♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 57>🍂
القرية الوشوشة طغات عليها....حاسسة بناس القرية كايهضرو فيها...حانية راسها ومميكة ولكن مشوشين ودنيها.
دخلات للدار وحطات مصعب من بين يديها ووقفات فبلاصتها كاتراجع أحداث هاد النهااار وهي كاتشوف فالأرض وباين عليها مدممررررة ومضرورة و... مجروحة..!!
خرج من البيت وسد الباب وراه وهي بالخلعة قفزات فبلاصتها....مصعب تبسم حتى بانو سنيناتو ملي شاف السلاح على خصر رعد لي كان قلع حوايجو الفوقانييين وبقا بسروال التريي والسلاح فالصمطة على خصرووو المعضم .
ميل راسو ومال معاه شعرو على عينيه ناطق.
" فين التقضية؟"
ملاك: ماتقضيتش....كنت فالكوميسارية.
هز حاجب وحط الثاني مجاوبها.
" كاضحكي عليا؟"
ملاك( بعصبية):لا اسيدي....انا ماتانضحكش عليك نتا لي كاتضحك عليا....انا اسعادة العميد كنت فالكوميسارية حيت خطيبة سيااادتكك هجمات عليا فالطريق وضرباتني قدام كاع النااااااس .....( عينيها عمرو بالدموع) من غير واليديا عمر شي واحد حط يديه علياااا....جات هاديك خطيبتتتككك ولا ماعرت شنووو بسبابككك نتااااا مدات عويداتهااا علياااا وحرجااااتني وحشماااتني قدام البوليسسس وهي كاتقول عليا سارقة ليها خطيبهاااا لا ورداتني قحح....ببببةةةة مبيتهااا فدارككك كانت كاتهضر بكل ثقة( كاتبكي وتشهق) قدام كلشششي وانا حاسة براسي كي الحشرة قدامها حشمانة نهزووو ومعارفا باش ننطق وماقادراش نهضر وشنو نقول اصلا.
سكتات كاتمسح فدموعها وكاتنخصصص والشهقات من قلبها طالعين قاصحين.
عض على اسفل شفتييه والأعصاب بداو كايطلعو ليه....سخن ليه الدم وبدا كايعض على سنانو ...بلع ريقو وقال
"تلاقيتي مع هنااااء".
ملاك (هزات فيه العين بصدمة):ياااك اسيدي....هنااااااء؟؟؟ كاتعيط ليها بسميتها وانا فمك حافضني غير بالشيخةةة عمري سمعت سميتي من فممككك.
رعد:ملاك...هانتي سمعتيهااا.
ملاك( كاتغوت وكاتبكي): ماتجبددددششش سميتي على فممككك.
رعد:ياك نتي لي قلتي عمرك سمعتيها؟
ملاك:ومابغيتش نسمعهاا.
هز حاجب وحط الثاني ومصعب جا عندو كايبخشش ليه فسروالو جاه كثارين فيه الجيااب ...يالله تحنى رعد يهززو وهي تخطفو ليه ملاك من بين يديه وهزاتو هاربة بيه للبيت.
أنت تقرأ
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
