🍷🥂عشيقة العميد 🥂🍷 ( مكتملة )

part1

♛•عــشـيـقــة الــعــمــيــــد•♛

        ✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦

         •أنا راقصة وهو لحن الموت•

🍂<الجزء الأول>🍂

        •رَدَدْت الدِّين َ خَيْرَاا..ودفعت الثَّمَنَ قَهْرَا•

"تضللي دايعة بين البيران والكاباريااات وفلوس الكرا ماعندكش؟!كلّا شهر تبقاي مجرجراني وراااك وكل مرة باش مستعدرا لياا  وهاد المرة ماغانعدركش...هادي اللخرة والله مانزيد معاك الهضرة...شوفي ااختي ملااك ماعندي ماندير ليك وراني صبرت بزااف عليك...خوي ليا داري الله يخللليك اليوم قبل غداا وسيري الله يسهل عليك".

وسسعات عيونها البُنِّية بصدمة وبلعات ريقها بغللة وهي كاتحرك راسها بالرفض يمين شمااال بذهوول والدموع وقفو على جفونها عالنين النزول...جاوباتها بنببرة حزينة حنينة خافثة وهادية  طالعة من حلقها دافية.

"الييووووم؟! شكاتقولي ااختي سُمية؟!...كيفاش غاندير وفين غانمشي؟!  نتي عارفاني ماعندي حد فهاد الدنيااا من غير ربي وْولدي والنية... الله يرحم ليك واليديك صبري عليا غير يومين نجيب ليك فلوووسك كاملييين "

واخا عارفة ظروفهااا مارحماتهاش وضميرها ماأنبهاش ..طرطقات المسكة بين سنانها وبكلام جارح جاوباتهااا.

سُمية: ومالي أنا لي قلتليك خرجي للفساااد وهزززي  كرش الحرااام حتى تبرااو منك  واليديك وجراو عليك؟! كون عزززيتي راسسك وكرمتي كرامتك كاع ماتككرهي فيك القريبب و تششفي فيك البعيد...كون راكي دابا عايشة معززة مكررمة بين أحضان مممك وبباااك وخوتتتك مكاليين الدق عليك...نتي لي جبتيليهم العااار وغطستي ليهم وجههم فالتراب...طيحتي بشانهم وقيمتهم ودرتيهم شوهة ففواه الناس يشدو بيهم الحديث فكل جماعة ....تبعتي التببب حتى جلستي عليه .....حممملك و  سمح فيك وفيه وخلاااك نتي تربيه وتتكفلي بيه...عمرو حتى وراك كمارتو ولا سول فيه....سررك نيت...نتي لي بغيتيه.

كابحة دموعهاا بالكشايف..معافرة ومقاومة وماباغاش قدام ولدها تضعف...هزات عيونها المغرغرين فجنابها الناس عليهم كي الدبان مكْجكْجين ...شي من بابو شي من الشراجم كايطل والباقي برا واقفين.

" اااش وصللنا لهاد الهضرة اااختي؟!".

سُمية(بثوت مجعوق):شوووووووووفي....هادي ثلث شهر  ونتي مجرجراني على فلوسي.......  راه 3000 درهم هاديك مايجمعها الفم ماتجمعها اليد ماشي ساهلة سمعتيني؟......دابا انا مابغيت منك والو بغيتك غير تخوي ليا داري نكريها ل اللي يخللصني فيهااا مانتصادع انا وياه مانوليو براهش..... وديك الساعة لللي مسلككْ ديريه ربي ليك عوين.

نزلات عينيها فالوليد الصغير لي مخبي ورا ملاك متشبث فحوايجها بصبيعاتو الصغاار وكايطل على مولات الدار بعويناتو خايف منها وفازعاه نبرة صوتها العالية المجعوووقة .