بارت ٣
اجه وقت تتعرفون عل بطل
مهيب :عمري ٣٠سنه وطولي ١٨٥ اسمر
وعيوني سود عندي شركات
واغلب حياتي قضيته خارج العراق
ابوي وامي متوفين وبعدين تعرفون السبب وجنت عايش ويه خالتي فترا
بعدها كملت حياتي وحدي
وكونت نفسي وبقيت عايش وحدي
اكو أمور صارت بالماضي خلتني
احقد على عائله ميلار و عمامها
و جانو همه السبب بالي اني بي
تعرفوها بالايام الجايه
نرجع للاحداث
ميلار : كعدت الصبح وبالي كله مشغول
وحاسه نفسي مو مرتاحه ابد بخصوص
الولد مهيب مااعرف شسمه رحت على ماما
جانت بالمطبخ تسوي ريوك انتضرت لحد ما تريكنه و طلع بابا ومهيمن كلمن على شغله
بعدها رحت كعدت يم ماما كتله ماما اريد أسألج كم سؤال
ماما:اي بنيتي كولي
ميلار:بخصوص الي اجه خطبني
ماما:اي شبي مهيب
ميلار:من شوكت بابا يعرفه
ماما:اكثر من سنتين وقوت علاقته بي من اجه خطبج اول مره
ميلار:زين شنو يشتغل ويا بابا هو مو عندا شركات مو محتاج.(طبعا بابا يشتغل بالعقارات)
ماما:لا ابنيتي هو لان يعرف ابوج يساعده بشغله و مخلي جماعه يشرفون عل شغل وينضمو
و يساعدون ابوج وهم ويا عمامج شنو يحتاجون هو يساعدهم بشغلهم
ميلار:يعني تريدين تقنعيني هو زين لهل درجه ويسوي شغل بدون مقابل اتمنى زين مثل ماتكولون
ماما:اسمعيني حبيبتي ادري هسه انتي خايفه ومتردده بهل موضوع بس صدكيني هل شي كلش طبيعي تعرفين اني جنت مثلج ورافضه
فكره الزواج ومن اجه ابوج خطبني
ماردته ورفضته وامي حجت وياي واقتنعت بعدها من ازوجت ابوج حمدت ربي الف مره لان عوضني بي هسه راح تحسين نفسج ضايعه و متشتته بس
صدكيني من تتعرفين على مهيب اكثر راح
تتعودين علي وتحبي وكل هاي الأفكار راح
تروح
ميلار:ان شاءالله احبج ماما
ماما:ديله كومي نضفي البيت راح اسوي الغدا وكافي تفكرين
ميلار:ماشي.
يمكن الولد صح زين واني لحالي افكر بهل طريقه نضفت البيت ورحت الغرفتي وره ساعه سمعت ماما تناديني جان تكلي حضري نفسج بعد يومين مشيتج
ميلار:بقيت صافنه شنووو مشيتي؟ شبسرعه
ماما:والله مهيب يكول عندا سفره بعد شهر فيريد تزوجون قبلها حتى ياخذج ويا
ميلار:صدك تحجين يوم بطلت كوليلا ما تزوج ماكو هيج يوم شنو شهر ونتزوج لازم اكو فترت خطوبه اعرفه ويعرفني وشلون قبلتي انتي
ماما:ميلار تكدرين تتعرفين علي بهل فترا
و وره الزواج تعرفي اكثر اني مااعاديج بس عادي و اذا تزوجتو بسرعه هو يكول يبقى سنه بالخارج و شلون تبقين سنه مخطوبه
ميلار:ماما صدك تحجين يعني هم ارجع مره ثانيه للغربه
ماما:والله يا ابنيتي مو بيدي بس صدكيني اني ادور سعادتج. وابوج كال كلمه انو تزوجون بهل شهر مااكدر اكسر كلمة ابوج
ميلار :الله كريم يوم
نشوف وين تصفه بس مالي دخل بكلشي شتريدون تسوون سوو وعفتها و رجعت الغرفتي بس اريد افهم شدا يصير
اكو شي ورا اني متأكده ماكو هيج بشر
والسفره مالته اله خطبي حتى عرف عندا سفره سبحان الله.
مرن هل يومين وامي مخبوصه بالتجهيزات ولحت علي اله تجيبلي فستان ورحنه للسوك وجان الفستان نازك ولونه ابيض كلش حلوه خلصنه ورجعنه لكينه بنات خوالي موجودات رونق وغسق وميار سلمت عليهن وساعدنا بتجهيزات الحفله وكلهم طايرين من الفرح اله اني اضحك بس هيج مجامله خلصنه تجهيزات وصعدنه اني والبنات بغرفتي و ماما نادتني
ميلار :ها ماما
ماما:ادري بيج متوتره وهذا الشي طبيعي بس اريد اشوف ابتسامتج واتمنى تفرحين من صدك لا تخلين ابالج افكار سلبيه فدوه اروحلج بنيتي الحلوه
ميلار:ابتسمت عمري ماماتي ان شاءالله لا تاكلين همي
ماما:عفيه ابنيتي السبعه هيج اريد الابتسامه ما تفارك وجهج
ميلار:بوست راسه وصعدت يم البنات مشغلات اغاني ويركصن و يهلهلن أجواء تخبل وجرني اركص وياهن وبقينه لل١ ونمنه.
ثاني يوم رحت للصالون و لبست البدله كل الي بالصالون كامن يصلن عل نبي صدك كلش فرحت بشكلي رجعنا للبيت وهلاهل وهوسه وناس كومه يمنه كعدت بالكوشه
وشويه وسمعت صوت سيارات مالت المشيه وفاتن النسوان مااعرف بس خالاته االثنين سلمن علي وكعدو كلهم وره نص ساعه جتي خالته كالت امشي الشيخ اجه اخذتني للهول اول مافتت رفع عينه بعيني وجان اسمراني وشكله حلوه هيبه كعدت بصفه و متوتره كلش
مهيب :اول ماانطو الموافقه كتلهم المشيه بهاي اليومين وفعلا بعد يومين صارت المشيه اخذت اشيوخ وأصدقائي ورحنه كعدنه واجه الشيخ و رحنه للهول وشويه وفاتت بس صدك جانت حلوه كلت بداخلي ياهلا بست ميلار اهلا بيج بجحيمي
سألني الشي على موافقتي وبسرعه جاوبته سأل ميلار بقت ساكته باوعتله وابتسمتله كتله جاوبي
سأله مره ثانيه جاوبت ب نعم بهاي اللحضه حسيت بانتصار عظيم
ميلار:من سألني بقيت ساكته ماادري حسيت اريد أرفض بس من باوعلي مهيب خفت و وافقت
رجعت لمكاني وصارت هلاهل والكل باركلي وفعلا كلش جنت فرحانه مع العلم انو مااعرفه ولا حاجيه ويا بس حسيته خوش انسان
خلصت المشيه والكل راح البيته ورجعت بدلت و تعشيت
ورحت نمت ثاني يوم جان عقد المحكمه
اجه مهيب اخذني اني وماما وبابا
اني وماما كعدنا ليورا وبابا ليكدام وفعلا جان شكله كلش حلو وانيق
رفعت عيني للجامه بدون مااقصد جان دايباوعلي
بسرعه نزلت عيني وصلنه للمحكمه وعقدنه
مهيب:الف مبروك النه عروستي
ميلار: (ابد ماارتاحيت حسيت نضراته غريبه) الله يباركلك
بابا اجه باركلنه وخالة مهيب
عاد مهيب كال خلونه نروح للمطعم نتغدا الكل وافقو
خالة مهيب: خلو العرسان يجون بسياره وأم ميلار ابو ميلار امشو ويانه
اني باوعت الماما كالت اي عادي خليهم يجون سوه بقيت ساكته مااكدر ارفض
مهيب :ها ميلار نروح
ميلار:هاا اا ايي
ركبنه بالسياره و شغل اغنيه تركيه تخبل
و كال ان شاءالله عرسنه بهل شهر ادري هواي مستعجلين بس اريد نسافر اني وياج مااريد انتضر اكثر من هيج خوما عندج مانع
ميلار: لا عادي بكيفك الي تشوفه
مهيب :عفيه بميرو اريدج هيج
ميلار: بقيت ساكته ماادري حسيت عبالك يريد يقتلني بنضراته وصلنه للمطعم ولكيناهم واصلين قبلنه وتغدينه و بقوو يحجون بتجهيزات العرس وهل أمور خلصنه ومهيب رجعنا للبيت وراح
رجع بابا وماما باركولي مره ثانيه ومهيمن هم باركلي
ورحت الغرفتي مامرتاحه ابد ماادري شبيه مخنوكه بس كلت اكيد لان مااعرفه هيج احس وهذا احساس طبيعي .......
الكاتبه / رفقه الفهد
أنت تقرأ
انتقام المهيب ( مكتمله)
Mystery / Thrillerمشهد دخلني مهيب السياره وركب هو وساق بسرعه جنونيه بعدنا عن البيت كلش هواي وهو مستمر بالسرعه مالته كل شويه تجي سياره واكول راح نندعم مشهد راح للمطبخ واني افتر بالبيت فجأه سمعته يكول مهيب:ها جواد خلي أرجالك ينتشرون يراقبولي بيت أحمد(ابو ميلار) . وك...
