صرخت اسيا بقوة فتح ياقوت الباب.
_اسيا: الحقني يا ياقوت في صرصار في الغرفة خدني من هنا بسرعة.
_ياقوت: بقى بتصرخي علشان شوفتي صرصار، لاحول ولا قوة إلا بالله انا ناقصني بلاوي انت السبب يا ماجد.
_اسيا: ممكن توديني غرفة تانية اصل انا خايفة، وياسلام لو نظيفة.
_ياقوت: انتِ مخطوفة وكمان هتتأمري.
_اسيا: من فضلك بليز.
_ياقوت: امشي قدامي اخلصي.
_باسم: ياقوت تعالى هنا، ايه اللي بيحصل بالظبط؟؟
_ياقوت: هتفضل البنت دي هنا لحد بكرة.
سحب باسم ياقوت على جنب وقاله:
_خلي بالك البنت دي ممكن تكون جاسوسة ها.
_ياقوت: مظنش دي شكلها عبيطة.
_باسم: خلي بالك بس.
_ياقوت: متقلقش.
_اسيا: كان بيقولك ايه الشخص دا؟؟؟
_ياقوت: وانتِ مالك هو انتِ مراتي!!!!!
_اسيا: وانت تطول اصلاً.
_ياقوت: طب امشى يا قصيرة.
_اسيا: انا مش قصيرة على فكرة.
_ياقوت بضحك: لا قصيرة.
_اسيا: من اراد ان يشم الورود فلينحني.
_ياقوت: والله معاكي حق.
_اسيا: شوفت، اه صح هي الغرفة فين علشان تعبت.
_ياقوت: انتِ عجوزة 😂😂😂.
_اسيا: لا والله بس كسولة اوووووي.
_ياقوت: هعمل نفسي مصدق، على العموم الغرفة في اخر الممر.
_اسيا: هانت هانت، بس مقركم دا مش حلو خالص وكئيب وألوانه وحشة، ومش نظيف.
_ياقوت: مش نظيف وكئيب، شكلك حبه ترجعي لنفس الغرفة بتاعت الصرصار.
_اسيا: خلاص خلاص اسفة.
_ياقوت: برافو عليكي يلا ادخلي الغرفة بقى.
_اسيا: وصلنا.
_ياقوت: اه.
فتحت اسيا الباب، ولقت غرفة مرتبة نوعاً ما والسرير نظيف.
_اسيا: اخيرا مكان نظيف.
_ياقوت: بتقولي ايه مسمعتش!!
_اسيا: ها....ااا...بقول شكرا شكرا.
_ياقوت: اه بحسب.
_اسيا: لا اطرح.
_ياقوت: انا بعرف اضرب كمان لعلمك.
_اسيا: انت عصبي ليه يا اخ ياقوت يعني بهزر معاك🙂.
_ياقوت: معاكي تليفون؟؟؟
_اسيا: لا مش معايا، هو في البيت عند اهلى، علشان مينفعش اروح كلية التمريض العسكري بالتليفون ممنوع.
_ياقوت: ماشي هصدقك، ليكون بعلمك الغرفة دي بتاعتي، اياكي تلعبي في حاجة فيها انتِ فاهمة، انا في الغرفة اللي في وشها يعني الباب في الباب بلاش اي حركة سخيفة.
_اسيا: انا قلت بردو الغرفة المترتبة دي اكيد لحد مهم، ما طبعا ما انت رئيس العصابة.
_ياقوت: انتِ مين بعتك يا بت ها؟؟؟ جاسوسة صح!!!!
_اسيا: دا شكل جاسوسة بذمتك!!
_ياقوت: صراحة لاء😂.
_اسيا: شوفت انا اهبل مما انت متخيل، انا حتى ليسة بتفرج على سبيستون.
_ياقوت بتريقة: كان نفسي اشغلك التلفزيون على الكارتون المفضل ليكي بس معندناش معلش بقى يا صغننه يلا نامي دلوقتي وبكره بليل هنروح عند الكلية.
_اسيا بعصبية طفولية: انت بتتريق صح.
_ياقوت: والله ما قادر امسك نفسي من الضحك اسف.
_اسيا: انت بتسخر مني يا ياقوت طيب اطلع بره....وياريت مشوفش وشك غير بكرة بليل يا متنمر.
_ياقوت: ما انا كدا كدا طالع متزوقيش، واكيد يعني مش عحب ابقى مع طفلة زيك في مكان واحد.
_اسيا: ابادلك نفس ذات الشعور....بره.
_ياقوت: خليكي اعده عاقلة ومتمسكيش حاجة متخصكيش علشان كدا كُخ وغلط يا صغيرة.
_اسيا: انت عارف اللي بتتريق عليها دي لو اتعصبت هتعمل فيك ايه!!!!
اقترب ياقوت من اسيا بخطوات ثابته، فبدأت اسيا ترجع خطوات للوراء.
_ياقوت: هتعملي ايه بقى ام شبر ونص؟
_اسيا بتردد وقد ارتفع صوت دقات قلبها: ولا حاجة اخرج لوسمحت.
خرج ياقوت وعلى وشه ابتسامة غير معروف نيتها.
_اسيا: بجد مزعج لكن وسيم ازاي دا بقى!!!
بعد ما نزل ياقوت للعصابة تحت.
_باسم: البنت دي هتجيب اجلنا اكيد.
_ماجد: انا اسف ياريتني قتلتها وقتها.
_علي: انا نفسي افهم انت مخك دا شلته وحطيت بداله بطيخة.
_زين: تصدق يا علي فعلاً الواحد في الحر دا محتاج بطيخ، تحبوا اقطع ليكم دماغه.
_ماجد: كفايا بقى سخرية وتنمر.
_ياقوت: خلصتم كلامكم الفارغ دا خلاص، اسمعوني بقى.. البنت دي لا جاسوسة ولا حاجة وبكرة بليل هخلص منها
_باسم: هتقتلها!!
_ياقوت بعصبية: مش بحب حد يقاطع كلامي، هتمشي البنت دي من هنا ومش هتقول حاجة لحد وإلا هتودع عيلتها، وياريت محدش يهوب نحية الغرفة اللي فيها هي تحت حمايتي مفهوم.
_زين/على/ماجد/البقية: مفهوم يا ريس.
_ياقوت: باسم فين صوتك!!!
_باسم بغيظ وغضب مكتوم: مفهوم.
_ياقوت: برافو، انا هروح انام وانتم كمان يلا تعبتم كتير انهاردة.
_ماجد: وانا معاهم!!
_ياقوت: اه ولا معترض تحب يفسحك زين زي ما عمل مع عزيز.
_ماجد: لا يا ريس شكراً، والله هاين عليا ارقص من الفرحة.
_ياقوت: كفايا مسخرة وروح نام وانت كمان يا باسم يلا روح نام.
_باسم: رايح...رايح.
على الساعة ١٢ خرج باسم علشان يشم هوا ويخرج عن الغضب اللى جواه.
_باسم: هو الريس ومعترضتش، بيتحكم في كل كبيرة وصغيرة بقول مش مهم، بيعمل كل حاجة منغير ما ياخد حتى رأيي وبعديها، انما يتعصب عليا علشان بنت دي لاء بقى لازم اروح اتكلم معاه.
رجع باسم المقر وطلع الدور الثالث الدور اللي موجود فيه غرفة ياقوت.
فتح باسم غرفة ياقوت بهمجية وغضب.
_اسيا: ايه الهمجية دي يا حيوان!! في حد يدخل لغرفة حد كدا، مش لازم تخبط الأول، الظاهر اهلك معرفوش يربوك.
_باسم بغضب: الحقيقة اهلي مكنوش فاضين كانوا بيصيفوا في مالديف، انتِ بتعملي ايه هنا!!!
_اسيا: وانت مالك؟؟؟
_باسم: انا اصلاً على اخري متخلنيش ادفنك هنا.
_اسيا: متقدرش علشان انا هنا تحت حماية ياقوت.
_باسم بغضب: بتتحديني تمام.
خرج باسم المسدس وحط ايده على الزناد واستعد لإطلاق الرصاصة.
وقفت اسيا مش بتنطق بعد ان سرت في جسدها رعشة الموت.
KAMU SEDANG MEMBACA
أحـبـبـتُ خَــاطـفي
Aksiملحوظة:*الرواية بتتعدل* تم البدأ فيها 26/7/2023. وانتهت 23/8/2023. انا اسمي اسيا وفي يوم من الايام خرجت من السكن بتاع الكلية وقررت اني اخرج اتمشى شوية وانا بتمشى شوفت حاجة مكنش ينفع أشوفها وعلى الرغم من اني كنت خايفة الا ان فضولي وداني للموت برجلي،...
