Chapter 95
“ ဒီနေ့ CT001 ပထမဆုံး ပေါ်လာတဲ့ အပိုင်းကို စရိုက်ကြရအောင် ကန်အကျယ်ကြီးထဲမှာ ရေစိမ်နေတဲ့ အပိုင်းကို ရိုက်ရမှာဆိုတော့ ရှောင် မင်းက တစ်ကိုယ်လုံး အဝတ်ဗလာ ဖြစ်နေရလိမ့်မယ် ပြီးတော့ ဒေတာကြိုးတွေနဲ့ ချိတ်ဆက်ထားရမှာ မင်းကို တစ်ခုလောက် ကြိုပြီး သတိပေးထားချင်တယ် အဝတ်ဗလာနဲ့ ရေစိမ်ရတာ သိပ်တော့ ကောင်းမှာ မဟုတ်ဘူး မင်းရဲ့ ရှေ့နောက်ဝဲယာမှာ ကင်မရာတွေ အများကြီးက ရိုက်ကူးနေမှာဖြစ်လို့ မင်းအနေနဲ့ ရှက်ကောင်းရှက်လိမ့်မယ် ဒီခံစားချက်ကို ကျော်လွှားနိုင်ဖို့ပဲ မျှော်လင့်ပါတယ် မင်းတို့ အရှေ့တိုင်းသားတွေက အရမ်းကို ရှေးရိုးစွဲမှန်းတော့ သိပေမယ့် ဒါက အနုပညာတစ်ခု၊ အပြာကား ရိုက်နေတာ မဟုတ်ဘူးလို့ နားလည်ထားရလိမ့်မယ် ဟုတ်ပြီလား ...”
သူက ရှည်ရှည်ဝေးဝေး ရှင်းပြနေသည့်တိုင် ရှောင်ကျားရှုကမူ တိုတိုတုတ်တုတ်သာ ပြန်ပြောလာသည်။
“ပြဿနာ မရှိပါဘူး ...”
မိတ်ကပ်ပြင်နေသည့် ကျိမြန် မျက်မှောင်ဖွဖွ ကြုတ်လိုက်မိသည်။
ရှောင်ကျားရှုမှာ ထိုသို့ ရိုက်ကူးရမည်ဖြစ်ကြောင်း အစောကြီးကတည်းက သိထားပြီးဖြစ်၍ များစွာ အံ့ဩမနေ။ မတ်တပ်ထရပ်ကာ အဝတ်အစားအားလုံးကို တစ်လွှာချင်း ချွတ်ချလိုက်သည်။ သူ့အမူအယာမှာ မျှသုံးနေရသည့် အဝတ်လဲခန်းတွင် မဟုတ်ဘဲ သူ့ကိုယ်ပိုင်အခန်းထဲတွင် ရှိနေသည့်နှယ် အလွန်အမင်း စိတ်အေးလက်အေး ရှိလွန်းလှပေသည်။
ဖန်ခွင်းနှင့် လက်ထောက်များအားလုံး ချက်ခြင်း ထွက်သွားကြကာ ကျိမြန်နှင့် မိတ်ကပ်ဆရာနှစ်ဦးသာ ကျန်ခဲ့တော့သည်။
ကျိမြန်က သူ့ကို မှန်ထဲမှတစ်ဆင့် ကြည့်ကာ ခပ်တိုးတိုး မေးလိုက်သည်။
“စိတ်မရှိပါနဲ့ ဆေးလိပ်တစ်လိပ်လောက် သောက်လို့ ရမလား ...”
“ရပါတယ် မိတ်ကပ်ကလည်း ပြင်ပြီးနေပြီပဲကို ...”
မိတ်ကပ်ဆရာက ဆေးရောင်နှင့် စီလီကွန်တို့ကို ထုတ်ကာ သူ့လက်မောင်းကို အမာရွတ်အမျိုးမျိုး ခြယ်သပေးလိုက်သည်။
YOU ARE READING
ကိုယ် မင်းကို ဘယ်လိုဖွင့်ပြောရမလဲ (ရှောင်ကျားရှု) BL (IQ Team ကစာစဥ်တစ်ခုပါ)
FantasyHow to say I love you Description လူအချို့မှာ စတင်ကြုံတွေ့စဉ်က မျက်မုန်းကျိုးမိသော်ငြား ပိုပြီး ရင်းနှီးလာလေလေ သဘောကျမိလာလေဟူသည့် ခံစားချက်ကို ပေးစွမ်းနိုင်ပေသည်။ သို့သော် အချို့မှာမူ စတင်တွေ့ဆုံစဉ်က သဘောကျမိသည့်တိုင် သိလေလေ ပိုပြီး နားလည်ရခက်သည်ဟ...
