أحـبـبـتُ خَــاطـفي

Chapter (18)

_ياقوت بغضب: جبت الصور دي منين؟
_اكس: اهدا يا ياقوت!
_ياقوت بغضب: ايه اللي وداك بيتي؟
_اكس: كان لازم اروح علشان اعرف اي معلومات عن الولد، واخدت الصور وبدأت اشبه على الصور لحد ما وصلت انا وداوود امبارح ان انت اللي بندور عليه.
_ياقوت بغضب: وبدور عليا علشان تعوضني بقى عن امي اللي اتقتلت من غير ذنب.
_اكس بحزن😕: اهدا طيب ممكن!
_ياقوت بغضب: مش ممكن! مكنش عندي غيرها هى كانت امي وابويا وعيلتي كلها انتم حرمتوني منها ادمرت حياتي بسببكم بقيت مجرم وبدور عليك علشان انتقم بقالي ١٣ سنة مستني اللحظة اللي انتقم فيها ولما وصلتلك طلع القاتل حد تاني اي كذبة دي.
_اكس: دي الكذبة اللي حطها البوليس والشرطة في دماغك لبسوني انا القضية مع العلم انهم كانوا عارفين ان رشاد هو القاتل.
_ياقوت بصدمة: ازاي يعني دا؟ ازاي!
_اكس: اهدا واسمع، انا اتواصلت مع شرطي هناك وقالي انهم كانوا عارفين ان القاتل رشاد ومع ذلك لبسوني القضية علشان رشاد كان خطف واحد من اطفال ظابط شرطة كبير اه والطفل حالياً رائد اسمه كمال، الظابط خاف على ابنه واتفق مع رشاد وحطوا بصماتي وحاجات تانية تدل اني القاتل، والدليل ان مامتك كانت قدمت بلاغات كتير ضد رشاد وانه دايماً بيضايقها وبيزعجها بقى مكالمات او يجي البيت ليها.
_ياقوت: بس ماما عمرها ما قالت ليا حاجة كدا؟
_اكس: ممكن والدتك مكنتش حابة تزعلك يا ياقوت، خصوصاً ان والدك مكنش موجود.
_ياقوت بحزن: انا بكره الشرطة وانتم ورشاد وكل حاجة انا مش عايز ابقى هنا، انا حاسس اني مخنوق انا انا همشي، صح لازم امشي.
خرج ياقوت بسرعة، حاول داوود يوقفه لكن اكس منعه وسابه يمشي.
_داوود: ليه سبته!
_اكس: هيرجع تاني.
دخل اكس غرفته وغير هدومه وخرج.
كان ياقوت اتحرك بالعربية وفي طريقة لقبر والدته.
خرج اكس من المقر وركب عربيته واتحرك بيها في الطريق لكلية اسيا.
وصل ياقوت المقابر وبالتحديد قبر والدته.
فضل ياقوت يعيط عند قبر والدته شمس.
_ياقوت: سيبتيني لوحدي وشلت الهم بدري واتحولت حياتي كلها، انا اتكسرت مرة واحدة لما سيبتيني لوحدي ومشيتي ليه ليه مقولتليش دا ليه معرفتنيش انه بيضايقك، انا محتاجك دلوقتي، ليه ليه خبيتي عني اسمك الحقيقي طيب، ليه عيشتيني في كذبة كبيرة، ليه خفيتي عني اسمك الحقيقي، ليه قولتي ان اسمك حور ليه ليه كذبتي عليا انا انا مش مسامحك يا امي.
فضل ياقوت يعيط جنب قبر والدته.
بننتقل لاكس اللي وصل عند اسيا الكلية وخلع القناع وظهرت علامة اكس غريبة على عينة وهي ذات نفسها العلامة اللي اتعلم بيها في السجن لما رجالة العصابات ضربوه وكأنها كانت رمز لتعريفه باكس.
اول ما شافت اسيا نفس الراجل اتصدمت.
_اسيا: انت مين؟
_اكس: انا مش مهم، المهم ياقوت.
_اسيا بقلق: ياقوت ياقوت ماله؟
_اكس: ياقوت تعبان ومحتاجك جنبه ومنهار اوووي لو تخرجي وتروحي تخففي عنه يبقى احسن.
_اسيا: تمم يلا نروح ليه؟
_اكس: انتِ ليسة متراقبة.
_اسيا: ممكن يكون اه اه ممكن الرائد كمال هو اللي مراقبني.
_اكس: الرائد كمال تمم، تمم.
_اسيا: هشوفه امتى؟
_اكس: بليل هاجي اخدك من هنا.
_اسيا: اتفقنا.
_اكس: اتفقنا.
_اسيا: استني انت اسمك ايه؟
اتردد اكس شوية بيدور على اسم تقريبا وبعدين قال:
_ياسين اسمي ياسين.
_اسيا: شكراً عمي ياسين.
_اكس: ولو العفو.
خرج اكس بسرعة وركب العربية وراح في طريق المقابر.
نزل اكس من العربية وهو لابس القناع وهو داخل للمقابر لقى ياقوت خارج.
_اكس: ياقوت انت كويس؟
_ياقوت: اه اه كويس لو دي هتريحك يعني.
_اكس: ياقوت انا خايف عليك نفسييتك مدمرة اساساً متهلكهاش اكتر من كدا.
_ياقوت بغضب: وانت مالك؟ انت هتعيش ليا في دور الاب!
اتصدم اكس من فظاعة ياقوت ورده الوقح.
_اكس بحزن: لاء مش هعيش دور الاب اكيد، انا بس خفت عليك مش اكتر.
_ياقوت بغضب: انتم السبب في حالتي دي فمفيش داعي تخاف عليا.
_اكس بحزن: تمام خلاص تعالى نرجع المقر.
_ياقوت: مش راجع انا هروح البيت بتاعي.
_اكس: تمام بلاش تسوق بحالتك دي انا هوصلك.
_ياقوت بإنهيار: لاء لاء مفيش داعي.
وفجأة وقع ياقوت ولكن قبل ما يلمس جسمه الأرض مسكه اكس وسنده وركبه عربيته واتحرك بيه للبيت بتاعه.
في الطريق لهناك.
كان اكس مهتم بياقوت وكل فترة يتأكد انه كويس.
ومن جواه حاسس احساس غريب لا قادر يميزه ولا قادر يبعده عنه.
_اكس بغضب: والله لندمك على كل لحظة عيشتها بسعاده في ظل تحطم قلب الولد دا والله لخليك تتمنى الموت يا رشاد.
وصل اكس عند البيت ركن العربية وخرج ياقوت وفتح الباب ودخل.
اعد ياقوت على الكرسي، وحاول يفوقه ولما فاق.
_ياقوت: انا بعمل ايه هنا؟
_اكس: دا طلبك!
_ياقوت: صح صح افتكرت.
_اكس: تمام هسيبك بقى ترتاح وهخرج.
_ياقوت: اممم انا اسف.
_اكس: ليه؟
_ياقوت: اولاً علشان اللي جه رشاد وقالوا وهو كان حقيقة يعني انا فعلاً كنت عايز اعمل كدا، وثانياً بقى علشان الكلام اللي قلتهولك هناك عند المقابر.
_اكس: بخصوص الاول فا انت خلاص عرفت الحقيقة يعني، اما التاني مش مهم لإن انا مقدر وضعك.
_ياقوت: شكراً، تمممم هو انت معندكش ابن او بنت!
_اكس بحزن: عرفت بموت زوجتي بعد شهر من موتها، واساساً  عيشت بعيد عنها سنين فمعرفش انا عندي ابن او بنت حتى لما حاولت اوصل ليها مقدرتش علشان سابت البيت اللي كنا عايشين فيه ومشيت، معرفش سابته ليه بس اهو دا اللي حصل.
_ياقوت: اممم الله يرحمها، بس هو ممكن يكون يعني رشاد اللي قتلها زي ما قتل امي؟
_اكس بشك: ممكن بس ليه يعمل كدا؟
_ياقوت: علشان كان بيحبها واختارتك انت.
_اكس بشك: ياقوت اممم هو والدتك اتوفت امتى؟
_ياقوت: بتسأل ليه؟
_اكس بشك: مجرد سؤال يعني؟
_ياقوت: ٩/١٥/ ٢٠٣٣ في عمر ٣٧.
_اكس: الله يرحمها، اممم هو انتم كنتم عايشين هنا على طول!
_ياقوت: لاء يعني كنا عايشين في منطقة تانية بس اتنقلت لهنا لما كان عندي خمس سنين بسبب ان الناس والاولاد في المدرسة بينادوني بإبن القاتل مش عارف ليه كانوا بيقولولي كدا، بس مش ممكن يكون ابويا قاتل استحالة، ماما مكنتش بتصدق دا وانا مكنش بيهمني كلامهم بس الموضوع اتطور وبقا في شخص بيجي كل فترة ويقول لماما معلومات عن بابا بس ماما مكنتش بتحب وجوده ولا انا وفي مرة اتعصبت منه لإنه جه الساعة اتنين بليل وطردته من البيت وحدفت عليه الشباشب والعمارة اتفرجت علينا واضطرينا اننا نسيب البيت ونمشي بعدها بس مش بسبب الناس بسبب الشخص دا حتى فاكر اني هجمت عليه وعضيته من كتفه جامد وماما خلصته مني بالعافية واراهن ان سناني بالرغم من اني كنت صغير الا انها معلمه عليه لحد انهارده.
_اكس بسعادة: لاء برافو عليك، امم بس يعني لو شوفت الراجل دا تفتكره؟
_ياقوت: صراحة لاء.
_اكس: مؤسف، طيب فاكر اسمه!
_ياقوت: لاء مش فاكر.
_اكس: ياقوت يعني متفهمنيش غلط بس هو اسم مامتك ايه؟
_ياقوت بحزن: حور امي اسمها حور.
_اكس: اسم جميل!
_ياقوت: افندم.
_اكس: اه اسف.
_ياقوت: تمام.
_اكس: طيب انا همشي بقى هستناك برة لما ترتاح نرجع المقر.
_ياقوت: شكراً.
مشى اكس وفضل ياقوت قاعد لوحده.
خرج ياقوت صورة لمامته من محفظته و بدأ يكلمها.
_ياقوت: انا اسف علشان قلتلك اني مش مسامحك بس كنت متعصب انا مسامحك يا امي، بس فكرك لو كان بابا موجود كان دا حصل يعني كنت هعيش في كدبة كبيرة كدا بين اسمك الحقيقي واللي هوا شمس وبابا اللي ملقتهوش لحد انهاردة حتى انتِ مقولتليش اي حاجة عنه غير انه بيحبنا اووي وهيلاقينا اكيد، بس هوا لحد انهاردة ملقناش وانتِ مشيتي وسيبتيني وهو ليسة مختفي، فكرك لما الاقيه هيكون عنده اولاد تاننين وبيهتم بيهم وانا مهتمش ليا ولا حتى ليكي ولا فكر يدور علينا.
سكت ياقوت شويه بعدين دخل غرفته اللي كانت مقفولة بالمفتاح ومعاه.
كانت الغرفة فيها صور كتير ليه هو ومامته ولكن كان في صندوق صغير موجود فوق الدولاب اول مرة ياخد باله منه، جاب ياقوت كرسي صغير ووقف عليه ومد ايديه واخد الصندوق.
_ياقوت: صندوق صغير زيك ايه اللي جابه فوق يا ترا اممم غريب انا اول مرة الاحظ وجودك هنا، ممكن مكنتش بهتم او ماما حطيته هنا قبل ما تتقتل ولإني مدخلتش الغرفة من ساعتها، وكنت لما باجي بكون حزين ومش بهتم بأي حاجة وفضلت سنين انام في غرفتها ومدخلتش هنا، على العموم خلينا نشوف.
فتح ياقوت الصندوق لقى صور كتير لمامته وابوه.
اتصدم ياقوت دي اول مرة يشوف ابوه فيها من ٢٩ سنة.
كانت الصور لفرحهم، لاحظ في الصور قد ايه والدته كانت سعيدة ومبسوطة، ولما قلب شوية لقى صور ليهم في البيت القديم، مقدرش ياقوت يفتكر تفاصيل البيت كويس، كان ابوه سعيد في كل الصور، وبين لقى فلاشة صغيرة.
_ياقوت بشك: امم محتاج لابتوب علشان اشغلها عموما انا هاخد صورة الفرح والصورة اللي في البيت دي والفلاشة.
قفل ياقوت الصندوق ورجعه مكانه وخرج.
خرج ياقوت وملاحظش ان كان في ورقة موجوده في الصندوق.
ياقوت: اتأخرت عليك!
اتصدم اكس بسرعة وحط ايديه على وشه.
_اكس: امم لاء.
_ياقوت: مش عارف ليه انت مصر تخفي وشك بس واضح انك كنت قمور يعني.
اتعصب اكس وبعد بسرعة ايد ياقوت عنه وهو بيقول:
_اخرج من العربية، مش عايز حد يشوف وشي اخرج.
خرج ياقوت من العربية، ولبس اكس القناع.
_ياقوت: مش فاهم يعني ليه مشوفش وشك؟
_اكس: كدا مزعج.
_ياقوت: وماله 😂😂😂.
_اكس: عملت ايه بقى؟
_ياقوت بسعادة: مش انا لقيت صندوق غريب في الغرفة، ولما فتحته لقيت صور لماما وبابا انا شوفت شكل بابا لأول مرة انا سعيد بجد، امم بس مش عارف الصندوق كان في غرفتي ازاي بس الحقيقة انا مدخلتش الغرفة من ساعت وفاتها، ممكن تكون حطته في غرفتي يومها، المهم لقيت كمان الفلاشة دي، هشوفها لما نروح هناك.
_اكس: تمام، يعني لقيت صور لمامتك وباباك كويس ممكن اخد صورة لأبوك وادورلك عليه لو عايز!
_ياقوت:............