ကိုယ် မင်းကို ဘယ်လိုဖွင့်ပြောရမလဲ (ရှောင်ကျားရှု) BL (IQ Team ကစာစဥ်တစ်ခုပါ)

159 - 160

Chapter 159
Sue Xing NwayApril 24, 2023
Chapter 159

သူသာ ဒုက္ခဆင်းရဲဆိုတာကို မသိရင် မူးမေ့လဲတဲ့အထိ နာကျင်မှုကို အံကြိတ်ခံနေမှာတဲ့လား သူ့ကို အာရုံစိုက်အောင်ပဲ လုပ်တတ်တဲ့သူဆို စီနီယာကို ဒီလိုမျိုး လေးစားမှာတဲ့လား သူက ဟန်ဆောင်မူပိုတတ်လွန်းတယ် ဟုတ်လား ဒါဆို မင်းတို့ခြေဖဝါးတွေကို စုတ်ပြတ်နေအောင် လုပ်ပြီးတော့ တောင်တက်ပြကြလေ ...

ဤအစီအစဉ်ကို နာမည်ကြီးများစွာ ဖိတ်ကြားခဲ့သော်ငြား လူသစ်ဟုသာ သတ်မှတ်၍ ရသေးသည့် ရှောင်ကျားရှုသည် ရှစ်ထင်းဟန်၏ နောက်မှ ကပ်လျက် လိုက်ပါကာ အကျော်ကြားဆုံး သုံးဦး စာရင်းထဲ ဝင်ရောက်လာတော့သည်။ လင်းလဲ့ယန်မှာမူ အောက်ဆုံးအထိ ကျဆင်းသွားကာ လူတိုင်းက သူ့ကို အစီအစဉ်မှ နှုတ်ထွက်စေလိုနေကြသည်။

သူ့ရဲ့ အကျင့်စရိုက်က မှုန်မှုန်မှိုင်းမှိုင်းနဲ့ စကားလည်း မပြောတတ် ဘာလုပ်ရမယ်မှန်းလည်း မသိ သူလုပ်ချင်တာကိုပဲ ရှေ့တန်းတင်နေတာ မြေကြီးပေါ်မှာ အိမ်ဆောက်ချင်တယ်လို့ ပြောခဲ့တာလည်း သူပဲ သစ်သီးခူးဖို့ ဟွမ်ရင်ရွှယ်ကို မြစ်ဝှမ်းထဲ ခေါ်သွားတာလည်း သူပဲ သူရှိနေရင် မကောင်းတာ တစ်ခုခု ဖြစ်ကိုဖြစ်နေတာ ဒီရှိုးကို နောက်တစ်ကြိမ် မလာပါနဲ့တော့ ...

သူမ၏ အိုင်ဒေါနှင့် ရှောင်ကျားရှုတို့ကို အသီးသီး မဲပေးခဲ့သော ချိုးလင်လင်က ခေါင်းအုံးကိုချကာ ဆိုင်းတွနေဟန်ဖြင့် ဖုန်းကို ကောက်ကိုင်လိုက်သည်။ အချိန်များစွာ ကြာမြင့်ပြီးနောက်တွင်မှ သူမ၏ အကောင်းဆုံးသူငယ်ချင်းကို စာပို့လိုက်တော့၏။

[စုစု နင့် CP group ရဲ့ စကားဝှက်က ဘာလဲ]

[အဖွဲ့က ပြည့်နေပြီ နင့်ကို ထည့်ပေးလို့ မရတော့ဘူး ဒါမှမဟုတ် ငါ့ကို ကူပြီး နောက်တစ်ဖွဲ့ ထပ်လုပ်ပေးမလား ]

စုအန်နာက ချက်ခြင်းပင် စာပြန်ပို့လာသည်။

ချိုးလင်လင်လည်း စိတ်ကို အတော်ကြာ လွန်ဆွဲနေပြီးနောက် ဤသို့သာ ပြန်ဖြေလိုက်တော့သည်။

[ကောင်းပြီလေ ဒီအမေကြီးတော့ သွားပါပြီ]

ဖာ့ခ် ဒါ သူမ‌အနေနဲ့ ပထမဆုံးအကြိမ် ခေတ်ရေစီးကြောင်းနောက်ကို လိုက်ဖူးတာပဲ ဒီစုံတွဲက အရမ်းကို ချိုမြိန်ပြီး ချစ်စရာကောင်းလွန်းတော့ စိတ်မထိန်းနိုင်တော့ဘူး ...