♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 15>🍂
•شَخْصِيتُه مُشتَقّة مِنْ اسْمه...صِفَاتُه مِنْ نَسَبه•
واش كلاشاها ولا غير جاب ليها الله.... قوسات حواجبها بين عيونهااا كاتدور كلامو فدماغها وهو ينطق لمرة خرا قايل.
"سسممعيني قرارك".
ملاك تنهدات بقلة حيلة وتنفسات بارتجاف قايلة.
" موافقة...ولكن عندي شرط".
ميل راسو مستنيها تنطق بشرطها وهي تكلمات ب.
"فلوسي عطيهم ليا فيدي....حيت صمد كايضيعني"
وشحال خايبة تتساومي فلحمك وشرفك....قالت هاد الجملة وهي كاتشوف فيه بعيون عامرة بالدموع كاتبين قهرتها وقرحتها وجرحهااا....باين فيها عذابها وآلامها وصبرهااا خلاتو بلا مايشعر يهز راسو بواخااا ونطق قايل.
"تقدري تمشي تنعسي ولدك....ممصعب( سميتو نطقها بحب باين فالنبرة دصوتو) وتوجدي راسك ".
هزات راسها بواخا وخرجات بالسكات...لقات ايمان كاتسناها تشرح ليها... باغا تسولها واش خرجات للطريق من بعد ماتاهموها فشرفها ولطخوها بهضرتهم ...كاتفكر كلام صمد وكاتسائل كيفاش لي بتتي معاه البارح؟وطالبها يوميا ب 10دالملاين شكون هادا بالضبط؟ عندها بزاف دالأسئلة وفضولها كايتوالد غير دخلات ملاك وقفات ايمان معرضة ليها فالباب وعينيها كايطرحو الأسئلة قبل ماتنطق بيهم...جات تهضر وقاطعاتها ملاك.
"عافاك خلي هادلشي من بعد ونهضرو فيه ....غانعاود ليك كلشي بالتفاصيل ...قوليليا واش تقدري تدي معاك مصعب اليوم؟!".
ايمان هزات راسها بالإيجاب وقمعات اسئلتها فيها" مكاينش خويا فالدار...نقدر نديه معايا كوني هانية...وغانتسناك تشرحي ليا راسي غاينفاجر بالفضول".
دارت وراها هزات مصعب لي ناعس بين يديها وخرجات مسلمة عليها....ملاك وراها دخلات للطواليط تطططرف حالتها وبقات كاتعقققر ماقادراش حتى تقضب حاجتهااا غاتموت بالوجع.... لقات الدم مزال كاتنزل ليهااا وعوجات ملامحها كاتتسائل كيفاش غاتنعس معاه اليوم؟!....خرجات دارت غير مكياج خفيف ورشات من ريحتها وبقات بنفس حوايجها حيت البرد عليها وفهاد الحالة هو كاع مامزيان ليها.
رجعات لعندو للجناح...كي دخلات لمحاتو فالبالكون مقتاعد فوطوي فيه والطبلة قدامووو والبرد كايلعب ليه بخصلات شعرووو... شاد الكارو فيد وكاس الشراب فيد وقرعة النبيذ فوق الطبلة قدامو.
كي بدات كاتقرب ليه هز فيها عينيه وهز يدو موريها الكاس قايل
" تشربي؟!".
جلسات مقابلة معاه وحركات راسها بالرفض وحناتو حاطة نضرها قدامها.
أنت تقرأ
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
