على الساعة خمسة كدا صحا ياقوت.
_ياقوت بألم: ايه اللي حصل! هو انا فين!
قام ياقوت من سريره وفتح الباب وخرج.
_ياقوت: ايه المكان دا! العملية ايه حصل ليها؟
فتح ياقوت واحدة من الغرف ولقى محمود نايم.
_ياقوت: ايه اللي جاب محمود هنا؟
مشى ياقوت خطوتين لقى غرفة فتحها لقى عبدالله نايم.
_ياقوت: انا مش فاهم حاجة! وحرام اصحيهم انا هعرف لوحدي!
خرج ياقوت من المقر وبدأ يمشي في اتجاه مقر اكس!
_ياقوت: كإني جيت هنا قبل كدا! اه راسي ومكان الإصابة وجعيني مش قادر حتى اتكلم او افتكر.
_اكس: صحتك اتحسنت يا ريس ياقوت.
لف ياقوت ببطئ يشوف مين بيكلمه!
_ياقوت بألم: سيد غزالة، اممم معناها انت اكس.
_اكس: اه انا عندك مانع!
_ياقوت: لاء خالص، يعني بس نفسي أسألك سؤال تسمحلي؟!
_اكس: طبعاً!
_ياقوت: ليه لابس غزالة يعني؟
_اكس: علشان بحب الغزال.
_ياقوت: الغزال حيوان ضعيف سهل الاسد والنمر يصطادوه خلي بالك.
_اكس: معاك حق بس انا مش ضعيف علشان بحب الغزال او لابس قناع غزالة.
_ياقوت: لكن مهما كانت قوتك اكيد ليك نقطة ضعف يا سيد غزالة.
_اكس: لكل انسان نقطة ضعف مثلاً انت نقطة ضعفك الممرضة اسيا!
_ياقوت بتصنع القوة: والله واضح انك عرفت عني معلومات غلط! انا معنديش نقطة ضعف ولا ليا علاقة بالبنت دي.
_اكس: خلينا صريحين بلاش تصنع او كذب، في النهاية انا مش ممكن أضرها علشان اكسرك احنا معانا سلاحنا مش بندخل الكائنات اللطيفة دي في شغلنا، مش رجولة وبعدين عدونا دلوقتي واحد وهو رشاد وباسم.
_ياقوت: والله! يعني عايز تقنعني انكم مش بدخلوهم في شغلكم!
_اكس: طبعاً اكيد.
_ياقوت بغضب: وجريمة القتل البشعة اللي ارتكبتها في حق ام وابنها هااا ابنها اتيتم ومبقاش ليه حد بسببك.
_اكس: انا ماليش ذنب في الجريمة دي لإنها اتلفقتلي ظلم وانا مقتلتش حد.
_ياقوت: دليلك؟
_اكس: بتحاسبني دلوقتي كإنك ظابط.
_ياقوت: ظابط!!! وهو لو انا ظابط كنت هسيبك حر لحد دلوقتي؟
_اكس: معاك حق! تمم انا عندي حل بما اني مش هقدر اعرفك الحقيقة فممكن نعوض الولد دا، يعني اقدر اعوضه عن اللي حصل بأي حاجة، عارف انها متأخرة لكن انا بنفسي دورت عليه وملقتهوش من وقتها اه وافتكر انه وقتها كان عنده 15 او 16 سنة لو تعرف مكانه انا لازم اقابله.
_ياقوت بغضب: تقابله! انت فاكر ان دا هيرجع ليه امه اللي قتلتها بإيدك القذرة.
_اكس: وبعدين بقى هتغلط دا مش اسلوب رئيس عصابة.
_ياقوت: المقر بتاعك كبير!
_اكس: اها صح بس من جوا صغير.
_ياقوت: ليه بينك وبين رشاد عداوة؟
_اكس: كنا صحاب اووي من واحنا عيال، كبرت وبقيت مهندس وهو كمان بقى مهندس كان لكل منا مجاله، لحد مجه الوقت اللي حبيت فيه ومن هنا بدأت المشكلة لإنه هو كمان حبها بس هى اخترتني انا، اتجوزنا عن حب لكن حصلت مشكلة واجبرت اني اكذب عليها بشأن شغلي هي كانت فكرة اني مهندس بس الحقيقة اني اتحولت لمجرم بسبب رشاد، اتفق رشاد مع عصابة على انهم يقتلوني بس الحقيقة انه جه وقالي ان في عصابة عايزين يقتلوه وانه عايزني معاه وهو رايح بيديهم الفلوس وانا صدقت وروحت معاه وبدأت العصابة تضرب النار علينا احنا الاتنين لحد ما لقيت مسدس مرمي على الأرض اخدته ومنغير تفكير ضربت على الريس بتاعهم، كان البوليس خلاص وصل واتقبض عليا واتسجنت سبع سنين وكنت في السجن بتعامل اسوء معاملة وفي يوم كان الدور عليا اغسل الهدوم بتاعة المسجين دخل عصابة كدا وبدأوا يضربوني واحد منهم علم على وشي بالسكينة لكني اخدت السكينة دي قتلت اللي شوه وشي بيها، ووصل الظابط وزادت التهم عليا يوم بعد يوم، كل يوم خناق مع عصابة شكل لحد ما قبلت داوود وياسر وفاضل هناك وبقم دول رجالتي، وخرجنا بعدين واحد ورا التاني، طبعاً مقدرتش ارجع لمراتي ولا حتى اوريها وشي، كنا بنحب الغزال اوووي، علشان كدا دا سبب لبسي ليه، وبعد ما خرجت اتعهد اني هنتقم من رشاد لإنه اللي بلغ عني يومها وهو اللي كان بيبعت العصابات في السجن تقتلني، وبعد مرور عشر سنين ماتت، منغير ما اشوفها او تعرف الحقيقة.
_ياقوت: الله يرحمها ويغفرلها.
_اكس: لوسمحت لو تعرف مكان الولد الي اتهمت بقتل امه عرفني مكانه!
_ياقوت: ليه؟
_اكس: انا اساساً معرفش شكل والدته ولا حتى اسمها، انا صح عرفت يومها ان هو هيقتل حد بس متوقعتش انها ام وعندها ابن، وروحت للبوليس وعرفتهم دا بس مصدقوش واحتجزوني لكن داوود قدر يهربني، وعلشان كدا اتهموني انا لإن هو حط بصاماتي مكان الجريمة ولبستها انا.
_ياقوت: مين اللي عمل كدا؟
_اكس: مقدش اقولك هو مين.
_ياقوت: انت كدا متهم معاه.
_اكس: هيجي يوم وهتعرف لوحدك لما تسمع منه تفاصيل الجريمة البشعة اللي ارتكبها.
بص ياقوت لاكس وفضل ساكت منطقش.
_اكس: سكت ليه؟
_ياقوت: بحاول اصدقك!
_اكس: حاول اصلاً مفيش غير دا اللي تقدر تعرفه.
_ياقوت: يعني انت واثق فيا!
_اكس: لاء صراحة بس عندي فضول اتعامل معاكم.
_ياقوت: فضول!! اخر حد جابه فضوله لينا كان هيموت!
_اكس: انا مش زي الممرضة يا ياقوت!
_ياقوت: واثق من نفسك اوووي!
_اكس: اه وليه لاء!
_ياقوت: انت وثقت فيا وفي عصابتي بدليل انك حكيت ليا قصة حياتك و ازاي بقيت كدا.
_اكس بإبتسامة اعجاب: ذكي!
_ياقوت: ايه فكرتني مش واخد بالي انك ارتحت للكلام معايا!
_اكس: لا ولماح كمان!
_ياقوت: ليسة هندهشك اكتر اصبر بس.
_اكس: طيب اممم صح عندي مفاجأة بسيطة ليك!
_ياقوت: ايه هيا؟
_اكس: فاضل.
دخل فاضل ومعاه ضيوف لياقوت.
_اكس: اخيراً وصلوا!
بص ياقوت ولقى علاء مربوط واسيا على وشها الحزن.
_ياقوت بغضب: ايه دا بقى يا ابو الأخلاق؟
_اكس بإبتسامة خبيثة: اممم لازم تثبت اخلاصك بردو.
_ياقوت: اممم على الأساس الكائنات اللطيفة مش بدخلها في المواضيع دي!
_اكس: انا راجل عصابات بردو مش شيخ! ها تحب تقتل مين علاء ولا حبيبتك؟
بص ياقوت ليهم بحزن شديد وكان حاسس بضيق.
خرج اكس مسدس وعطاه لياقوت في ايديه وهو بيقول:
_يلا معلش لازم تضحي بردو.
_ياقوت بحزن وألم: سامحوني!
_علاء بحزن: اقتلني انا بلاش هى انا مستعد اساساً.
_اسيا: وليه بقى زعلان يا علاء ما انا كدا كدا كنت هموت على ايد باسم مش مشكلة انا السبب في دا اساساً.
استعد ياقوت وجهز مسدسه ووجه المسدس ناحية اسيا لكن اتحرك علاء بسرعة ووقف قدام اسيا يحميها.
لكن وجه ياقوت المسدس نحيته وهو بيقول:
_مستحيل تدفعوا تمن قراري.
_اكس: لكن كدا انت هتموت؟
_ياقوت بإبتسامة: مش مهم المهم هما ميحصلش ليهم حاجة هما عيلتي الوحيدة اساساً.
_اسيا بغضب: اياك اياك يا ياقوت!
_ياقوت: اسف يا اسيا مش هينفع خلاص.
_علاء بغضب: لو عملت كدا الرائد كمال هيتجوز الأنسة اسيا؟ انت كدا بتسلمها ليه!
بص ياقوت لأسيا لأخر مرة وضغط الزناد ومعاها علت صرخة اسيا.
YOU ARE READING
أحـبـبـتُ خَــاطـفي
Actionملحوظة:*الرواية بتتعدل* تم البدأ فيها 26/7/2023. وانتهت 23/8/2023. انا اسمي اسيا وفي يوم من الايام خرجت من السكن بتاع الكلية وقررت اني اخرج اتمشى شوية وانا بتمشى شوفت حاجة مكنش ينفع أشوفها وعلى الرغم من اني كنت خايفة الا ان فضولي وداني للموت برجلي،...
