♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 93•🍂
الدنيا مرونة حدا رجليها والدموع مسرسبين من عينيها....كاتبكي وتشهق وتنخصص بقوةة وقلبها مزير عليها.
كاتاكل بهيستيرية لي لقاتو كاتحشيه ففمها من داكشي لي جابليها فهد قبيلة ...الأعصاب هوما لي موكلينها....كلينيكسات حداها مشتتين الفم عامرر وكاتنخصص وتجر فالنفس وتخنقها الماكلة وتبكي وتمسح فعينيها المنفوخين دارت حالة فراسها وفالدار .
تسمع الدقان فالباب وهي تقفز فبلاصتها ناسية حملها لي خاصها تحاول عليه ضنا منها انه رعد لي جا....وكي جات تفتح الباب سمعات صوت ايمان من برا مخاطباها.
" ملاك...حللي هادي غير انا".
تنهدات ملاك ملي خاب ضنها....وهي تحل الباب ورجعات مخلية ايمان مصدومة فبلاصتها.
" شنو واقع؟!مالكككك؟!"
ملاك جلسات كاتبكي شادة راسها بين ركابيها.
"العميد عرف بالتوام....وراه مخاصمني ومقلق بزاف مني"
ايمان بلعات ريقها بالحرر.
"ناري على مصيبة....ياربي مايكبرش الموضوع ويدير بحساب الوحم وهرموناتك المخربقين ويساعف ويصبر وينسى الموضوع ماشي كلشي خصو يتقلق عليه.....نتي كي بقيتي بعدا...شوفي ماتقلقيش عافاك...انا غانحاول نهضر معاه "
ملاك : لا مكانصحكش...غير خلينا نفكوها بيناتنا حسن...!
ايمان شافت فالأرض وقالت.
" عوض ماتنوضي توجدي ليه شي شهيوة وتديريليه شي ليلة خمرا تراضيه بيها جالسة تبكي وتنخصصي وتاكلي ومرونة الدنيا....قاتليك نحلوها بيناتنا."
هزات برقوقة من فوق الطبلة ويالله حطاتها ففمها حكماتها التقية ملي خارطها تروع عليها...قفزات فبلاصتها كاتجري للطواليطط وقبل ماتوصل طلقات الردة فالطريق....تبوعات رادااا كاع اللي كانت هازاه كرشها والسخفة شاداها...دايخة وماشاداش راسها وملاك وراها خايفة عليها مافهماتش مالها.
شافت فيها ايمان عينيها حمرييين ووجهها مزير مزنككك وعروق يديها برزو والعرق نازل معاها.
."ءءه...م ممماعرفتش مالي....هادلشي على غفلة ...ك....كنت بيخييير".
ملاك دارت فيها شوفة غريبة عامرة شكوك....
كانو فتدريب خاص بالجري حتى كايتسمع صوت سيارات داخلين للقرية....وقفو وتلفتو الجنود كلهم لخلفهم مضيقين عيونهم....
رفد العميد عيونو فسواد سيارة سابقاهم كحلة سحلة زادت كحلات عليه هاد النهار اللي ماطالعش من نهارو.
YOU ARE READING
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
