انتقام المهيب ( مكتمله)

بارت ٨

"بارت ٨
ضعتُ في هذهِ الدنيا وتهتُ مالي لا اجدُ ملجأً يحتويني
ولا طريقا يستهويني مالي أضعت النور و بتُ أسير
في طريقِ لا ضوء فيه
هل سأبقى هكذا؟
اما من سبيل كي أعود؟
اما من رفيقٍ يواسيني؟
مهيب:ابقيت اكعد بيهه واحاول اصحيهه لحد ما بدأت
تكح كعدته وبدأ يطلع مي من حلكه و كامت تتنفس
اهنا حسيت نفسي ارتاحيت تقريبا بقت هيج عشر
دقايق لحد مااستقرت و هنا اني نار تغلي بداخلي
مهيب :(بعصبيه) ليش سويتي هيج فهمييني هسه شستفاديتي احجييي اهنا شكو (يأشر على راسه)
المفروض اكو عقل تفكرين بي بدل الغباء الي سويتي
_يااخي تعبت منك كافي كافييييي يعني حتى إذا الواحد
يريد يموت ما تخلي عوفنيييي
_يعني اذا متِ حسبالج تخلصين ولج والله ثم
والله احركج واخلي اهلج يلحكوج واحد وره واحد
ألم شملكم يم ابو لهب وقسم بالله اذا عدتي هذا
التصرف ما تلومين اله نفسج كومي بسرعه للغرفه وبعد اذا تطلعين رجليج اكسرهن
_والله ماابقه يمك اول فرصه تصيريلي انهزم
واخلص منك اني جنت غبيه من بقيت كل هل فترا
_انتي مره وسويهه وشوفي شنو يصير
_جرني وفوتني للغرفه وقفل الباب
مهيب:شبيه ليش هل كد انفعلت اني اريد أقتله
اني جاي حته انتقم ليش من صارت صدك
اني الي تأذيت ليش انهاريت من حسيته
راح تمووت لازم ارجع للواقع لازم مااخلي لي مشاعر
شفقه تسيطر علي
ميلار:ادري اذية النفس اكبر غلط وحرام ميصير
بس للحظه حسيت هذا الشي الوحيد الي راح
يخلصني من عذابي بس لو صاير هل شي وصدك
متت ماراح اكسب شي لا دنيا ولا آخره
كمت خليت سجادتي وبديت اصلي
وادعي ربي يغفرلي ويسامحني جنت دائما احاول اكون
ملتزمه دينيا واي شي حرام ابعد عنه بس من تزوجت
مهيب صرت احيانا افكر اقتله او اقتل نفسي
استغفرت ربي على تفكيري وهذا كله امتحان من ربي
واني لازم اكون قويه و اتحمل كلشي
من بعد الي صار بقيت لا احجي ويا ولا هو يحجي
ويايه يخليلي الاكل ويروح جان يبقيلي الباب مفتوح
بس يقفل البوب الخارجيه وابقه لو انضف لو اكعد بغرفتي اباوع من الشباك فد يوم كعدت جان ماموجود وقافل البوب ورا بقيت انضف بالبيت ورحت على غرفته
شفته يرادله تنضيف وعندي فضول افتر بيهه احس اكو غموض بكل تفصيله  بقيت اتأملها واكو صور قديمه
وحده من الصور اب وام وطفلين ولد بعمر ١٠ سنين تقريبا وبنت بعمر خمس سنوات عرف انو هذا
مهيب وعائلته الصوره جانت مليانه حب وسعاده
ومهيب شايل اخته ويضحكون والأب وأم حاضنينهم
بقيت افتر بالغرفه وكعت عيني على الدفتر الي آخر مره فتت الغرفه ماكدرت اشوفه اخذت الدفتر واول ورقه
جان مكتوب بيه
انا متعبٌ يا أمي لا استطيعُ النوم بعد غيابك
لا استطيع ان اكمل حياتي هكذا
كنتُ كلما اتعب آتي إليك وتحتضنيني
لماذا تركتيني الان؟
لماذا لا تزورينني؟
تعالي وضميني وقولي لي أن كل شي سيكون بخير
لازلت اراك كلما اغمضت عيني
كيف حال إبي ودر هل هما بخير
اشتقت لكم كثيرا
اريد ان آتي إليكم و اضمكم بين ذراعي ولا افارقكم ابدا
لم يعد معي اي شخصِ بعدكم لقد عشت وحيدا
لكنكم كنتم في قلبي في كل وقت
ميلار:بعد الي قريته عيوني دمعت وبدت دموعي تنزل
قلبت الورقه وجان مكتوب
اليوم عرفت مكان قاتلكم
ساعود لانتقم لكم عن كل ماحدث بنا
سانتقم من كل شخص فرق شملنا
بقيت اكلب بالاوراق لحد ما وصلت الورقه
مكتوب بيهه من فوك اسم بس مشخبط علي
وليجوه مكتوب
سامحيني يا صغيرتي
اعرف انه ليس لكي ذنب
لا اريد ان اؤذيكِ
أريدك أن تبقي معي فقط
لكي لا يؤذيكِ احد
دا اقرا و عيوني مغوشه من الدموع مااحس بس انسحب
الدفتر من ايدي وباوعت مهيب  عيونه حمر وعروكه ناطه و الدم محتقن بوجه شكله حيل يخوف
لزمني من ركبتي ولزكني بالحايط و يحجي وهو كاز على سنونه شنو كايلج الف مره مو كتلج اغراضي ما تطخيهم
شنو ما تفهمين انتي غبيه يحجي ويزيد الضغط على ركبتي
ميلار:اختنكت بعد مااكدر اتنفس بس احاول ابعد ايده عني احاول احجي مااكدر كتله بصوت متقطع
. مه مهيبب راح اموت
ابتعد عني بسرعه واني وكعت بالكاع وبقيت اخذ نفس بصوت مسموع هو بقه واكف ويباوعلي
مهيب :فتت للغرفه وشفت ميلار دا تقرأ بدفتري
وهو الشي الي مااشاركه ويا اي احد و محد يلمسه
غيري اعتبره الشي الوحيد الي أكدر احجي بي
كلشي بداخلي واحجي ويا اهلي واعاتب من خلاله
عقل ماضل براسي من شفته بأيده ماادري بنفسي
شسويت لحد ماكالتلي راح امووت حسيت على نفسي
و ابتعدت اخذت الدفتر وطلعت برا البيت
ميلار:رحت الغرفتي واني مفزوعه من الي صار
وباوعت بالمرايه أثر اصابعه بركبتي
و بعد نفسي مو مستقر انكلب وحش مو انسان.
للحضه حسيت نفسي راح اموت بين ايده الجلب
بقيت اتكلب و ماكدرت انام  و خايفه لا يجي انوب
ويسوي بيه شي.
بقيت احجي ويا نفسي اني غبيه ليش دخلت الغرفته من الأساس استاهل كل هل شي هسه شستفاديت
بس والله طلع الوحش عندا مشاعر ويكتب وكذا
بس منو يقصد ب صغيرتي معقوله اني
لا لاا خبال ميلار انوب تخيلي يريد يموتني و يكتبلي
بس منوو معقوله عندا حبيبه
هاي شبيهه كمت اضرب بوجهي ميلار اصحي
شدا يصير بيه والله خبلني
كافي ضليت اتكلب لحد ما نمت....
يومين و مهيب ما رجع للبيت يعني وين معقوله يروح
وبقيت الوب اذا صار بي شي وين اروح بنفسي
شسوي ابقه بالبيت واموت ومحد يدري بيه
لا يربي و محد يعرف اني منو ويدفنوني
هنا لا يرب ادري مهيب تيس ووحش بس
احسن مااموت وحدي يربي رجعه كلشي مابي
ارجع لأهلي وبعدها سوي بي الي تريده
ثاني يوم سمعت واحد يفتح بالباب مالت الصاله واكو
صوت بالبيت تخيلت هسه يطلع واحد جاي يكتلني
طفرت وره الباب و جان اكو صينيه يمي لزمته وبقيت
واكفه ارجف شويه وانفتح باب الغرفه على كيفه
وواحد مد راسه وضربته كل قوتي بالصينيه.......

الكاتبه / رفقه الفهد

ياحلوين لاتنسون التصويت على البارت