U~
" မောင်.. ဒီနေ့အလုပ်မသွားပါနဲ့လား "
အလုပ်သွားဖို့ ပြင်ဆင်နေသည့် 'နယ်မြေ' ကို
'ကမ္ဘာ' ကုတင်ပေါ်မှ ပြောလိုက်ခြင်းဖြစ်သည်။
" မောင် မနက်ပိုင်းက အရေးကြီးကိစ္စရှိလို့
နေ့လည်မှ ပြန်လာခဲ့မယ် "
ဒေါက်! ဒေါက်!
'နယ်မြေ' တံခါးသွားဖွင့်ပေးလိုက်တော့
'ရောင်ခြယ်' နှင့် 'ဒီခေတ်' က
အခန်းထဲကို ဝင်လာကြသည်။
" 'ရောင်ခြယ်' တစ်ချက် ဂရုစိုက်ပေးဦးနော် "
" အင်း "
'နယ်မြေ' 'ရောင်ခြယ်' ကို ပြောပြီးသည်နှင့်
အပေါ်ဝတ်ကိုထပ်ဝတ်လိုက်သည်။
" အချစ်...မောင် သွားပြီနော် "
'နယ်မြေ' က ကမ္ဘာ' ၏ နဖူးလေးအား ခပ်ဖွဖွနမ်းကာ အခန်းထဲမှထွက်သွားသည်။
'ရောင်ခြယ်' က ကုတင်ဘေးမှ ခုံတွင်ဝင်ထိုင်လိုက်ကာ 'ဒီခေတ်'က ကုတင်ပေါ်တက်၍
'ကမ္ဘာ' ၏ဘေးတွင် ဝင်လှဲလိုက်သည်။
" အဆင်ပြေနေကြပြီပေါ့ "
'ဒီခေတ်' မေးလိုက်တော့ 'ကမ္ဘာ' က
ပြုံးသည်။
" ထင်တာပဲ မင်းရော "
" အခုထိဆက်သွယ်လို့မရဘူး
နှစ်လပြည့်လို့မှ ပြန်မလာရင် ပျက်ပြီပဲ "
" အပိုတွေပါ မင်းလား ပျက်နိုင်မှာ "
.............။
" 'နွေ' စားမကောင်းဘူးလား "
" ဗျာ! မဟုတ်ပါဘူး "
ထမင်းမစားဘဲ ဇွန်းနဲ့ ထိုးမွှေနေသူကြောင့်
'နယ်မြေ' မေးလိုက်ခြင်းဖြစ်သည်။
" ကိုယ့်ကို တစ်ခုခုပြောစရာရှိနေတာလား"
" ဟိုလေ 'နွေ' မနက်ဖြန်တစ်ရက်ခွင့်ယူချင်လို့"
" ဪ.... ရတယ်လေ "
" ဟီး.... ဟုတ် "
ခွင့်ပြုချက်ပေးလိုက်တော့မှ ရယ်ပြလာကာ
ထမင်းကိုအားရပါးရစားနေည့် 'နွေမှိုင်း' ကို
ကြည့်ကာ 'နယ်မြေ' သက်ပြင်းချမိသည်။
ဖြူဖွေးနေသည့် အသားအရေက
ပါးပေါ်မှာပင် သွေးကြောအစိမ်းရောင်တွေမြင်နေရသည်အထိ...
ရွှေအိုရောင်ဆံပင်တို့အား
ခပ်အုပ်အုပ်ချထားကာ လူကောင်သေးသည့်အပြင် အရပ်ကလည်း 5 ပေ 6သာရှိသဖြင့်
'နယ်မြေ' နှင့်ယှဉ်လိုက်ရင် ကလေးသာသာလောက်သာရှိသည်။
YOU ARE READING
My Best Friend Becomes My Husband ( COMPLETE )
RomanceMyanmar × BL Uni/Zaw [ 1 ] Warning... Start Date: 20.8.2023 End Date: 27.9.2023 Photo Crd
