انتقام المهيب ( مكتمله)

بارت ١٠

بارت ١٠
هل ياترى؟
لو كنت انسى ماجرى
يحتاج مني كرهكم
قلب قوي ثائرا متمردا
والدنيا ضاكت والنفس باقي
على كد الحسره
فرحان داويت الغصن
ثاري المرض بالشجره
........................................................................
ميلار دخلت للغرفه وهو راح يفتح الباب
سمعته يكله هلا باخوي تفضل اتفضل وراح صوتهم
مهيب:فتحت الباب طلع جواد سلمت علي وتحاضنه
دخلته للبيت
جواد:ابو الاشهب اني موجود هنا علمودك وجبت جماعه
وياي يحرسون البيت وياك للموت
مهيب:ما تقصر يااخوي بس هذا ثاري واني احله لا تخاف
تبقى كاعد اهنا عينك على ميلار بأمانتك
جواد:بعيني لا تخاف عليها
ميلار مر الوقت بطيء واني ماادري شنو الوضع برا
نمت شويه وكعدت على صوت طلق بسرعه فزيت وختلت ورا السرير
مهيب حضرت اسلاحي وكاعد اني وجواد
مااحس اله صوت الطلق كتله جواد ابقه هنا وراح اطلع
طلعت و لكيت همام وكرار وراهم جماعه كلهم رافعين
اسلحتهم
مهيب:هلا والله اخيرا شرفتو
همام:دا ترحب بموتك
مهيب:نشوف منو راح يكتل منو
بس اعتقد الحرب بيني وبينكم مايحتاج
جايبين جماعه تحاميكم هل كد جبناء انتو
كرار:ههه ضحكتني لو جبناء ماجيناك أشر الجماعته ونزلو اسلحتهم
وابتعدو
مهيب: رفعت السلاح بوجهم وهمه كذالك موجهين اسلاحهم بأتجاهي.
مهيب:عندي سؤال ليش كتلتو اهلي
همام:هاا تمام نصفي الحسابات قبل لا نقتلك
نعتبره سؤالك الاخير.
ابوك عرف اشياء عن شغلنه مالازم يعرفه
و ماقبل يسكت عنها حاولنا نرشي ما قبل
وما بقه حل كدامنه غير  نسكته للأبد
بس للاسف امك واختك جانو شاهدات عل جريمه
فقتلناهم حتى ما يتعذبن خطيه باستهزاء
وهسه اجه دورك
ميلار:بقيت شويه ورا السرير صار هدوء
كلش خفت من الوضع بس قررت اسوي شي
ماضل كاعده بمكاني اخذت الموبايل
و فتحت الباب على كيفي شفت غرفت مهيب محد بيها ركضت عل باب وجان اكو واحد واكف
رحت على باب المطبخ فتحته وسمعت صوت مهيب
يكول ليش قتلتو اهلي بس هو ما شافني لان واكفه بصفحه وجان الضو مطفي فظلام ما يشوفوني
بس صوتهم كلش واضح اجاني صوت عمي همام
وهو يعترف انو هو وكرار قتلو اهل مهيب
بقيت واكفه و  مصدومه مامستوعبه شدا يصير.
لحد ماكال وهسه اجه دورك
ركضت وكفت كدام مهيب بدون لا أفكر بأي شي شفتهم وهمه موجهين اسلحتهم باتجاهه
ميلار:شدا تسوون انتو مجرمين قتله مااتوقعتكم بيومتقتلون اي شخص تطلعون قاتلين عائله كامله لازم تتعاقبون
همام:انتي لاتدخلين ابعدي مااريد أأذيج
مهيب:شدا تسوين ولج شجابج ابعدي فوتي جوه
ميلار :ماروح رجلي على رجلك وانتو الي اسمكم عمامي
والله اعاقبكم وماراح اسكت على جريمتكَم
كرار:لج ميلار لا تدخلين بأمور اكبر منج صدكيني تتندمين
ميلار:صدكني هل مره مو بس مهيب الي راح ينتقم منكم اني هم ويا
همام:لعد اعذريني يا بنت اخوي لازم نتخلص منج
رفع اسلاحه واشر الجماعته كلهم رفعو اسلحتهم وجواد
وجماعته اجو وكلهم محاوطينه مهيب سحبني ورا
و ركض بسرعه و هو شايل اسلاحه وجماعته حامينه وبدت معركه بينهم طلق من كل اتجاهات وهو بس يحاول يبعدني عنهم المكان كلش مظلم وبساتين
و يركض بسرعه واني كلش شويه اتعثر
مهيب:لخاطر الكعبه انتي شجابج ليش تدخلين بأوقات غلط اني كايل تجيين
ميلار :اركض و كوه اخذ نفس ردت اساعدك
مهيب:هسه بس امشي بسرعه اريد ارجع الهم
دا نركض و مااحس بس رجع الطلق و واحد كال
همام ذولي اهنا
دا اركض وكعت
مهيب :ولج بسرعه بسرعه كومي راح يجون
رجعت اركض ويا بس نفسي انكطع بعد مابيه حيل
وهو مستمر يركض وساحبني ورا ركضنه مسافه و طلق عشوائي بكل مكان كعدنا جوا شجره جانت كلش جبيره
كلي ابقي اهنا هسه اجي راح شويه واسمع صوت الطلق
ورجع سحبني ورجعنا نركض
مهيب:فهميني وين أوديج منهم يا غضب الله
ميلار:والله تعبت
مهيب:استعجلي بس شويه نبعد وارتاحي
استمرينا نركض وشويه هدء الوضع و اكو مثل سياج قديم كعدنا نرتاح بي
خابر على جواد خوما تأذيت
_لا كلشي ما بيه كتلنا جماعتهم بس همام وكرار
وياهم كم رجال راحو وراك
_اي دا يدورولنا
_وين انتو
دلا عل مكان وكاله استعجل وسد الخط
ميلار:شلون هسه وين نروح
مهيب:مافكرتي بهل شي من جيتي كدامهم وهمه رافعين اسلحتهم شتوقعتي
ميلار:شدراني كلت عمامي ماراح يأذوني شو ذولي رادو يكتلوني من صدك
مهيب:خررب حضي لا  تضحكيني واحنا بهل حاله
ولج غبيه خربتي كلشي
ميلار:مو احسن مما يكتلوك انت شفت جماعتهم شكد
جان هسه انت ميت
مهيب: وانتِ ماراح تفرحين اذا اموت تخلصين مني
ميلار:هاا لا منو راح يعاقبهم اذا انت متت
مهيب:هاا هذا قصدج
ميلار:اييي
بقينه كاعدين شويه و سمعنه واحد يحجي
_سيدي ماكو دورنالهم بكل مكان
_هسه تلكوهم يعني وين يروحون مني
بقيت صافنه على مهيب كتله بصوت ناصي
_راح نموت
_اششش
اخذ موبايله وحجه بصوت ناصي
جواد وينك
_احنه قريبين عليك و كالي وصلنه بفلان مكان
كاله جيتكم وحاولو تستعجلون
جرني من ايدي و مشينه على كيفنه
وبعدنا مسافه شويه واحنه دا نمشي انجكيت
بشي برجلي وصرخت
مهيب بسرعه سد حلكي بس همه انتبهم
_سيدي ذولي هنا
سحبني بكل قوته
_شهل مصيبه ياربي راح تموتينه
همه يركضون ورانا و هو يمشينه بشكل متعرج يروح منا ويجي منا ورجلي كوه امشي عليها متت مهيب عوفني وروح بعد مااكدر
مهيب:وصلنا ما ضل شي بس امشي بسرعه
ورجعو يرمون علينه و اني كل طلقه اكول
راح تجي بيه من بعيد شفت جواد ورجال ويا
شويه ارتحت بس بنفس الوقت عمامي كلش قريبين علينه بدا جواد ورجاله يتقدمون و عمامي ورجالهم
ورانا واحنه صرنه بالنص نركض
مهيب:ميلار وصلنه بس شويه استعجلي
ميلار:ابتسمت ايي 
كمت اركض ويا بسرعه  وما احس بس بهيب وكع
ميلار:مهيب كوم شبيك مهيب كوووم
باوعت رجله كلها دم وهو كاز على سنونه من الالم
وصلنه جواد و رجاله وصارو مثل الساتر النه
باوعت على مهيب
_مهيب تسمعني مهيب كوووم
باوعلي وفقد الوعييي...........

الكاتبه/ رفقه الفهد
حبايب التصويت لاتنسوو