انتقام المهيب ( مكتمله)

بارت ٢

بارت ٢
ماما:اعرف مو وقته بس اريد اكلج شي
ميلار:اي ماما احجي
ماما:السالفه صارله سنتين قبل لا تسافرين اكو واحد تقدملج  وهو خوش ولد وحباب وعندا شركات وابوج يعرفه وحالته كلش زينه وينتضرج من سنتين ومن عرف بيج رجعتي رجع مره ثانيه فتح الموضوع
ميلار: شنووو وهو مين يعرفني حتى ينتضرني ماما صدك تحجين تعرفيني بعيده كل البعد عن الارتباط وهل سوالف
ماما:ياأمي انتي كبرتي يعني عمرج ٢٦ سنه هايهي يكفي صار هوايه جاييج ناس ترفضين بدون سبب  لازم تتزوجين ياعيني وهذا الولد ابوج يعرفه وكلش زين وماتلكين احسن منه
ميلار:بس ماما ترا ما مرتاحه الموضوعه شنو عندا شركات وشلون يعرفني   سدي الموضوع
ماما:لا حبيبتي انتي يعني اذا انتضرج مامرتاحه الموضوعه فكري بالموضوع فدوا اروحلج
ميلار :ماشي الله كريم شويه وأجه مهيمن
مهيمن :هاا صبايا ممكن افوت
ميلار :شعجب تستأذن صاير مؤدب
مهيمن :شايفه علي ادب سز انكط ادب
ميلار :هاا واضح واضح غمزتله
ميلار :صدك يوم شنو رأيج برونق
ماما:ما شاءالله عليهه ورده مال الله هادئه وحلوه ونضيفه تخبل
ميلار:شرايج تصير جنتج
ماما :ياريت والله بس خاف مهيمن اباله بنيه منا منا
ميلار لا يوم اطمني هااا مهيمن شو ساكت
مهيمن: مبتسم اني موااافق كلشي ولا اعارض كلام امي
ماما:يمه مهيمن مبين عليك حاب البنيه
مهيمن :اووو يوم من زمان
ماما: احلى شي عند الام من تزوج ولده وتشوفهم فرحانين ان شاءالله بأقرب وقت افتح الموضوع ويا خالتك ونخطبه الك
مهيمن :الله لا يحرمني منج ياتاج راسي. بهاي المناسبه عازمكم عل مطعم
ميلار :يله راح اكوول لبابا ونطلع
مهيمن :اني اروح ابدل
ميلار :رحت كلت لبابا و طلعنه تونسنه  ورجعنا تقريبا ب١٢ رجعت الغرفتي وتذكرت كلام ماما علمود  الولد وضليت افكر  لحد ما نمت..
كعدت الصبح وكلي نشاط ورحت صبحت على اهلي وسويتلهم ريوك وكعدت وياهم و كعدت احجيلهم على دوامي هناك وشلون جانت ايام حلوه  لحد ما سمعنا صوت الجرس يدك وجانو مريتين دخلو للاستقبال وماما راحت كعدت وياهم واني جهزتلهم ضيافه وفتت عليهن جانن حلوات و مبينات مثقفات  وكلش ناعمات ويطلع عمرهن وحده بالاربعين والثانيه بالتلاثين ضيفتهن جان تكول للمره الجبيره:هاي ميلار
ماما :اي هاي
المره الجبيره:ما شاءالله تخبل تعاي بنيتي اكعدي يمي
ميلار :كعدت يمهه وهنا يباوعلي من فوك ليجوه بس صراحه كلش ارتاحيتلهن وسوالفهن كلش حلوه ما ينمل منها وسألني على دوامي وخوما أوجه صعوبه بي و شلون قضيت هاي  السنتين ومن هذا الحجي بس حرفيا جانن يعرفن كلشي عني هذا الشي الصراحه كلش استغربت منه و جان تكول المره الجبيره اني خالت مهيب وكلش عاجبته ميلار ورايده على سنه الله ورسوله
ماما:والله ما نلكه احسن منكم بس بقى نناقش ابوها وعمامها بالموضوع ونردلكم خبر
_ماشي احنه نترخص وياريت ما تطولين بالجواب
ماما: ان شاءالله
ماما وصلتهم للباب وجتي كالتالي هاي بنيتي شكلتي مبين عليهم خوش ناس و دره ما الله
ميلار:والله ماما ماادري تعرفين رأي بهل موضوع بس اذا تشوفونه زين بقت يمكم
ماما:الله يرضه عليج بيتي وينورلج دربج واشوفج اسعد انسانه
ميلار:عمري يوم  رضاج عندي  يسووه الدنيا كلها و ان شاءالله ربي لا يحرمني منج
راحت ماما وتناقشت ويا بابا وعمامي وجانو كلهم يعرفون الولد و جانو كلش فرحانين
واجه بابا علي قبل لا يردون جواب
ميلار بنيتي انتي رأينه تعرفي وبقيتي انتي مقتنعه شنو رأيج
ميلار :بكيفكم بابا انتو اعرف بمصلحتي
بابا :الله يرضه عليج بنيتي
ام مهيمن خابري عل جماعه كوليلهم موافقين
ماما:حاضر ابو مهيمن. ردولهم خبر ورحت لغرفتي ابد ما نمت كلش قلقانه كمت صليت ووكلت أمري لرب العالمين واني واثقه كل شي راح يصير هو خير لان مستحيل ربنا يخلينا بمكان واحنه مو قدر المسؤليه و مهما راح يصير فهو اختيار ربنا الي واني راضيه بكل شي.
بمكان اخر..
خاله مهيب :مهيب يمه شلونك
مهيب:هله والله بخالتي الغاليه بشريني
خاله مهيب:يمه وافقو الجماعه
مهيب:صدك والله واخيرا
خاله مهيب:الله يتمملكم على خير يمه
مهيب :تسلمين خاله.
خاله مهيب:ماشي وليدي دير بالك على نفسك
مهيب :الله وياج خاله. ذبيت الموبايل  و رحت للبلكونه اخذت نفس عميق و اخيرا ست ميلار وكعتي بيدي خطتي واخيرا بدت تتنفذ وعد اله اخليكم تدفعون الثمن غالي اصبرولي.....