♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 107🍂
قصص لييها ضفيرات رجليها وهز كاايغسلهم ليها...نشفهم بالحنانة عليها ونسا راسو يتلمس ليهم بحنية وهو ساهي يفكر فيها.
كايشوف فين وصلها وشحال ضلمها وتعدى وتكرفس عليها....كانت معاه راجل وشمتها كون كان فبلاصتها عمرو ماغايسمح ليها...هاد الرجيلات لي بين يديه عمرها ماغاتقدر تتمشى عليهم بسبابو....كايقول غاتكون كاتمنى الموت على هاد الحال وعدابو.
غايبقا عايش فتأنيب الضمير...وعداب الخاطر وندم القلب والعقل...غايعيش مهلوس كثر منها...حتى هو ماكارهش يشنق على راسو...ولكن باغي يعيش ليها ويبقا كايموت كل نهار وهو قريب ليها.
ناض هزها بين يديه من كرسيها وعلى فراشها حطها بعدما فررش ليها...غططاها بشوية وجاب الموسيقى طلقها ليها ترتاح ودنيها.
سد عليها الباب وخلاها متكية سادة عينيها وكاتخمم فحالها وفماجراليها...عاجززة لدرجة انها ماتقدرش حتى تقتل راسهاا...حتى الموت ماعندهاش ليها طريق حيت مابقاتش قادرة تتحرك ودير شي حاجة فراسها.
ضلمات راسها وضلماتها الدنيا وناسها...هي لي بغات وهادا كان جزائها على اغلاطها...كل غلط عندو عقايبو...والشرف عمرو مكايتباع رخيص ولا حتى كايتساوم...سمحات فأنوثتها وكرامتها وصدقات سامحة فراسها وحياتها....!
داها النعاس والدموع على جفون عينيها كارمين...تخمم وتفكر وعروق قلبها مبوشيين...ماعالم بيها غير ربي ولات وحدانية ماعندها لا حنين لارحيم.
ناضت الفجعة والخوف ملي صبح الصباح فاليوم الثاني على الصداع برا والبيبان مفروعين بالدقان...كان..!
كان فهد كايوجد الفطور ملي تهززو عليه الحيوط بالصوات العالية من براا فازعة الودان...حط اللي فيديه وعيونو بالخلعة خرجو عليه وزرب على خطواتو فاتح الباب
ضرب فوجهو كوكا وهو ضاحك حتى بانو سننيه وعينيه مغرغرين عليه...بدا كايتمتم بكلمات مامفهومينش وفهد كايحاول يفهم عليه...واش كايبكي ولا كايضحك ولا شنو بالضبط واقع ليه؟!.
كوكا: واش فهمتي؟! ملاك ..هزها رعد ههههه التوام...كايبكيو صغاااار....عرفتي قد هكا( كايوريه بيديه)الوجع فالصباح فهمتي وهي كاتبكي ...فالكلينيك ...الولادة والله ههه...( كايبكي ويضحك) هههه جوج صغار بزاف .
فهد عاد بدا كايززكي المزاج وببؤبؤ عينيه لبرا تطرطق كاع مامتيق..خدا غير أهم الكلمات المهمة فالموضوع المهم وطار هز دجاكيطو لاحو عليه وجرر ايمان بالكرسي ديالها مخرجهااا وهي كاتسول خايفة
YOU ARE READING
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
