♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 6>🍂
•نَكَر المَاكِر المعْرِفة وادعَى الجَهْلْ.....يُبْدِعُ فنّ الهُروبُ بالْمهْلْ•
وهي ساهية فشوفات عيونو الغامضة الشبه مضيقة غرابتها ماغريباش عليهاا.....حاسة باللي سبق شي واحد شاف فيها بيها...بللات الحلق وسرطات الريق مجاوباه بسؤال كايعبر على التلفة لي هي فيها.
"شكون كايقولها؟!".
بانت ابتسامة شبه باهثة على شفاههو القرسمية المطراسية بالكاد تُلاحظ للعين المجردة وبنبرة رخيييمة خااافثة تشوك الزغب وتبووورش اللحم نطق متكلم.
"عقلي....وعقل عقلو".
تزعزعات ليه بين يديه وكأنها باغا تفك منوو وتبعد عليه...وجنتيها احمرررت خجلا وعيونهاا تغرغرات كي تفكرات هي فين وعلاش هي هنا وشنو كادير وشنو غادير ...حس بيديها الصغيورين الرطيطبييين من صدروو دفشووه كايبعدووه وزاد زير عليهاا حاط عينيه فعينيهااا وانفاسو الحامية كاتحرق بشرتها الناعمة وريحة الكَاارو ممزوجة بريحة البارفان عطات مزيج معطررر كايتغلغل لجوف الخاااطر .
ملاك تآوهات بألم كي قصصحها بصبعانو لي تغلغلو فخصرها.
"عافااااك خليني نمشي....انا ما.....ماقادراااش نكمل والله (عيونها ساحت دموع جارية على خدودها)...بغيت نمشي عند ولدي..(تنخصصات ليه بين يديه صدرها كايطلع وينزل)...مابغيت والو ..مابغيتش فلوسك ومابغيتش هاد الخدمة بغيت غير نكون حدا ولدي خليني نمشي فحالي.".
رخا منهااا ومابعدش عليها.
"لحد الآن نتي مزالة طليقة حرة ... وحبس دراعي مطالعك برائة وعاطيك العفو "
كاترجف كاتقفقف...كاتترعد وتتنخصص وتشهق وتتنهد.....باغا تخلي كلشي وراها وماقادراش...باش غاتعيش داك الولد الى تراجعات فهاد اللحظة وماكملاتش...واش تخرج هي وياه للزنقة يشتفو عليهم الذياب ويدير فيهم اللي يسوا ولي مايسواش يديه...بقات بالدموع دايزين من عينيها كاتشوف فيه وهي بزااااف قريبة ليه.
نزل عينو عليها وبهمس قال.
"كاتتمنننعععي ونتي راغبة".
سمعاتو وفهماتو وحنات براسها كاتشهق بطفولية..تقطع الضو وبقا غير ضو خفيييييف من الشمعة الصغيرة لي شاعلة فالجنب ....بلقات عينيها فالضلام وهزها الرعب من جديد.
ملاك(بخوف): الض ...الضو تقطع.
جاوبها "الحرام كايحلى فالضلام".
ملاك( كاتقلب على مخرج من كاع الطرق):ف...فيا البرد.
بنفس الهدوءنطق
"غاندفاو بالعافية لي غاتشعل بيناتنا".
هزات فيه العين دغيا ورمقاتو بديك الشوفة اللي مافاهماش وماقاشعاش.
نزل عينو ليدها لي كاتفركها مع ختهاا وقشع الضربة لي على ابهامها كبيرة وباينة لامارة فيها...كلشي فيها كايأكد أنها هي.....ولكن مزال كايحاول يقراها بعينيه ويلقا اجوبة لأسئلتو من عندهاااا.....رجع ...غرس شوفتو الماضية القاسية فشوفتها الخايفة المهلوعة وقال من جديد
"تضربتي بالرصاص من قبل؟!".
ملاك: باش عرفتيها؟!
"سلاح الجندي عينو...الى خانتو الشوفة خان الوطن".
عيونو الغريبة..وشوفاتها الغامضة...الوشامات لي على يديه ونبرة صوتووو الخافثة الهادية المستفزة نوعا ما...الرخيييمة الحرشة القاسية فنفس الوقت والمبحوحة الخاااترة....ماغرييييبش عليها...الأسئلة اللي كايطرحها عليها بين الحين والثاني كاتخليها تزيد تشك باللي كاتعرفو من قبل.
شافت ليه نيشان فعيونو لي كايلمعو بزروقيتهم فالضو الخفيف فالبيت وقالت.
ملاك:ماعرفتش علاش...حاسة باللي كانعرفك من قبل.
"غير حيت عشتي هاد اللحظة مع بزاف دالرجال قبل مني...ولا كلشي كايجيك مشابه حيت الموقف متشابه"
كايتبادلو الشوفات فالضو الخفيف...هو كايسكانيها قاريها وهي هضرتو قضات عليها.
"منين نتااا وشكون تكووون؟!برودتك الغريبة كاترعب وهدوء شخصيتك كايسكت دقات القلب.....هضرتك بالسم مدردرة كاترششكْ فالعروووق كل كلمة كاتطلع من فمممك كاتخللي قلبي محرووق...شكون نتا؟!".
كاتشوفو جامد التعابيير والملامح...مكايتبسمش والى حاول كاتبان ديك الإبتسااامة باااهثة بزز باش كاتقدر تقشع انها ابتسامة استهزائية ولا استفزازية.
عاود قرب ليها وهاد المرة شد ليها فيديهااا...حروشية يدو حنينة من ناحية ماملحوظاش....نطق بنفس النبرة اللي بقوة ماهي هادية ورايئة كاتخلللععع .
✦•مـــلاك هـــانســل ✦•
YOU ARE READING
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
