_ياقوت: لاء مش دلوقتي نخلص بس من رشاد وبعدين اتفرغ ليه.
_اكس: تمم اللي يريحك.
وصل ياقوت واكس المقر.
_داوود: اكس باسم فاق.
_اكس: تحب تعمل فيه ايه يا ياقوت؟
_زين: سيبهولي يا ياقوت لوسمحت بليز.
_ياقوت: ماشي يا زين باسم ليك.
_زين: خدني ليه يا داوود.
_علاء: الله يرحمك يا باسم وقع في ايد من لا يرحم.
_زين: تحب تيجي معانا يا علاء؟
استخبى علاء ورا ياقوت وهو بيقول:
_لا شكراً مش عايز اتفسح.
_زين: براحتك بس جيلك يوم بردو.
خاف علاء من اللي زين قاله، وبان على وشه الحزن.
_ياقوت: زين دي اخر مرة تكلم علاء فيها كدا تمام! مش هنبهك تاني.
_زين: تمام تمام! نفدت مني يا علاء.
_ياقوت: سيبك منه يا علاء وروح عند اسيا.
_علاء: في حاجة عايز اقولها ليك؟
_ياقوت: تمام عن اذنكم؟
راح ياقوت ومعاه علاء للمقر.
_ياقوت: اتفضل سامع!
_علاء: من كام يوم كدا ظهر لاسيا راجل عند بيتها وقال ليها ان في حد بيراقبها من المحل اللي قدام بيتها.
_ياقوت: اه تمم كمل.
_علاء: الراجل دا من رجالة اكس بس الغريب انه مش موجود معاهم انا فاكر شكله حتى كان عنده علامه مميزة عند عينه.
_ياقوت: امممم ممكن يكون في عملية وهيرجع المهم انت روح لاسيا.
_علاء: تمم.
خرج ياقوت من المقر ومعاه علاء ولكن كانت اسيا بره واقفة بتتكلم مع اكس.
_ياقوت بإستغراب: بتعملي ايه هنا مش فاهم؟
_اسيا: جيت علشان اشوفك!
_ياقوت بغضب: انا مش صغير علشان تيجي تطمني عليا انا عارف بعمل ايه!
_اسيا بحزن: انا....انت ليه محسسني اني ارتكبت ذنب يعني؟
_ياقوت: علاء خد اسيا ورجعها الكلية ومتخرجش منها غير على اهلها.
_اسيا: والله لا بقى شكراً انا هقدر ارجع لوحدي ومش عايزة اشوف وشك تاني يا ياقوت.
_ياقوت: يكون احسن بردو.
اتصدمت اسيا من قسوة كلام ياقوت وخرجت بسرعة تجري.
_اكس: بلاش تكون قاسي عليها يا ياقوت حرام، وبعدين انا اللي جبتها هنا علشان تحسن من نفسيتك مش تدمر نفسيتها.
_ياقوت بوقاحة: انت اللي جبتها هنا! حد طلب منك دا!
_اكس: اتكلم بأدب يا ياقوت وروح لحبيبتك المنطقة خطر اساسا عليها امشي.
زق اكس ياقوت بقوة برا المقر وقفل الباب وراه.
استغرب ياقوت من تصرف اكس واخد بعضه وجرا ورا اسيا.
_اكس: داوود/عابدين/ياسر تعالوا ورايا.
_علاء: انا اروح فين؟
_اكس: انت بقى امممم انت عايز ياقوت يتجوز اسيا؟
_علاء بفرح: هموت واجوزهم.
_اكس: تعالى ورايا.
اول ما وصل اكس عند غرفته.
_اكس: استنى يا علاء هنا في اجتماع خاص ضروري، وبعدين هتدخل.
_علاء: معنديش مشكله اتفضلوا.
بننتقل عند زين اللي اخد باسم وراح بيه مقر المخابرات علشان يسلمه.
_باسم: احنا بنعمل ايه هنا؟
_زين: هتعرف دلوقتي.
واول ما رجل باسم حط رجليه على عتبة المقر خرج زين الكلابشات وحطها في ايده وهو بيقول بغطرسه:
_رحلة سعيدة لحبل المشنقه يا حقير.
طلع زين وفي ايده باسم متكلبش ودخل مكتب كمال.
_كمال: نقيب زين!
_زين بغطرسة: الرائد كمال! استلم.
_كامل: وماله! عزيز محتاج حد يونسه لحبل المشنقه.
_زين: اتوصى بدا مخصوص.
_كمال: مين اللي المفروض يدي الامر للتاني.
_زين: لا بس بأكد عليك، يا رائد كمال.
_كمال: ماشي خلاص، اخرج وعينك على ياقوت.
_زين بغطرسة: انا عيني لياقوت مش عيني على ياقوت.
_كمال بغضب: وماله ارجع لمهمتك.
_زين بغطرسة: اوامري باخدها من ياقوت بس.
_باسم: صلو على النبي يا جماعة.
_زين: اخرس.
خرج زين وساب كمال مع باسم.
قابل زين العقيد رجب.
_زين: يا سيادة العقيد رجب.
_العقيد رجب: اتفضل يا نقيب زين.
_زين: في الحقيقة انا سلمت باسم وهو واحد من العصابة لكمال وقلت انبه حضرتك.
_العقيد رجب: تمام، بتقوم بواجبك على اكمل وجه ودا واضح.
_زين: انا فدا الوطن.
_العقيد رجب: وهو كذلك، اه صح الرائد ياقوت عامل ايه؟ لما تخلص المهمة دي هيترقى ويبقى مقدم.
_زين: وانا بصراحة مستني اللحظة دي.
_العقيد رجب: انت بتحب ياقوت اكتر من كمال ودا واضح يعني في اي مهمة بتحب تكون جنب ياقوت وفي ضهره، يا سيادة الرائد القادم.
_زين: دا شرف ليا اني اكون جنب الرائد ياقوت.
_العقيد رجب: ربنا يوفقكم يا زين.
_زين: شكراً.
-زين في سره: شكراً يا بابا (العقيد رجب) انا هنا بفضلك.
نزل زين وهو في طريقه للخروج من المقر خبطت فيه بنت.
_زين: مش تحاسبي يا غبية.
_تمارا: انا مش غبية وبعدين كنت بدور على حاجة في شنطتي وانت اللي ماشي وخبطت فيا.
_زين بغطرسة: انا سمعت الصوت الغبي دا فين انتِ اخت الغبي كمال؟
_تمارا: متقولش على اخويا غبي انت فاهم.
_زين: غبية.
_تمارا بحزن: انت نفس الشخص اللي كلمني في التلفون صح؟
_زين: اه انا.
_تمارا: انت ليه وحش كدا؟ وليه بتتعامل بوقاحة؟ لا ومش بس كدا بتتعامل كدا مع انسة زيي انت فعلاً متربتش.
_زين بغطرسة وغضب: متربتش طب امشي يا عسل من هنا بدل ما اقولها يدخلوكي الحبس.
_تمارا: الحبس والله متقدرش اخويا ينفخك.
_زين بغطرسة: اخوكي يعمل ايه يا من عين مامتك؟
_تمارا: ينفخك!
_زين: ينفخني امممم تممم.
صول حسن.
_صول حسن: اتفضل يا سيادة النقيب؟
_زين: الحلوة دي بتغلط وبتهددني، نعمل فيها ايه من وجهة نظرك؟
_صول حسن: السجن مفتوح يا نقيب.
_زين: يلا وديها وخلي بالك عليها اصلها انسة.
سحب حسن تمارا من ايديها ورماها في الزنزانة لوحدها.
خرج زين من المقر وبعد حوالي نص ساعه اتصل بكمال.
_كمال: عايز ايه؟
_زين: حبيت اقولك ان اختك وصلت المقر وهددتني وانا علشان اصيل معملتش محضر ولا حاجة بس حبستها انزل للصول حسن وخليه يوريها ليك مسموح بالزيارة من ٥ل٦.
قال زين كدا وقفل السكة في وش كمال.
_كمال: اه يا حقير.
نزل كمال جري 💨💨🏃على السلم وهو بيقول:
_صول حسن، صول حسن.
_حسن: نعم يا سيادة الرائد.
_كمال: فين البنت اللي سجنها زين؟
_حسن: اهي تعالى!
وداه حسن عند تمارا اللي كانت ميته من كتر العياط.
دخل كمال الزنزانة وخرجها.
_تمارا: في واحد حقير وداني هنا.
_كمال: خلاص انا خرجتك اهو.
_تمارا: هو دا نفسه زين اللي كان بيلعب معايا انا وانت وياقوت؟
_كمال: اه يا تمارا هو.
بان الحزن على وش تمارا وتتكسر قلبها.
ركبت تمارا تاكسي وراجعة بيتها و وهي في الطريق اخدتها الذكريات لوقت ما كان ياقوت مقيم معاهم في البيت بعد وفاة مامته وكان زين صاحب ياقوت وكمال، وكانت هى بتحب تلعب معاهم عسكر وحرامية حتى لما كانوا بيمنعوها كانت بتيجي تلعب علشان تكون قريبة من زين لإنها كانت بتحبه خصوصاً لما كان بيدافع عنها في المدرسة بحكم انهم كانوا في مدرسة ابتدائية واحدة، نزلت دموعها غصب عنها.
بننتقل لغرفة اكس.
_اكس: انا شاكك ان ياقوت يبقى ابني!
_داوود: ابنك؟
_اكس: اه بس في حاجة مش قادر اتأكد منها.
_عابدين: ايه هي؟
_اكس ياقوت معاه صورة لأبوه وامه لو اخدت الصورة دي هقدر اعرف واتأكد.
_ياسر: طيب مفيش صور تانية في البيت؟
_اكس: في بس في غرفة ياقوت ومفتاحها مع ياقوت.
_داوود: لازم نجيب المفتاح.
_ياسر: مش مشكلة نكسر الباب وبعدين نجيب حد يصلحه.
_عابدين: نفتح الباب زي ما اتفتح الباب بالمفك.
_اكس: برافو يا عابدين، انا بكرة هعمل كدا، دخلوا علاء.
دخل علاء.
_اكس: عندك خطة؟
_علاء: صراحة لاء! بس اقدر اقنع ياقوت يتجوزها!
_اكس: ازاي؟
_علاء: اسيا في رائد اسمه كمال بيحبها وعايز يقرب منها وبحكم ان ياقوت بيحبها هيغير عليها اول ما نفتح الموضوع دا.
_اكس: اسمه الرائد كمال!
_علاء: اه، المهم ايه رأيك في الفكرة؟
_اكس: تمم حلوة بس انت هتحمي اسيا وانا هنفذ دا.
_علاء: اللي تشوفه.
بنروح عند ياقوت.
_ياقوت: اسيا خلاص انا نفسيتي تعبانة الفترة دي معلش سامحيني.
_اسيا بحزن: ابعد عني مش عايزة تشوفك.
_ياقوت: بس انا مقدرش اشوفك زعلانه مني.
_اسيا: انت طول الوقت بتجرح مشاعري يا ياقوت.
_ياقوت: انا مضغوط يا اسيا، وامي طلعت كذبت عليا سنين واكتشفت ان القاتل اللي بدور عليه سنين طلع حد تاني، بس انهاردة انا شوفت بابا لاول مرة.
_اسيا: شوفت ابوك فين؟
_ياقوت: دي صورهم مشوفتوش على الحقيقة.
_اسيا: هات كدا.
اخدت اسيا الصور وركزت على وش ابو ياقوت.
_اسيا بإستغراب: انا ليه حاسة اني شوفت الراجل دا قبل كدا!
_ياقوت: ازاي انا اول مرة اشوفه انهاردة؟
_اسيا: الراجل دا انا قابلته قريب بس مش فاكرة فين بالظبط.
_ياقوت: حاولي تفتكري!
_اسيا: حاضر هفتكر اصبر!
حاولت اسيا تفتكر بس مقدرتش.
_اسيا: سامحني ياقوت مش عارفة افتكر.
_ياقوت: مش مهم.
_اسيا: ياقوتي عايزة اشوف بيتك ممكن؟
_ياقوت: بعد ياقوتي دي لازم اوديكي.
_اسيا: بحبك❤.
_ياقوت: بموت فيكي❤.
اخد ياقوت اسيا لبيته.
_اسيا: البيت مترب اوووي يا ياقوت!
_ياقوت: اه انا مجتوش بقالي كتير.
_اسيا: دي غرفتك؟
_ياقوت: اها استني هوريكي بقيت الصور.
جاب ياقوت الكرسي وطلع جاب الصندوق ونزل.
_ياقوت: اهو الصور هنا!
اخدت اسيا تتفرج على كل الصور لحد ما وصلت لصورة اب ياقوت كان هو بس اللي في الصورة، كلمت اسيا نفسها وقالت:
_انا حاسة اني شوفتك قبل كد....
وفجأة افتكرت اسيا حاجة وبان على وشها الصدمة وبصت لياقوت بحزن، وسألت بفضول:
_اسيا: ياقوت يعني ايه انطباعك عن اكس؟
_ياقوت: بصراحة حسيته شخص طيب يعني، وبيهتم بيا الفترة دي زي ابنه.
_اسيا بتردد: اه راجل كويس.
_ياقوت: اها.
_اسيا بتردد: تعرف حسيته شبهك في التعامل مع عصابته يعني.
مهتمش ياقوت وبص ليها وهز راسه.
خرج ياقوت يحضر قهوة واسيا فضلت تقلب في الصندوق ولقت الرسالة، فتحت اسيا الرسالة بتردد ولقت مامت ياقوت كاتبة.......
YOU ARE READING
أحـبـبـتُ خَــاطـفي
Actionملحوظة:*الرواية بتتعدل* تم البدأ فيها 26/7/2023. وانتهت 23/8/2023. انا اسمي اسيا وفي يوم من الايام خرجت من السكن بتاع الكلية وقررت اني اخرج اتمشى شوية وانا بتمشى شوفت حاجة مكنش ينفع أشوفها وعلى الرغم من اني كنت خايفة الا ان فضولي وداني للموت برجلي،...
