♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 103•🍂
هبط الريدو....تعاشات العشية والشمس غربات والقمرة سبقات السلام....دخل للدار فيدو صاشي كبيرة شوية ثقيلة.
لقا ملاك كاتتفرج ومصعب كايلعب حدا رجليها...هي هزات راسها فرعد متبسمة ليه بحب .... ومصعب عرررا ليها رجليها وباسهم ليها ونطق مسولها قبل ماتهضر هي مع رعدد وتسلم عليه.
"ماما..واث بثح الزنة تحت اكدامكم؟!".
ملاك( قوسات حواجبها): شناهيا؟!( بدات كاتفكر) ااااه الجنة.....!!
شافت ليه فعويناتو كي كايلمعو وحتى عينيها لمعو ولكن بالدموع...بلعات ريقها بزربة ودوزات لسانها على شنايفها محاربة الدمعة...بدات كاتشوف فجنبها ماباغاش تشوف فيه باش ماتبكيييش....ولكن ماقدراتش تحبسهم بدات كاتبكي ورعد جا عندها جلس جنبها وباس على راسها معنقها لعندو.
ملاك:نوض أجي لعندي...( جا كايجري جلس حداها بحكم انها حاملة)...عرفتي شحال قاسيت عليك؟!.
هز راسو بالإيجاب وحنا عينيه فالأرض بأسى وحزن وكأنه عارف راسو مسكين اش داز عليها بسابو.
ملاك:فاش كاتهضر بعقلك بعد المرات...مكاندمش على كاع لي فات....بالعكس كانحمد الله ونشكرو حيت كاتجازيني ولو غير بكلماتك الزوينين فحالك...ااه اولدي الجنة تحت أقدامنا.
مصعب:كاتهاليا زددة....كاتليا...بوس ليا رزليا....لاه الزنة تحت اكدام الأمهات.
ملاك شافت فرعد ورعد شاف فيها وهوما يتخرشخو بالضحك.
رعد" وانا كانقول منين وارث هاد تاحراميات لي فيا ههههههه"
مصعب قرن حواجبو بطفولية بريئة بين عينيه" وايييييه....دابا هي زددة ماثي ماما؟! علاث بثت ليها رزليها؟! ياك الزنة تحت اكدام الأمهات ماثي الزدات؟!"
رعد: ايوا نوض على سلامتك...هي زمطاتك و طلعات معاك القالب ونتا حليتيهاا واتسحليتي فالجلسة عليه الله غالب.
وجدو راسكم غانخرجو...لبسي ولبسي مصعب معاك بينما ساليت شيخدمة خفيفة فالبيسي اروحي..غانتعشاو على برا...فبلاصة غاتعجبك بزاف.
ملاك تبسمات بلمعة حب فعويناتهم وباقين واقفين على جفونها دميعاتها...عارفاه باغي يخرجها من مود الكآبة والحزن من بعد اللي داز عليها هاد الشهور مع صاحبتها ايمان بغاها تيغر شوية الجو.
ناضت باستو من حنكو وخلاتو كايتأمل فتفاصيل وجهها اللي طيرو عقلو...شفيراتها الطوال الكثاف وعويناتها الشكلاطييين وشعرها الطوييييل ولا كايضرب دابا على تحت ترمتها قرب لفخاضها ...عض على اسفل شفتيه ورد ليها اللي كاتسالو.
جرها لعندو بشوييية من خسرها وكرشها المبندرة بالتوام قدامها حبساتو عليها...ولات حاجز بيناتهم باش يلسق صدرو على صدرها وكرشو على خصرها ووجهو على وجهها ويحط عينيه فعينيها وشنايفو على شنايفها.....مسافة الأمان بيناتهم دعقاتو..نزل عينيه هو وياها لكرشها ونطق بعصبية مصطنعة.
" ااايه بينتي عيبك من دابا الله يرضي عليك...صافي بديتي تبعدها عليا قبل حتى ماتزاد...الى تزاديتي تقدر تجري عليا من الدار كاع الله يكثر خيرك نعام اسيدي هادا هو خيري فيك"
ملاك" شمن خير؟!"
رعد: علاه ماشي انا مسلفو مرتي باش تهزو فكرشها؟!وباش مانآديهش ماكانقيسها مكانقربها؟! وشكون كونو و جابو لهاد الحياة باش يشوف هاد الزين كامل من غيري؟! وأصلا أكبر خير درت فيه هو أني خليتك تكوني نتي هي ماماه ماشي شي خيبوعة وججها بحال ركبتها...شكون بحالو ماماه كاتنافس ميلكا فياماتها.
شوف اا الجيلالي...والله ياجدك حتى نشفعلك غير فشهورك اللولة ملي تزاد ...عول على راسك وماتفكرش تطلب كثر ولا نلوح يماك من الشرجم"
بدات كاتضحك بأعلى نبرة فصوتها الحنين الرقيق وهو ضاحك معاها ومبتع الشوفة لشنيفاتها وسنيناتها...قرب بشوية لعنقها باسها بحنييية مخلي لحمها يتبورش عليها ونطق حدا ودنيها.
"كاتلمعي فحال شي جوهرة فحياتي".
الحشمة تمكنات منها لمرة خرا بنويطاتو الخاترين لي قليل فين كاينطق بيهم...هربات من بين يديه عاضة على شنايفها بخجل وحب كاينسيها فكلشي بحبوو وحنانتو...كل مرة كايخليها تزيد تبغيه كثر من اللول .
لبسات لمصعب بالخف وبدات تلبس هي...جابت سروال مفضفض عريض دالثوب قدام رعد وقاتليه .
" واش نقدر نلبس هادا مع الشوميز تاعو وندير عليهم كاب طويل؟! عجبني عافاك كايجي مزير شوية من الفوق ومفضفض من لتحت".
رعد هز راسو بالإيجاب داير ليها خاطرها حيت هاد الشهور اللخرين كانت غير كاتبكي فيهم...تمشات قدامو كاتلبسو حداه بحكم انها لابسة كولون ديجا من التحت.
تبعها العين دايرة كي البطة مثقلة بديك الكرش وكاتمايل ماكاتقدرش حتى تحنى...قهقه بينو وبسن نفسو حاس براسو باغي ياكلها ولكن مايقدرش كايتغدد خخ...رجع مركز مع خدمتو حتى قالت ملاك وهي كاددابز مع سروالها يطلع ليها....بغات تبكي حيت غلاضت بدات كاتحس بلي خسرات لاطاي تاعها بصح.
ملاك:اووف ....رعد مابغاش يطلع...!!
رعد( مامركزش معاها): ديري ليه فازلين كيما العادة احبيبة.
رعد وّقف حركة يديه كي استوعب باش نطق...ملاك تبلوكات فبلاصتها كاترمش بزربة واللون فوجهها تبدل...شافو فبعضياتهم بزربة مخرجين بؤبؤهم لبرا ..رعد ضيق عينيه وعض على اسفل شفتيه تايلعن لسانو لي ديما مزابِي... شافو فمصعب بسرعة البرق كايبلعو فالريق بخوف.
مصعب:لالا عي كملو ماثمعت مافهمت ....انا اثلا لاني مكاينث هنا حودو لاحتكم.
بنات هنا فين حبسات الكاتبة فاش غادي تحط غادي نحط حتا انا
#بونوي
YOU ARE READING
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
