انتقام المهيب ( مكتمله)

بارت ٩

واحد مد راسه وضربته بالصينيه بكل قوتي                               
وقفلت الباب وارجف صفنت على الصينيه شو هايه طامسه ومطعوكه حيل شنو سويت عزه العزاني هسه
اني متهمه بجريمه قتل اني كتلت واحد وينك مهيب
يارب بس خلي يرجع بعد ماادعي عليه وبعدين سمعت صوت الولد يكول انعل ***** بنت ال**** شبيج تخبلتي عليه وصوته يشبه صوت مهيب فتحت الباب شويه وطلعت راسي  وشفت مهيب كاعد بالكاع مخلي ايده على راسه وطالع دم اني هنا فرحت على خفت وهو كام يصيح  ادري انتِ  شنو هذا براسج هنا اكو **** لو شنو شبيج فشكتي راسي باوع عليه وانوب عاط بيه لا والله ماشايف هيج بنيه لا وفوكاه مبتسمه على شنو بويه هايه الابتسامه ضحكيني وياج

ميلار: جنت عبالي واحد حرامي اجه عل البيت وضربته بالصينيه وجنت خايفه لان عبالي مات بس من شفتك فرحت لان ما راح اروح للسجن لان العار مايموت
مهيب: شوف شوف الصلافه ادري لو مو انتِ غبيه اكو واحد يموت بضربه صينيه.

ميلار: اصبر خلي اشوفك ورحت للغرفه اخذت الصينيه وشوفته اله شوف شلون صايره لو واحد غيرك جان كبل مات   بس انت راسك جنه بلوكه لو هم اضربك طلقه ماتموت

مهيب: ياصكعتي والله وتورطت بيج من جبتج عليه
ميلار: والله محد كالك تعال واخذني اشو جنك المطي طرت ورايه اله اخذتني  مازالك متندم رجعني قبل ماتتندم اكثر.

مهيب:صاير لسانج طويل يرادله كص
ميلار : اي والله اويلي شكد مشتهيه كص صارلي  يومين ما ماكله اكله براسه خير شو ضل يباوع عليه وسكت ويفر بأيده ماراضي.

مهيب:شصار بيج بهل يومين كارطه شي شو عفتج كلت
هسه ارجع ما تتحاجين شو فالتتها.

ميلار:مو كلت ماكو احد  يستاهل اضوج علموده
مهيب: اباوع على صلافته ومنا اني راسي يوجعني وجتي نكبتي وضربتني بالصينيه كام يوجعني اكثر وكضتها تحجي فوك راسي وتنك رحت وعفتها دخلت للغرفه وكعدت اعقم بالجرح وندك الباب

ميلار : تندمت لان عفته خطيه واني بدال مااعتذر منه واعالج جرحه كضيته احجي شسوي هسه كمت امشي بالغرفه متوتره اكوم اشوفه خاف يحتاج شي كلت لا لا شنو ميلار كمتي تحنين علي هايه شبيج  كلت خلي اروح واساعده اذا غثني افشك راسه بالزايد
دكيت الباب واجه صوته

مهيب : شتريدين
ميلار : اساعدك تعقم جرحك
مهيب:لا عقمته ولي
ميلار : والله مو صوجك صوجي اني كلت اساعد الثور
مهيب : **** ولي تره هسه اكوملج بنت **** اصلاً انتِ فد وحده **** وجلبه
ميلار : انجب والله مسوي روحه معصب عود.
عفته ورحت للغرفه رحت لفراشي اريد انام بس ما جاني نوم بقيت اذكر بالموقف وميته ضحك ومنا اكول خطيه
شجاني اني كافي ميلار نامي بقيت بس اتكلب انكلبت
عل جها الي بيها الباب والباب مفتوح  وباوعت الصينيه بعده بالكاع ورجعت طكيته ضحكه مااحس اله مهيب
واكف بالباب يباوعلي

_شلون اليوم ما انام
_ها شكو ليش شمسويه
_هاا والي صارله ساعه يضحك الجني مثلا
_لا هايهي راح انام
هاا صدك شلون صار راسك
_بس نامي هو يطيب
_خوش لعد ماراح انام
لاا لا والله اقصد راح انام
_ (ابتسامه خفيفه على وجه) دخل اسمع صوتج مره ثانيه واني اعلمج
طلع وسد الباب ورا وبعدها شويه ونمت.

مهيب :رجعت الغرفتي وموبايلي دك شفت المتصل جواد
مهيب:هلا شلونك ابو الجود
جواد:هلا بضلعي الحمدالله
مهيب:وراك مصيبه ماتخابر هيج وقت الحالك
جواد:همام وكرار عرفو مكانك ويريدون يرجعون ميلار وراح يجون عليك  واني و جماعتي هسه متوجهيلك
مهيب: هله بيهم واخيرا لكيت من ميلار فايده
جواد:يا اخوي اخذ حذر و دير بالك على نفسك و لازم تغير مكانك
مهيب:يا اخوي هي موته موته ومو جبان حتى انهزم
واني غايتي من جيتي لهذا المكان هو انو كتالين اهلي
يموتون بنفس مكان موتهم و لو اني الي اموت
بالمكان الي ماتو بي
جواد :لا تحجي هيج راح تعيش و تأخذ ثارك
مهيب :الله كريم ماشي باي
جواد:باي

كعدت الصبح فتحت عيوني على صوت يخبل
حسبالي دا احلم بس بقيت مركزه لا هذا واقع
مو حلم كمت من السرير وفتحت الباب سمعت
صوت كلش حزين وهادئ
ولكنني لما وجدتك راحلا
بكيت دما حتى بللت به الثرى...
مسحت بأطراف البنان مدامعي
وصار خضابا في اليدين كما ترى
ولما تلاقينا على سفح رامةِ
وجدت بنان العامريه احمرا
باوعت مهيب بالاستقبال يشكل بسلاح ودا يغني
شافني وسكت
ميلار:هذا صوتك
مهيب:شتكولين انتي
ميلار:يخبل اول مره اعرف تغني شارك بذفويس
حتى يفوزوك
مهيب:خبله انتي مو بابا يمكنج نسيتي اني مجرم اني وهل سوالف شنو
ميلار:ديله ماشي بكيفك عساس شلون مجرم
نمله ما كاتل قبل
مهيب:صح فكومي من يمي حتى ما تكونين انتي
الجريمه الأولى
ميلار:صدك شنو هذا السلاح
مهيب:اليوم لو قاتل لو مقتول
ميلار:لا صدك شلك بي
مهيب:والله كتلج لو قاتل لو مقتول اليوم
ميلار:شراح يصير
مهيب:عمامج اليوم جايين يخلصون مهمتهم الي ماكمولها قبل ٢٠ سنه واني اليوم اريد اخذ ثاري منهم يااما اكتلهم
يا اما يكتلوني
ميلار:واني شلون؟
مهيب:لا تخافين اذا متت راح ترجعين الاهلج
واكيد راح يكون هذا اسعد يوم بحياتج
واذا لا تبقين وياي
ميلار:عفته وكمت كلش ضجت
ماادري ليش مع العلم اني اريد اخلص منه
بس اكو غصه بداخلي مااعرف شنو سببها
رجعت علي كتله وشلون اذا اني تأذيت
_تبقين بغرفتج محد يأذيج لا تخافين
بقيت احوص رايحه جايه
مهيب:شبيج ماتكوليلي صرعتيني رايحه جايه
اكعدي بمكان
ميلار:اكلك يعني اذا متت انت اصير اني ارمله شو اني كلت هيج هذا غص من الضحك هاي شبيك دا احجي صدك.
مهيب: وهو ضام الضحكه يعني هسه انتي هذا الهامج يعني مستغرب من شغله وحده انتِ بههذا غبائج شلون صرتي دكتوره
ميلار:مااسمحلك اصلا اني جنت أذكى وحده
بس من جيت هنا انعديت من غبائك
مهيب:لسانج طولان يابنيه
ميلار:ديله عادي عادي اكلك اريد موبايل
مهيب:شسوين بي
ميلار:تكدر تثق بيه مره وحده
مهيب:لااا اخر مره غدرتيني
ميلار:زين وخر السيم كرت وانطينيا
مهيب:غير تفهميني شلج بي
ميلار:ماعليك بس انطينيا
فصخ السيم كارت وانطانيا
دا نحجي ودك الباب كلي دخلي للغرفه دخلت
وهو طلع يفتح الباب........

الكاتبه / رفقه الفهد

حبايب التصويتتتتت لاتنسو