🍷🥂عشيقة العميد 🥂🍷 ( مكتملة )

part71

♛•عــشـيـقــة الــعــمــيــــد•♛

        ✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦

         •أنا راقصة وهو لحن الموت •

🍂<الجزء 71🍂

وأخيرا جابو ليها...فاش حطو ليها شافت فيه ببرودة وبقات كاتبرد فصبعانها وتدندن.....بقا تايشوف فيها وهي ماكاتشوفش فيه

رعد: هاهو...مرتاحة دابا؟؟؟

ملاك:
"مابقيتش بغيتو....بغيت المليييص".

رعد:واش كاتسطططاي عليا؟!واش عارفة بلي هبطت حتى المدينة وقلبت على خضار واضطريت نهز نمرة مول المحال  ونصوني ليه ونهزو من فراشو باش يجي يحل لياا ونجيب ليككك لي بغيتيه؟؟؟ خلصتو فالخضرة لي بقات عندو كاملة على قبل جوج خريشات دالخرشف فاللخر كاتخسري عليا مابقيتيش بغيتيه؟!راه بديتي كاتزيكزاكي ياهاد المشكووضرة وغاتصصعريني نطلق فيه صعرييي هاه اتقاي شررري.

ملاك ( عينيها دمعو تاني): كاتهددنيييييي؟؟؟؟ لا و كاتسبنييي؟؟؟؟...شنو دنبي الى ولدك مابقاش باغي الخرشف او ولا باغي حاجة خرا.

خبط بداك الصااكك للأرض وخرج جاععررر  تايجبد كارو من جيبو يبرد بيه على اعصابو ...تبعاتو تاللدروج وطلات عليه الضلاااام والدنيا ساقلة...غوتات بصوت عالي كاتبكي عليه

ملاك: وابغيييييت المليييييص.

رعد:راه غانجي نملسووو ليك  بين بزازلككك الى ماخرجتيش بسيفتكك تقاودتي من قدامي...قسما عضما تانقسم لمكك كعوتك على جوج...( هربات من قدامو كاتبكي خايفة منو )..قاتلك المليصصصص...بقا ناقصني غالزواج
رجع لدار فنص الليل....لقاها باقا فالصالون كاتبكي...بلع ريقو وقلبو ضررو عليها بقات فيه حبيبتو....شعل عليها الضو وهي تهز فيه عينيها مدمعين ومنفوخين....نزلات عينيها ليديه لقاتو جابب ليها المليص الحمر....وسعات الشوفة بفرحةةة وبدات كاتنقزز فبلاصتها فرحانةةة وضحيكتها تالودنيها واصلة وسنيناتها كايلمعووو وعويناتها كثررر...حط الميكة على الطبلة وجلس على الكرسي العالي قدامها ودار ليها اشارة بيديه باش تجي عندو.

لبددات فيه عويناتها وجات لعندو بزربة جالسة ليه على حجروو مفرقة رجليها فجنابو ....هز حبات من المليص فيديه وبدا كايوكلها ويمسح ليها فعويناتها وهي كاتبسيم وتنخصْص  فنفس الوقت ...كيوووووت غاتحمقووو...كل شوية كايزيد يتأكد بلي غرق غرقة ماعندهاش ختها.

رعد:بككيتك.... سمحيليا.

حركات راسها بواخا وهي كاتاكل من يديه وكاتشوف ليه فعينيه بدوك العوينات المدمعين.

رعد: هادشي جديد عليا....مزال ماموالفش بيه.

عضات من المليصة بدوك الشنايف وهو تبع الشوفة لحركة شنيفاتها...لاحضات شوفاتو وهي تحبس الحركة ملي حسات بقلبها تعالاو دقاتو والصهد بدا كايدوز بيناتهم.