب اجه مهيب معصب وييين جنتي
_برااا
_وليش ماكلتيلي
_يعني حتى بهاي لازم تدري
_اييي ممنوع تطلعين بدون ما تكوليلي يله فوتي
مهيب:جنت كاعد بالصاله لحد المغرب فتت على غرفة ميلار حتى اشوفه ما لكيته تخبلت حسبالي انهزمت
طلعت من الباب و اجت.
مر تقريبا اسبوع واني تحسنت حالتي و بعد مااحتاج علاج و كعدت صليت الفجر وجنت شبعانه نوم لان
قضيت هذا الأسبوع بس نايمه و اريد شي اسوي جانت الساعه بالخمسه كمت فتحت الشبابيك و غسلت البيت
وعطرته و نضفت المطبخ وسويت جاي البيت مع العلم زغير بس كلش مرتب والجو جان كلش حلو فكلت اطلع
برا ردت اطلع بس كلت هسه هم يسويلي مشكله
باوعت الساعه ب٧ جان باب الغرفه مالته مفتوح
ردت افوت بس هسه هم يرزلني فتحت الباب
شويه وباوعت علي نايم انتبهت على ظهره
اكو جروح فتحت الباب اكثر ودخلت
باوعت الجروح صاير لونهن اسود يخوفن ملتهبات
ناديته من بعيد بس ما سمعني عبالك
داخل غيبوبه لكيت دفتر عل ميز شكله مميز
ردت افتحه بس شفت مهيب تحرك بسرعه رجعته
لمكانه رجعت ناديته كتله راح اطلع برا
اندار علي كالي بكيفج بس لا تبعدين
_ماشي
اخذت صينيه بيهه ريوك و جاي ورحت كعدت يم الشط
جان اكو مكان قريب عل شط والمي بي عالي
مديت رجلي بالمي بارد يجنن بقيت احرك برجلي
بالمي ومبتسمه وأكل شويه
شويه واجه مهيب شفته اجه و يمط بأيدي
شكله ضحكني بقه كاعد بعيد بس يباوعلي
ويسكي بالزرع شكد مااكره و كل الي سوا
بيه بس ادري بي انضلم هواي بحياته دا
اتخيل نفسي بمكانه شنو ممكن اسوي بس نفس الوقت
مااريد اهلي يتأذون بسببه مشاعري ملخبطه كلش
وتفكيري احيانا اكون بصفه وأحيانا ضده
شويه واجه كعد بصفي
كلي شلون صرتي
_زينه.
_ا اااسف
_شنو (ما توقعت منه يتأسف)
_اسف على الي سويته بيج ما جان قصدي
_كلامك شراح يغير راح ينسيني مثلا لو راح
يؤخر آثار الحزام من جسمي لو راح يرجعني
لأهلي شنو راح يغير
_صح ما راح يغير شي
بس غيرني
_شلون يعني
_كدرت اعرف خطأي
_ اني من كلت البابا ردت اعرف الحقيقه ماردت أأذيك
_بس أذيتيني حتى لو موقصدج
_شصار؟
_فشلت عمليه صار اخططلها من زمان
_جان راح يتاذه بابا بيهه؟
_لااا بس جان راح يأخذ همام وكرار جزاءهم
_متأكد انو همه الي قتلو اهلك؟
_ابتسم ابتسامه كله حزن اييي
_و بابا؟
_جان وياهم بيوم الجريمه هذا شنو يفسر
ماادري؟
_كل ضالم لازم ياخذ حقه صح بس بابا مو بهل قسوه
حتى يقتل احد صدكني
_سدي الموضوع كافي وكام
_اوكف إلى متى راح نبقى هنا
_يعني شكد
_لحد ما اكمل انتقامي
_احتمال شهر لو سنه لو اكثر
_اكو غير طريقه تعوفني بيهه
_مااعوفج لو تموتين هذا اخر شي تفكرين بي
_هذا اخر كلام
_كافي حجي زايد كومي يله
_تمام انت المسؤل على كلشي راح يصير
مهيب :عفتهه ومشيت مسافه التفتت وراي
مالكيته ركضت ادورلها باوعت على كل الاتجاهات
ماكو رجعت للمكان الي جنه كاعدين بي
اكو فقاعات دا تطلع من المي جيتت للمي ادورلها ماكو
المي جانت غميكه اخذت نفس ورجعت ادورلها
شفت اكو شي جوه بالمي باوعت هي
سحبته وطلعت اخذت نفس بس هي ماتتحرك رجعتلي أحداث موت اهلي ومنضرهم نفس الأحساس ونفس العجز الي حسيت بي من ماتو رجعلي ماادري شنو اسوي بقيت اضغط على صدره
مهيب:ميلار كومي لا تسوين بيه هيج لا تضيفيلي
جرح فوك جروحي كومي ميلار كلبي ملجوم
لا تأذينه لا تموتين روحي مره ثانيه كومييي....
الكاتبه / رفقه الفهد
حبايب لاتنسون التصويت علئ البارت
أنت تقرأ
انتقام المهيب ( مكتمله)
غموض / الإثارةمشهد دخلني مهيب السياره وركب هو وساق بسرعه جنونيه بعدنا عن البيت كلش هواي وهو مستمر بالسرعه مالته كل شويه تجي سياره واكول راح نندعم مشهد راح للمطبخ واني افتر بالبيت فجأه سمعته يكول مهيب:ها جواد خلي أرجالك ينتشرون يراقبولي بيت أحمد(ابو ميلار) . وك...
