فاق ياقوت اخيراً على الساعة عشرة الصبح.
_ياسين: الحمدلله انك صحيت رعبتنا عليك.
_ياقوت بحزن: رعبتك انت بس.
_ياسين: ياقوت صح علي قال كلام مش حلو ليك بس هو ليسة مصدوم من اللي حصل معلش استحمله.
_ياقوت: تمم تمم.
فتح علاء الباب.
كان علاء في الكافتيريا بيجيب قهوة ليه ولياسين ولعابدين.
اول ما دخل علاء علشان يدي لياسين القهوة شاف ياقوت صاحي ابتسم بفرحة كدا ومن فرحته وقع القهوة على ايده والارض.
_علاء بألم: اح 😭😭.
_ياقوت: غبي كان لازم تركز، انت كويس؟؟
_ياسين: عابدين خد علاء يغسل ايده بسرعة.
_عابدين: اتحرك يا جلاب المصايب امشي.
_علاء: الحمدلله انك كويس يا ريس.
_ياقوت: انت في ايه ولا في ايه!!! امشي.
_علاء: المهم انك بخير.
اتحرك علاء مع عابدين.
_عابدين: انت بتحب ياقوت للدرجادي؟
_علاء: قلتلك السبب قبل كدا.
_عابدين: صح، على كدا بقى لو قابلت اهلك الحقيقيين عتحبهم زيه؟؟؟
_علاء: مظنش صراحة، اصلاً لو كنت مهم مكنوش سابوني في الشارع السنين دي.
_عابدين: متظلمهمش ممكن يكونوا دوروا عليك كتيييير.
_علاء: ممكن نقفل الموضوع دا علشان بيضايقني.
_عابدين: انت حر.
رجع علاء وعابدين لغرفة ياقوت.
وهما في الطريق قابله علي.
_علي: واضح انت اخترت صف مين يا علاء!!! بس خليك فاكر ياقوت هو اللي هيوصلك لحبل المشنقة بدري.
_علاء: ريح نفسك مهما تحاول استحالة اكون معاك.
_عابدين: يلا يا علاء ياقوت مستنيك.
_علاء: طبعاً.
دخل علاء واول ما دخل حضن ياقوت بقوة
_ياقوت: كدا هتموتني!!
_علاء: خوفت عليك اوووي 😭😭.
_ياقوت: مجرد صدمة مش اكتر والله كبرت الموضوع يا علاء.
_علاء: انت عارف اني ماليش غيرك فكان منطقي اخاف يعني.
_ياقوت: متقولش كدا كلنا جنبك يا اهبل.
_علاء بحزن: بس علي قرر يعلن الحرب ضدنا بتصرفاته.
_ياقوت بحزن: هو حر مسيره الهلاك كدا ومش هقدر احميه.
_علاء: مع الاسف صح.
_ياقوت: لازم امشي اشوف ايه اللي حصل في موضوع سالم.
_ياسين: طيب استني شوية ترتاح..
_ياقوت: مش هرتاح غير لما ياخدوا عقابهم.
_عابدين: ياقوت شبهك في عنادك يا ياسين سيبه.
_ياسين: اتفضل يا ياقوت بس خلي بالك من نفسك.
_علاء: هاجي معاك.
_ياقوت: لاء عابدين خد علاء يكشف على ايده الاول.
_علاء: مجرد حرقة بسيطه والله
_ياقوت: اسمع الكلام يا علاء متعصبنيش.
_علاء بلطف وغضب طفولي: حاضر يا بابا حاضر.
بص ياقوت لعلاء بصدمة وبعدين فتح البابا وخرج.
_ياسين: واضح ان علاء متعلق بيك اوووي!!
_ياقوت: كنت ليه زي الاب من يوم ما لقيته.
مسك ياسين ياقوت من خدوده وهو بيقول:
_ياسين: ابني الطيب يا خلاصي عليه.
_ياقوت: انت بتسخر مني؟
_ياسين: لاء والله بس فخور بيك.
_ياقوت: اممم طيب.
ساب ياقوت ياسين عند باب المستشفى وراح المقر عند رجب.
_رجب: ياقوت الحمدلله انك بخير.
_ياقوت: شكراً، ايه وضع سالم؟
_رجب: اتجرد من مرتبته واتسجن لإنه اعترف بكل حاجة، والعساكر حاوطوا المستشفى اللي مسجون فيها رشاد، ومستنيينه يفوق علشان يتحول على النيابة هو وسالم.
_ياقوت: تمم يا سيادة العميد رجب.
_رجب: عميد!!!
_ياقوت: بحكم ان سالم اتجرد فجه دورك للترقية واخذ المنصب.
_رجب: الطموح حلو بردو.
_ياقوت: انا بتكلم جد والله، حتى انا هترقى لمقدم.
_رجب: المهمة طالت اكتر من اللازم وانت تستحق دا.
_ياقوت: شكراً وسيادتك كمان تستحق الترقيه.
_رجب: ان شاء الله.
_زين: في اجتماع من ورايا!!!
_ياقوت: اه عندك مانع؟؟
_زين: لاء لاء خالص.
_ياقوت: اخبار تمارا ايه يا زين؟؟
_زين بحزن: منهارة على ابوها.
_ياقوت: مؤسف بجد، ربنا يصبر قلبها هي و كمال.
_زبن: يارب.
_ياقوت: خليك جنبها يا زين، عن اذنكم لازم اروح اشوف رشاد.
_رجب/ زين: بالتوفيق.
راح ياقوت عند رشاد ودخل الغرفة.
_ياقوت: ايه بقى رأيك في اللي حصل ليك؟
_رشاد بألم: انا اللي جبته لنفسي.
_ياقوت: الاول مستقبلك وبعدين ضوافرك وبعدين ايدك وفي الاخر عينك اللي راحت، مش دي عينك بردو اللي حطيتها على امي، والله نفسي افقع ليك التانية بس مش هينفع كفايا انك تتشنق بعين واحدة.
_رشاد بألم: سامحني يا ياقوت وقول لياسين يسامحني.
_ياقوت: وماله ماشي!!!
خرج ياقوت وساب رشاد شبه ميت في المستشفى، وراح عند اسيا.
فتحت اسيا الباب.
_اسيا: ياقوتي بتعمل ايه هنا؟
_ياقوت: جي اشوف خطيبتي وحشتني.
_اسيا بدلع : اممم بس انت موحشتهاش.
_ياقوت: عيونك بتقول انك كدابة يا روحي.
_اسيا: اذا كان كدا فوحشتني اوووي فعلاً.
_ياقوت: عندي اخبار سعيدة ليكي.
_اسيا: ايه قول؟
قرب ياقوت من اسيا علشان يحضنها، لقى مامت اسيا جيه.
اتكسف ياقوت اوووي، اما اسيا فخبت وشها من امها، اما مامتها اسيل فعملت نفسها مشافتش حاجة ودخلت لأسر الغرفة.
_اسيل: اسر حياتي!!
_اسر: نعم ياروحي.
_اسيل: ياقوت برا.
_اسر: بجد طب كويس.
_اسيل: انت حددت معاه معاد الفرح؟
_اسر: لاء.
_اسيل: بس واضح انه حدده يعني اطلع واتكلم معاه.
_اسر: انا كدا كدا طالع كويس انك فكرتيني يا حياتي.
قرب اسر من اسيل وقبل خدها وخرج يقابل ياقوت.
_ياقوت: عمي اسر اسف جيت من غير معاد.
_اسر: ولو البيت بيتك اتفضل يا ياقوت.
_ياقوت: صراحة جيت اكلمك في موضوع معاد الفرح.
بلعت اسيا ريقها، وفكرت للحظة تهرب وتفسخ الخطوبة.
_اسر: حددتوا المعاد؟
_ياقوت: اه بعد شهر من انهاردة.
_اسر: وهوا كذلك.
_اسيل: ربنا يتمم ليكم على خير يا اولاد.
_اسيا: مش بدري كدا يا ياقوت؟
_ياقوت: تؤ تؤ.
_اسيا: تمم.
-اسيا بينها وبين نفسها: حاسة اني ادبست في الجوازة دي.
خرج ياقوت من بيت اسيا واتحرك رايح عند ياسين.
دخل ياقوت الغرفة وكان ياسين بيتكلم هوا وعابدين في موضوع ولما دخل ياقوت قاطعهم.
_ياقوت: ايه مالكم؟ سكتوا ليه؟؟؟
_ياسين: ياقوت هو انت لقيت علاء فين؟
_ياقوت: كان اول لقاء لينا في مطعم.
_عابدين: فاكر شكله وقتها؟
رفع ياقوت حاجبه باستغراب وقال:
_صراحة لاء.
_عابدين: طيب مكنش في صورة ليه وقتها.
_ياقوت: بتسأل ليه؟
_ياسين: عابدين ابنه اتخطف من ست سنين وكان بس عنده شك يكون علاء ابنه اللي اتخطف.
_ياقوت: غريبة حتى لو كان ابنك مقدرتش تتعرف على شكله!!!
_عابدين بحزن: هل انت فاكر شكل والدتك؟
وقف ياقوت عاجز عن الاجابة.
_ياسين: ياقوت عارف انك متعلق ب علاء بس لو كان عابدين ابوه بلاش تحرمه منه زي ما رشاد حرمك مني.
فكر ياقوت شوية وبعدين قال:
_كان في صور ليه في المقر لإننا كنا بنحتفل بعيد ميلاده كل سنه، هروح واشوفهم ليكم، المهم هو عامل ايه دلوقتي؟؟؟
_عابدين: كويس الحرق الحمدلله بسيط.
_ياقوت: تمام عن اذنكم.
خرج ياقوت من المستشفى وهو حزين وفي نفس الوقت حاسس بغيره لإنه كان اب لعلاء لو ظهر ابوه دلوقتي علاء مش هيكون عايز يكون جنبه.
ركب ياقوت عربيته واتحرك للمقر.
وصل ياقوت المقر ولقى علي هناك مستنيه.
_علي: ايه اللي جايبك؟
_ياقوت: هاخد حاجة وامشي.
_علي: خاين.
مهتمش ياقوت ودخل غرفة علاء.
_علي: استني هنا ايه نسيت اللي ماته بسببك؟
_ياقوت: لا منسيتش.
_علي: غدار.
فضل ياقوت يدور على الصور في هدوء لحد ما لقاها في صندوق صغير.
_محمود: اهلا يا سيادة الرائد.
_ياقوت: محمود بما ان العصابة اتفككت عرفت هتعمل ايه بعد ما بقيت حر؟
_محمود: هو اللي بيشتغله في المخابرات بيقبضوا كام؟
_ياقوت: كتير.
_محمود: بما اني شاطر في المواقع والكمبيوتر، يقبلوني؟
_ياقوت: هتمر بشويه اختبارات كدا، بس واثق انك هتعديها.
_محمود: تمام وصيهم عليا بقى.
_ياقوت: ملناش في الوسطة.
_محمود: كدا يعني.
_ياقوت: بس عشانك هركن المبادئ على جنب 😂😂.
_محمود: اصيل يا ريس.
خرج ياقوت ومحمود من المقر وفضل علي لوحده هناك.
_ياقوت: علي بيدمر نفسه!
_محمود: اه هو حر بكره يفوق.
_ياقوت: خايف يكون فات الاوان.
_محمود: يتحمل بقى نتيجه غلطه.
بننتقل عند زين اللي راح عند تمارا.
_تمارا: جي ليه؟ ليكون جي تقبض على كمال كمان!!
_زين بحزن: لاء يا تمارا مقدرش، بحبك يا تمارا ارجوكي متعمليش في نفسك كدا😭😭لوسمحتي انا كدا بتوجع اوووي😭😕.
_تمارا: وموجعتنيش لما جيت وقبضت على بابا قدام عيني😭😭.
قرب زين من تمارا وحضنها بقوة.
_تمارا: زين انا فعلاً محتجاك جنبي الفترة دي.
_زين: وانا جنبك طول الوقت.
_كمال: بتعمل ايه هنا يا حيوان؟ قتلت القتيل وجي تمشي في جنازته.
_زين: كمال انا بنفذ الاوامر!
_كمال: طول عمرك كلب ياقوت.
_زين: وانت عمرك ما هتاخد اي حاجة ياقوت حط عينه عليها.
خبط الباب فراحت تمارا تفتح.
_تمارا: اهلاً اسيا اتفضلي.
_اسيا: سمعت اللي حصل انهاردة، وجيت علشان اكون جنبك.
_تمارا: جه ياقوت وقبض على بابا بكل برود يا اسيا.
_اسيا: بصراحة يعني هو عنده حق، يعني عمي سالم كان شريك في قضية قتل والدته.
_كمال: غريب ايه اللي جايبك مش المفروض تروحي تحتفلي جنب خطيبك؟
_اسيا بغضب: ياريت تتكلم عدل، وانا جيه هنا علشان تمارا مش علشانك.
_ياقوت: اسيا!
لفت اسيا وهي بتقول:
_ياقوت!
_ياقوت: بتعملي ايه هنا؟
_اسيا: جيت اشوف صحبتي تمارا.
_ياقوت: تمام يلا نمشي.
_اسيا: ملحقتش اشوفها يا ياقوت.
_ياقوت: اسيا امشي
_اسيا: معلش يا تمارا اسفة والله 😕.
_تمارا: تمم اسيا ولا يهمك.
مشيت اسيا مع ياقوت.
_اسيا: ليه عملت كدا؟
_ياقوت بغيرة: ما انتِ مشوفتيش كمال كان بيبص ليكي ازاي؟؟
_اسيا: دا مالوش دعوة بإني هناك علشان اواسي صحبتي.
سحب ياقوت اسيا من ايديها وقربها منه وهو بيقول:
_شكلك حابة افقع ليه عينه! ، زي رشاد!!
_اسيا بخوف: مالك يا ياقوت متقمص دور الشرير ليه انا لحد دلوقتي مش متخيلة انك تعمل كدا في رشاد بجد انا خفت منك😕.
لمس ياقوت شعر اسيا بلطف وهو بيقول:
_ يستاهل اللي عملته فيه اللي عمله فيا مش قليل.
_اسيا: ربنا بيسامح، مين انت علشان تتكبر كدا.
_ياقوت: مقدرتش امسك اعصابي.
_اسيا: دا مش مبرر.
_ياقوت: خلاص اسف.
_اسيا: خلاص انت حر انا هروح اروح.
_ياقوت: استني اوصلك.
وصل ياقوت اسيا البيت وراح المستشفى عند علاء وعابدين وياسين.
_عابدين : لقيت الصور؟
_ياقوت: اه اهي خد شوفها.
بدأ عابدين يقلب في الصور وبدأت الدموع تسيل من عينه بسبب الفرحة وبيردد:
_الحمدلله يارب اخيراً لقيت ابني.
وخرج صورة ل علاء وهو صغير.
_عابدين: ياقوت بص اهو علاء وهو صغير😭😭.
_ياقوت: سعيد انك لقيته، عرفه الحقيقة بقى.
اتحرك عابدين بحماس وقرر انه يقول لعلاء.
_علاء: اهلاً اتفضل.
_عابدين: ايدك ايه اخبرها؟
_علاء: الحمدلله.
_عابدين: امم فاكر ابني اللي قلتلك انه اتخطف.
_علاء: اه لقيته؟
_عابدين: اه لقيته.
_علاء: لازم تعرفني عليه؟
_عابدين: مهو انت تعرفه كويس.
بص علاء ل عابدين بإستغراب.
_عابدين: خد دي صورته وهو صغير.
مسك علاء الصورة وايده بتترعش.
_علاء بتردد: دا...دا...انا.
_عابدين: اه يا علاء انت ابني اللي اتخطف من زمان.
_علاء بصدمة: ازاي انا مش فاكر كل دا؟
_عابدين: كنت انا وانت خارجين يومها وروحنا الجنينة ولما وصلنا روحت تلعب بالالعاب وفجأة ملقتكش، ودورت عليك كتير بس مفيش فايدة قدمت بلاغ وهما بعد فترة قاله انك ممكن تكون مخطوف من تجار الاعضاء.
_علاء: وطبعاً دخلت لعصابة اكس علشان توصلي.
_عابدين: اه يا حبيبي انت.
بص علاء بحزن شديد ل عابدين، ولكن عابدين حضنه حضن مليان مشاعر الاشتياق.
دخل ياقوت.
_اسف لو هقطع المشاعر دي، بس حبيت اعرفكم ان بعد فترة هيصدر حكم الاعدام على رشاد، وفرحي كمان شهر.
_علاء: اه بقى اموت في الاخبار السعيدة.
_ياقوت: اه علاء انت قدامك فرصة تكون ظابط لو اهتميت بدراستك اللى وقفتها.
_علاء: من انهاردة ههتم بكل دروسي متقلقش.
_عابدين: انت وديته مدرسة يا ياقوت؟
_ياقوت: اه يا عابدين كان لازم.
_عابدين: شكراا يا ياقوت.
_ياقوت: لازم تيجوا الفرح انا بقولكم اهو.
_علاء: دا انا هشطب الشقة ليكم بنفسي.
_عابدين: 😂😂انت ليه متحمس كدا اكتر من ياقوت نفسه؟
_ياقوت: معاك حق والله.
_علاء: بحب علاقتهم اوووي 💞💞.
_ياقوت: قصدك ايه يا علاء؟
_علاء: اقصد لقائكم كان غريب، ماجد الله يرحمه خطفها وبدأت قصة حبكم بعدها فيعني قصتكم مختلفة.
_ياقوت: قلبت عليا المواجع والله.
_علاء: فاكر لما اسيا صرخت من الصرصار.
_ياقوت: اه فاكر 😂😂😂.
بننتقل بقي بعد مرور شهرين بالظبط.
_علاء: ياقوت ياقوت!!!
_ياقوت: مالك بتخبط كدا ليه؟
_اسيا: ياقوتي مين على الباب؟
_ياقوت: دا علاء يا حياتي؟
_اسيا: اه اتفضل يا لولو ادخل.
_علاء: شكراً زوجه اخي.
_ياقوت بغضب: تعالي هنا هو ايه اللي لولو مش فاهم؟
_اسيا: ايه بدلع ابنك الكبير الله!
_ياقوت: ابني الكبير! طب اتلمي بقى ها انا بغير متعصبنيش.
_علاء: بعشق قصة حبكم.
حدف ياقوت علاء بمسند الكرسي.
_علاء: ضايقتك لولو خلاص تناديني لولي.
اتعصب ياقوت جامد.
_اسيا: خلاص يا علاء كفايا.
_ياقوت: ايوة كدا.
_علاء: المهم شوفت القرارات الجديدة اللي تخص سالم ورشاد؟
_ياقوت: لاء ايه حصل؟
_علاء: اصدر المفتي حكم اعدام رشاد الجمعة اللي جيه.
_اسيا: والله زعلت!
_ياقوت بسخرية: امشي خوشي جوه علشان متزعليش.
_اسيا: طب ايه رأيك اني هسيبلك البيت و امشي خليك بقى قاعد لوحدك تكلم الكنبة يا سيادة المقدم.
_ياقوت: استني اسيا والله كنت بهزر!
_اسيا: خلي الهزار ينفعك.
خرجت اسيا وراحت بيت اهلها.
_علاء: انت قاسي كدا دايماً.
_ياقوت: كله بسببك انت! خلص قول باقي الاخبار؟
_علاء: سالم اتحكم عليه بالسجن لمدة خمستاشر سنة.
_ياقوت: زعلت عليه.
_علاء بسخرية: طيب امشي خوش جوه علشان متزعلش!
_ياقوت: امشي اطلع برا يا علاء.
_علاء: لولو لوسمحت.
ضرب ياقوت علاء بالشلوط.
_علاء بتنمر: انت قلبك قاسي اوووي اوووي انت مش بتحس كدا وكدا.
_ياقوت: اطلع براااااااااا.
خرج علاء بسرعة قبل ما ياقوت يتحول لتور😂😂😂.
اتحرك ياقوت وراح بيت اسيا.
_اسيل: ادخل ياقوت.
_ياقوت: اسيا جت؟
_اسر: اه جوه ومتعصبة منك جامد.
_ياقوت: تمام انا هطيب خاطرها.
أنت تقرأ
أحـبـبـتُ خَــاطـفي
Actionملحوظة:*الرواية بتتعدل* تم البدأ فيها 26/7/2023. وانتهت 23/8/2023. انا اسمي اسيا وفي يوم من الايام خرجت من السكن بتاع الكلية وقررت اني اخرج اتمشى شوية وانا بتمشى شوفت حاجة مكنش ينفع أشوفها وعلى الرغم من اني كنت خايفة الا ان فضولي وداني للموت برجلي،...
