♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 110 🍂
لمحاتو من بعيد فسيارتو متبسم ساهي فيها وهي تجمع ضحيكتها وسدات على سنيناتها....خلاتو حتى هو يجمع ابتسامتو ويغوبش حيت خزنات عليه سنانها.
خنزرات فيه وهضرات بينها وبين اريج.
"شوفيه كي كايضحك ليا بلا حشمة بلا حيا....باغي غير يبقا يتفلا عليا ماعينوش فالزواج والمسؤوولية"
أريج: ماتضلميهش اصاحبتي رخفي عليه شوية.
سارة"خنزرات فيها حتى هي" كاتقولي هكااا حيت نتي الحاج كوكا طلب منك االزواج بأحسن طريقة فالدنيا ودارليك ليلة ساحرة رومانسية ولبسك الخاتم ياك االبنية؟ وزيد عليها مكايقربش ليك قبل مايكتب عليك اما انا هادا منين ماداز يشلقمني .
ديما داير ليا السخانة ففمي وفصحتي حتى شعلات فيا وقت ليه بغيت نكمل حياتي معاك وفاللخر قمعني وغززا فيا.
اريج ( حبسات الضحكة) : لا صافي نتي عاتهربيه ليا....هزيتي فقلبك دغيا تكايسي اصاحبتي.
داو البرقوق للعيالات لي كايطيبو وخرجووو...دارو من ورا الدار باش مايبقاوش غادين جايين من وسط النسا حتى كايضربو فمرتضى كيف الحيط قدامهم واقف داير يديه فجيابو ومميل راسو ومفرق رجليه بوقفتو المكضضرة الرجولية.
اريج حبسات الضحكة بغات تهرب وتخليهم بوحدهم وسارة شداتها ورجعاتها حداها.
كاتخييز فيه بشوفاتها الزاعفة وهو كايحاول يقرا ملامحهت ويعرف مالها.
مرتضى غانهضر بالعربية كيما تبغي نتيا تفضلي قولي مالك شكاين؟! علاش خويتي بيتك؟! وعلاش مكاتجاوبينيش..وعلاش حرشتي ولادي عليا؟! صافي دغيا قلبتيهم عليا ؟!
شفتك نتي داخلة ليا فحياتي ودمي وعروقي وجدوري وصحابي عيقتي لا؟!
اريج كاتخبي الضحكة وتجيها الحشمة فبلاصة سارة..كاتشوف فيها وتضيق عينيها وتستافز فيها خخ.
سارة ضرباتها لراسها وهي تجمع ضحكتها.
"هانا خليت ليك حياتك وصحابك غاندوز غير سبوع ختي ملاك ونرجع فحالي هناك الله بيهم....دخل ليهم شي وحدة من فاصيلة حرف الباء هي لي تليق ليكك اما انا والله مانصلاح ليككك...بغيتي الصراحة انا بزاف عليك."
مرتضى ( قرن حواجبو بين عيونو):فاصلة حرف الباء؟
سارة"امم...الكلاب والق**ححاب..و وجه العداب.
مرتضى" التحية للقافية هههههه".
سارة" مكانضحكش معاك"
مرتضى شاف فأريج" نتي لي علمتيها هاد النويطة؟!فعايل كوكا هادو ...الماسخ حفضها ليك ونتي حفضتيها ليها...الميرة ديالي انا مكاتخسرش الهضرة هههه".
YOU ARE READING
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
