🍷🥂عشيقة العميد 🥂🍷 ( مكتملة )

part85

وجد الفطور...فطر ولبس التوني ديالو....وجابليها فطورها لبيتها حيت باقا ناعسة..

دخل عليها من الباب متأملها سارح فيها مكمشة فراسها ومخشية فذاتها كي النميلة....تبسم بلطافة وقرب حط ليها حداها البلاطو الصغير لي فيه كاس دالحليب وبيسكويت شوكولا وخبيز وفريميجة وزويتينات...يالله دار يخرج فحالو حتى كاتقلب فبلاصتها كاتحك فعويناتها.

هو وقف فبلاصتو وهي ناضت موكضضة متبسمة ليه فعفوية.

أريج: جبتيلي الفطوووور...علاش مافيقتينيش نفطر معاك.

كوكا( حك على شعروو): واااا.... ( تلف) كنتشي ناعسة كي القملة ماقديتش نفيقك.

أريج: كيف اااش؟

كوكا:هه ماعايرتككشش ..غير ..

أريج بدات كاتضحك.

" ههه القملة....علاش واش حيت كانتكمش فراسي ياك؟ ...هادي عادة تربات فيا بقوة الخوف....كانحمي راسي براسي"

كاتقولها وكاتضحك.

كوكا( جمع ابتسامتو): هادشي مكايضحكش.

أريج حتى هي جمعات ابتسامتها.