أحـبـبـتُ خَــاطـفي

Chapter (20)

بننتقل عند زين اللي كان حاسس بالذنب بسبب اللي عمله في تمارا.
_زين بيكلم نفسه: قسيت عليها قوي صح؟ تستاهل علشان تحب واحد معوق وقليل الادب زي احمد تستاهل، متزعلش عليها وبعدين هى هددتك صح خلاص، بس بردو هى حساسة من يوم ما عرفتها بلاش اكسر بخاطرها بسبب اخوها العاق دا، وبعدين عادي يعني هي اول حد تكسر قلبه، بس حرام لاء ميهونش عليا زعلها، فين رقمها ها لقيته.
جرس....
_تمارا: الووو مين؟
من تردد زين قفل السكة في وشها.
_زين: انا مليش في الحب والاعتذار دا وبعدين هي مالها حررت كدا ليه هو تكييف العربية مش شغال، لاء لاء شغال امال ايه الصهد دا🫠، مش مشكلة نرن تاني.
جرس.....
_تمارا: مين معايا؟
لتاني مرة قفل زين في وشها.
_زين: الصهد مش طبيعي في ايه؟ رن تاني.
جرس........
_تمارا: انت يا حيوان رد بدل والله لبلغ عنك مباحث الانترنت والاتصالات واخلي اخويا يقبض عليك!
_زين بغطرسة وغضب: اقسم بالله انا اللي هسجنك انتِ واخوكي.
_تمارا بغضب: المتغطرس!
_زين بغطرسة: ومالك بتقوليها كدا ليه محسساني م*ح*ش ها!
_تمارا بتردد: انا مقولتش كدا؟
_زين بغطرسة: اه طبعاً اصلا متقدريش، انا اساساً مش فاهم ايه الزوق المقرف اللي عندك دا بتحبي واحد سافل وحقير.
_تمارا: قصدك ايه يعني؟
-تمارا من جواها: كويس عارف نفسك!
_زين بغطرسة: اقصد الحيوان اللي بتحبه الدكتور الحقير اللي اسمه احمد دا.
_تمارا بصدمة: انت عرفت منين؟
_زين بغطرسة: انتِ بتكلمي نقيب في المخابرات يا عسل!
_تمارا: والله وانت مالك بقى؟
_زين بغطرسة: طيب لما تعرفي ان الاخ دا طلب يتقدم لاسيا اعز صحابك ورفضته رفض قاطع هيكون دا بردو ردك.
اتصدمت تمارا من اللي قاله زين.
_تمارا: ايه اللي بتقوله دا؟
_زين بغطرسة: على العموم متقلقيش عليه دا مستحيل اسيا تفكر فيه او حتى في اخوكي لإن اسيا بتعشق حد تالت خالص وهى معاه دلوقتي، اه متنسيش تقولي لأخوكي اسيا مش ليك والمتغطرس بيقولك كدا، اه وانا اسف على اللي حصل يا مدللة.
ملحقتش تمارا ترد لإن زين قفل السكة في وشها.
اترددت تمارا لكن اتصلت بيه تاني.
فتح زين الخط.
_تمارا بخجل: عايزة اقولك حاجة؟
_زين: قولي سامعك!
_تمارا بخجل: بحبك.
اتصدم زين من تمارا ولما حاول يرد قفلت تمارا السكة في وشه.
بص زين لنفسه في المرايا واحمرت خدوده من الصدمة، ودق قلبه بسرعة.
_زين: شكلك واقع يا غبي!
بننتقل عند اسيا.
فتحت اسيا الرسالة ولقت مامت ياقوت كاتبه:
_ياقوت كنزي الغالي اللي سابه ليه ياسين، لو بتقرا الرسالة دي يبقى انا مبقتش موجودة خلاص، سامحني يا طفلي لإني كذبت عليك بخصوص اسمي بس مكنتش عايزاك تعرف ان راجل العصابة اكس هو ابوك، مكنت عايزة اكس يوصل لينا، رشاد الحقير كان دايماً بيضايقنا صح معاك في دا، بس اكس لو وصلنا ممكن ياخدك مني، وتبقى مجرم زيه وانا استحالة اقبل بدا يا ياقوت، سامحني، وحاول ترجع ابوك عن الطريق اللي ماشي فيه ارجوك ولو بالقوة، ابوك مظلوم كله بسبب الحقير رشاد.
بحبك يا طفلي.
قرت اسيا الرسالة وبان الحزن والخوف على وشها.
وفجأة سمعت صوت خطوات ياقوت فحدفت بسرعة الورقة في جيبها ودخل ياقوت.
_ياقوت: حياتي القهوة.
_اسيا: تسلملي ايدك يا روحي.
_ياقوت: مقدرتيش تفتكري قابلتي بابا فين او امتى؟
_اسيا بتردد: صراحة لاء طيب ما تقول لاكس ويدورليك عليه يعني.
_ياقوت: صراحة هو عرض دا عليا بس انا رفضت.
_اسيا: ليه؟
_ياقوت: مش عايزه ينشغل في دا ويسيب رشاد، انا لازم اقتل رشاد وانتقم لأمي.
_اسيا: ممكن طيب تسمع مني قول لاكس يدور عليه وهو يدي الامر لداوود ويحله.
_ياقوت: لاء لاء.
_اسيا بيأس: ماشي اللي تشوفه، امم هنرجع امتى؟
_ياقوت: مش عايز ارجع دلوقتي خلينا مع بعض شوية.
_اسيا بتردد: امم اوكيه.
_ياقوت بسعادة: اسيا فكرة اول مرة شوفتك فيها.
_اسيا: ودي حاجة تتنسي.
سحب ياقوت اسيا لحضنه وهو بيقول:
_مكنتش اعرف اني هحبك واتعلق بيكي كدا.
_اسيا: ولا انا كنت اعرف اني هعيش اجمل لحظاتي مع خاطفي.
_ياقوت: اسيا هعرض عليكي دا تاني!!! تتجوزيني؟
_اسيا بتردد: موافقة.
_ياقوت بسعادة: تمام هجيب حد يعني اعرفه واجي اقابل والدك قريب.
_اسيا بسعادة: ماشي بس هتقدم نفسك ليه بصفتك ايه؟
_ياقوت: مبدهاش بقى انتِ لازم تعرفي كل حاجة!
_اسيا: اتفضل سمعاك.
_ياقوت: اسيا اعرفك على نفسي انا الرائد ياقوت رائد في المخابرات وانا في مهمة تخصني وهي اني اقبض على قاتل امي واكس.
اتصدمت اسيا وحست بخوف.
_اسيا بتردد: طيب متقبض على رشاد بس يعني.
_ياقوت بإستغراب: مش فاهم انتِ مهتمة باكس ليه بس انا غيران، وبعدين هو مجرم بردو.
_اسيا بتردد: انا بس يعني اقصد انك مدين ليه هو انقذك من رصاصة رشاد.
_ياقوت: صح معاكي حق واهتم بيا ياما.
_اسيا: وهو بردو زين ظابط ورجالتك.
_ياقوت: مع الاسف زين بس الباقي لاء.
_اسيا: هتقبض عليهم؟
_ياقوت: مقدرش اعمل كدا وغير كدا مفيش جريمة مثبته عليهم هما سجلهم نضيف، فمش داخلين السجن اطمني.
_اسيا: الحمدلله كنت هزعل اوووي لو علاء اتسجن.
_ياقوت بغضب: هو في ايه؟ انا بغير على فكرة.
_اسيا: ياعمري انت مفيش غيرك معاه مفتاح قلبي وروحي.
_ياقوت: اذا كان كدا تمام.
_اسيا: خلينا ننام بقى تعبت.
مر الليل بسرعة.
_ياقوت: صباح الخير حياتي.
_اسيا: صباح النور.
_ياقوت: يلا نروح المقر.
ركب ياقوت و اسيا العربية وفي الطريق فطروا سندوتشات.
_اسيا: اخيراً وصلنا المقر!
_ياقوت: حسك متحمسة اكتر مني.
_اسيا: صراحة اه.
_داوود: اهلا وسهلا اتفضلوا.
_اسيا: اكس فين؟
استغرب ياقوت من سؤالها على اكس.
_داوود: مشى الصبح!
_اسيا بحزن: تمام.
_ياقوت بغضب: شايفك مهتمة باكس كتير اسيا.
_اسيا بتردد: لا مهتمة ولا حاجة سؤال عادي.
_ياقوت: تمام علاء.
_علاء: امرك.
_ياقوت: رجع اسيا عند اهلها يلا.
_اسيا: لوسمحت يا ياقوت خليني بس شوية صغيرة، لوسمحت يا ياقوتي.
_زين: ياقوتي؟!!!
حس ياقوت بالاحراج شوية.
_علاء: واضح العلاقة اطورت صح زين.
_زين: اه والله، كنتوا بتعملوا ايه لوحديكم امبارح يا ياقوتي؟!
_ياقوت: كل السندويتش بدل ما اطفهولك يا زين.
_زين: كدا يعني ماشي، وبعدين تعالى هنا يا علاء انت ازاي تقولي زين حاف كدا بلعب معاك في الشارع؟؟!!
خاف علاء من زين وهرب استخبا ورا ياقوت.
_ياقوت: زين انا حذرتك.
_زين: اسف!
بننتقل لاكس اللي راح البيت وبدأ يدور فيه على اي دليل يوصله للي عايزه.
فتح اكس غرفة ياقوت ودور كتييير بس موصلش للصندوق.
لإن ياقوت كسر السيراميك ودفن الصندوق تحت وبعدين رجع السيراميك و الحاجة عادي.
اتعصب اكس جامد وخرج ايد ورا وايد قدام.
ركب اكس عربيته ورجع المقر.
وصل اكس المقر بعد حوالي ساعتين من رجوع ياقوت واسيا.
_داوود: كويس انك جيت اسيا سألت عليك كتير.
_اكس: سألت عليا ليه؟
_داوود: واضح في حاجة عايزة تقولها ليك!
_اكس: طيب هي فين؟
_عابدين: فقدت الامل في رجوعك وياقوت رجعها البيت مع علاء.
_اكس: انا تعبت بجد.
خرج اكس من المقر وركب العربية وراح لبيت اسيا.
وصل اكس لبيت اسيا بعد ساعتين.
خلع القناع ونزل من عربيته.
واتجه لبيت اسيا، وخبط على الباب.
_اسيل: مين؟
_اكس: ضيف!
_اسر: ادخولي جوا اسيل.
دخلت اسيل وفتح اسر الباب.
_اكس: انا اسف لو ازعجتكم في الوقت دا يعني؟
_اسر: ولا يهمك اتفضل!
دخل اكس البيت.
_اسر: مين حضرتك وعايز ايه؟
_اكس: انا اسمي ياسين واكون دكتور عند اسيا في الكلية وكنت جي علشان اديها حاجة مهمة.
_اسر: اه نورت.
-اسر من جواه: دا شكله شراني يعني.
_اسيل: اسيا في حد اسمه ياسين تحت وهو الدكتور بتاعك.
_اسيا: دكتور! انا معنديش... اه اه تمم نزله حالاً.
مسكت اسيا الورقة وفتحتها تتأكد.
اخدت اسيا نفس عميق ونزلت تقابل ياسين.
اول ما دخلت اسيا.
_اسيا: اهلا وسهلا يا دكتور.
_ياسين (اكس): اهلا اسيا انا دخلت ونسيت المحاضرات في العربية، اسف.
_اسيا: مش مشكلة، تحب تشرب ايه؟
_ياسين: ولا حاجة خالص معلش المرة الجاية.
_اسيا: اللي يريحك.
_ياسين: انا هروح اجيب المحاضرات.
_اسيا: هطلع معاك.
طلعت اسيا للعربية مع ياسين.
_اسيا: على فكرة شكلك مش بشع اووي اكس.
اتصدم اكس من اللي اسيا قالته.
_اسيا: مش هقول لحد وعد عموماً انا ممكن اكون معايا الدليل اللي بدور عليه؟
_ياسين: فين؟
_اسيا: في الورقة دي.
_ياسين: تمام اسيا شكراً.
_اسيا: عفواً.
كان اكس خلاص هيركب العربية.
_اسيا: المحاضرات يا دكتور؟
_اكس: اسف اسف اتفضلي.
عطى ياسين مذكرة صغيرة كدا على انها المحاضرات.
كان ياسين طول الطريق باصص للورقة وخايف يفتحها.
واول ما وصل المقر نده داوود و عابدين وياسر ودخلوا الغرفة.
_اكس: الحقيقة هنا بس مش قادر افتح اشوف!
_داوود: بحكم اني اكبر رجالتك انا ممكن اشوف واطمنك.
_ياسر: وانا موافق.
_عابدين: قصدك ايه يا داوود اني عيل!
_اكس: عابدين اطلع برة.
_عابدين: اسف اسف.
بدأ داوود يقرا كل حاجة وياسر و عابدين بيقروا معاه بس طبعا كانوا بيقروا بعنيهم كدا.
بعد ما خلصوا.
_عابدين: مبارك يا ياسين، انا اصلاً كنت حاسس ان ياقوت ابنك علشان شبهك.
_اكس بعيون على وشك البكاء: انا مبسوط اوووي اصلاً قلبي قالي.
_داوود: هتعرفوا امتى؟
_اكس: مش لازم يعرف دلوقتي.
_ياسر: عموماً دي الرسالة اقراها مع نفسك.
_اكس: تمام.
_داوود: خلينا نخرج.
فتح داوود الباب ولقى ياقوت واقف بره.
_داوود: ياقوت عايز حاجة!
_ياقوت: اه عايز اكلم اكس في موضوع.
_داوود: وماله ادخل انت بقيت من العيلة.
بص ياقوت بإستغراب لداوود.
خبا اكس الرسالة بسرعة، من غير ما ياقوت ياخد باله.
_ياقوت بدون مقدمات: انا قررت اتجوز اسيا وكنت عايزك تيجي معايا ينفع؟
_ياسين بسعادة: اه طبعاً ينفع.
قرب ياسين من ياقوت وحضنه جامد.
حس ياقوت بأمان لأول مرة وانه مرتاح وكإنه بيحضن ابوه.
_ياقوت بتردد: انا هخرج بقى يعني.
_اكس: ماشي، بس هنروح امتى يعني؟
_ياقوت: بكره ايه رأيك؟
_اكس: تمام.
خرج ياقوت من الغرفة وراح المقر بتاعه.
وحكى لزين كل حاجة.
_زين: انت ازاي تطلب من قاتل انه يجي يخطب ليك؟
_ياقوت: في ايه يا زين؟
_زين: انا توقعت هتطلب من بابا دا يعني انت عارف بيعتبرك زيي؟
_ياقوت: انا عايز اكس يجي معايا.
_زين: هتاخد رئيس عصابة يطلب حبيبتك.
_ياقوت: مش فاهم زعلان ليه!
_زين: ولما تعرف نفسك انك ظابط؟ اكس هيعمل ايه؟
اتصدم ياقوت من الكارثة اللي حط نفسه فيها.
_ياقوت: معاك حق، انا هعمل ايه دلوقتي؟ مش عايز اكسر بخاطره وانا قلتله!
_زين: انا هقوله انسى!
_ياقوت: لاء مش هينفع لانك هتقول ها بوقاحة وانا مش عايز ازعله.
_زين: اتصرف انت.
اليوم التاني كان اكس فاق من النجمة واستعد لكل حاجة.
وكان داوود و عابدين وياسر مبسوطين ليه.
خرج زين وياقوت، رايحين للمقر بتاع اكس.
_اكس: انا جاهز يا ياقوت.
بص زين لياقوت.
مهتمش ياقوت بكلام زين وقال:
_وانا وزين جاهزين يلا بينا.
_زين: هو انت هتيجي معانا بالقناع دا؟
_اكس: لاء انا هخلعه لما نوصل هناك.
_ياقوت: متأكد!
_زين: ماشي بس ليكون وشك بشع اووي يعني.
بص ياقوت بغضب لزين وقال:
_زين لو مش عايز تيجي متجيش.
كان اكس حاسس بضيق في التنفس بسبب التوتر وكلام زين.
_اكس بتماسك وابتسامة مزيفة: واضح ان زين مش حابب وجودي معاكم مش مهم انا ممكن افضل هنا وحد تاني يروح معاكم.
_ياقوت: لاء عادي يلا.
بص زين لياقوت بغضب.
سحب ياقوت زين من ايديه وقال:
_انا قلت اللي عندي الراجل بيعتبرني زي ابنه واهتم بيا ياما دي حاجة بسيطة ليه متنساش انه انقذني من الرصاصة.
_زين: تمام يا ياقوت.
_ياقوت: يلا اكس هنتأخر.
خاف اكس يتقدم.
جه ياقوت عنده وسحب ايديه واتحركم بسرعة للعربية.
ساق زين العربية.
وبعد مرور ساعتين وصلوا البيت.
رحب اسر بيهم وهو بيقول:
_اهلاً يا ياسين اتفضلوا.
_ياقوت: ياسين!
_اسر: اه ياسين كان هنا امبارح علشان يقابل اسيا.
_ياسين: امم اسيا سألت عيا كتير وكان لازم اشوفها.
_اسيل: اتفضلوا!
_اسر: دا ابنك يا ياسين!
_ياقوت: اه زي ابويا.
_زين: هو اللي مربيه.
قرص ياقوت زين من دراعه.
_اسر: وياقوت بيشتغل ايه؟
اتردد ياقوت للحظات وبعدين قال:
_رائد انا رائد.